Македонија
КСС репрезентативен во пет сектори

Конфедерацијата на слободни синдикати (КСС) со решение од Министерството за труд и социјална политика стана репрезентативен во пет грански синдикати
Решението се однесува на секторите во образование, наука и култура, во енергетика, одбрана и безбедност, транспорт и врски и во комунални дејности.„Двата синдикати, КСС и ССМ добија решение за репрезентативни синдикати на национално ниво, во јавниот и приватниот сектор и репрезентативност на гранско ниво“, рече Раско Мишкоски, претседател на КСС. КСС е репрезентативен синдикат во 30 отсто од вкупниот број на вработени во јавниот сектор, во секторот образование, наука и култура е со 80 отсто од бројот на вработени, во енергетика е застапен со 60 отсто, транспорт и врски со 86 отсто од вработените и во станбено-комуналната дејност е застапен со 30 отсто.Како беше речено во четврток, КСС ќе делува во имплементација на нови директиви за членство во ЕУ, како и за што помалку отпуштања на вработените и активно ќе се залага за унапредување на економско-социјалната сфера.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Делови од Центар, Аеродром и Ѓорче Петров денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 08:00 до 14:00 часот, корисниците од улицата Јосиф Јосифовски Свештарот, општина Центар;
· од 08:00 до 15:00 часот, корисниците од улиците: 1 , 2, и 3 во село Долно Лисиче, општина Аеродром;
· од 08:00 до 15:00 часот, корисниците од дел од ул. 3-та Македонска Бригада, поточно објектите во околината на СУГС Владо Тасевски, oпштина Аеродром;
· од 09:00 до 13:00 часот, корисниците од дел од ул. Црногорска, општина Ѓорче Петров.
Македонија
Претежно сончево и топло, максималната температура до 37 степени

Времето денеска ќе биде претежно сончево и топло. Ќе дува слаб до умерен ветер од јужен правец.
Минималната температура ќе биде во интервал од 7 до 17, а максималната ќе достигне од 30 до 37 степени.
Во Скопје, сончево и топло со слаб до умерен ветер од јужен правец. Минималната температура ќе се спушти до 13, а максималната ќе достигне до 37 степени.
Времето во наредните денови
Во сабота попладне, во текот на ноќта и во недела претпладне ќе биде нестабилно со локален пороен дожд и грмежи. Ќе дува умерен, наместа засилен јужен, а во недела северозападен ветер, кој ќе услови опаѓање на дневната температура. Потоа следува период на стабилно и потопло време.