Спорт
Пандев од Неапол ќе се сели во Андалузија?
Горан Пандев сигурно нема да игра во пријателскиот натпревар помеѓу Македонија и Албанија, исто како што е сигурно дека капитенот на националниот тим не е повреден.
Горан Пандев сигурно нема да игра во пријателскиот натпревар помеѓу Македонија и Албанија, исто како што е сигурно дека капитенот на националниот тим не е повреден. Потврда на ова е информацијата која е објавена на интернет страницата на Наполи, дека Пандев постигнал два гола за својот тим во дуелот против младинската екипа. На овој начин Пандев си поигра со својот углед, кој макотрпно со години го гради во Серија А, но и со угледот на националниот тим, и секако со авторитетот на селекторот Тошак. Квалитетите на Пандев не се спорни, контролата со Албанија може да помине и без него, но струмичанецот можеше да „одигра“ подобро, доколку е во фаза на преговори за нов трансфер, можеше во договор со Тошак да ја извести јавноста, дека пријателската со Албанија ќе ја пропушти поради приватни причини. Веројатно тука ќе застанеа сите критики кои беа упатени на негова адреса. Пандев ќе го напушти Наполи, во Интер нема да се враќа, туку ќе оди во Шпанија, ова го тврди шпанскиот весник „ABC“. Според весникот, екипата на Севиља на нешто помалку од месец до почетокот на зимскиот преоден рок (од 1 до 31 јануари 2012) веќе започнала преговори со одредени фудбалери, со цел тимот да се засили за вториот дел од сезоната во кој ќе се брка пласманот во Лигата на шампиони. Еден од играчите кои е наоѓа на листата на желби на менаџментот на Севиља е и капитенот на македонската репрезентација Горан Пандев. Пандев во моментов како позајмен играч од Интер настапува за Наполи, но од доаѓањето во Неапол Македонецот не успеа да му се наметне на тренерот Валтер Мацари. Стратегот на Наполи од почетокот на сезоната во нападот игра со Кавани и Лавеци, додека поддршка во нападот им дава Хамшик. Поради тоа весникот „ABC“ пишува дека најверојатно Интер ќе го врати Пандев назад за тој да биде продаден на Севиља. Според весникот Пандев до крајот на викендот треба да се сретне со менаџерот Рамон Монки и да ги договори условите под кои тој би се преселил во прволигашот од Андалузија. Дека трансферот на Пандев во Севиља е само прашање на време, потврдуваат и информациите од Италија – Масимо Морати првиот човек на Интер, наводно, бил задоволен од понудата за трансфер, додека во Наполи не се противат Пандев да замине, бидејќи во клубот не биле задоволни од она што Македонецот го презентирал од доаѓањето во оваа екипа. Инаку, Севиља покрај Пандев, во јануарскиот преоден рок планира да се засили со уште двајца играчи. Започнати се преговорите со Тотенхем за Мексиканецот Џовани дос Сантос, кој во шпанскиот фудбал би можел да се врати за сума од околу четири милиони евра. Севиља има желба на „Санчез Писхуан“ стадионот да го врати и својот поранешен играч, Хозе Антонио Рејес. По ова прашање од сегашниот клуб на Рејес, Атлетико Мадрид, велат дека не знаат ништо, но дека нема да се противат доколку за Рејес на адреса на клубот стигне примамлива понуда. крај/abc/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Ракометарите и ракометарките се 19. на најновата листа на ЕХФ
Фото/ facebook.com/rfmofficial
Светското првенство во ракомет што се одржа во Хрватска, Данска и Норвешка заврши во неделата. Данска го освои златото, Хрватска заврши на второто место, додека Франција со триумфот над Португалија го освои третото место.
Македонија имаше добра настап на 29.Светско првенство. Избори пласман во втората фаза, а во главната група го освои четвртото место. Во конечниот поредок Македонија заврши на 15. позиција.
ЕХФ денеска го објави рангирањето на најдобрите европски репрезентации во машка и женска конкуренција. Македонските ракометари и ракометарки се на 19.место.
ЕХФ ги следи резултатите постигнати на Европските и Светските првенства и ги бодува и формира ранг-листата земајќи ги предвид резултатите од изминатите две светски првенства и две европски првенства. Ова важи и за машките и женските национални тимови.
Најдобрите ракометни тимови во Европа:
Мажи:
1. Данска 112 поени
2. Франција 105
3. Германија 82
4. Шведска 79
5. Хрватска73
6. Унгарија 66,5
7. Португалија 65
8. Норвешка 65
9. Исланд 58
10. Шпанија 56
….
19. Македонија 27,75
Жени:
1. Норвешка 116
2. Франција 103
3. Данска 102
4. Шведска 86
5. Холандија 77
6. Германија 74
7. Унгарија 67
8. Црна Гора 66
9. Шпанија 51
10. Словенија 49,5
…
19. Македонија 23.
Спорт
Кајл Кузма кај Јанис и Лилард во Милвоки
Американскиот кошаркар Кајл Кузма е трејдуван во Милвоки Бакс каде ќе им се придружи на Jанис Адетокумбо и Демијан Лилард.
Кузма беше испратен од Вашингтон Визардс во Милвоки Бакс за Крис Мидлтон, кој ќе се пресели во франшизата од престолнината на САД.
Заедно со Кузма, во Висконсин оди и Патрик Болдвин Јуниор и пикови од првата рунда на драфтот, додека во главниот град на САД ќе завршат и Еј Џеј Џонсон и правото на трејд пикови.
Иако можеби не е најсилната, но ова ќе биде новата „голема тројка“ во НБА, составена од Кузма, Адетокумбо и Лилард, со солидни играчи околу нив како искусниот центар Брук Лопез.
Kyle Kuzma joins Giannis Antetokounmpo and Damian Lillard in Milwaukee. pic.twitter.com/oqWJgiUfnp
— Shams Charania (@ShamsCharania) February 5, 2025
Ова ќе биде трет тим на Кузми во кариерата, откако претходно играше за Лос Анџелес Лејкерс од 2017 до 2021 година. 29-годишникот нема добра сезона, со просек од само 15,1 поен, шест скока и 2,5 асистенции по натпревар, што е значително под просеците од претходните сезони.
Причината за ова е што Вашингтон е најлошиот тим во лигата оваа година и јасно е дека Кузма бараше начин да си замине од тој тим.
На другата страна оди 33-годишниот Мидлтон, кој помина речиси 12 години во Милвоки, но во последните речиси две и пол години беше само бледа сенка на играчот кој во голема мера беше заслужен за титулата во НБА лигата која заврши во Висконсин.
Спорт
Кристијано Роналдо наполни 40 години
Еден од најдобрите фудбалери на сите времиња, Кристијано Роналдо, оваа среда полни 40 години.
Роден на островот Мадеира, тој ја започна својата кариера во младинските школи на локалните клубови Адорињо и Национал, каде во 1997 година, како 12-годишник, беше забележан од лисабонскиот гигант Спортинг.
Набргу по неговото деби за првиот тим во 2002 година, брилијантниот настап на пријателскиот натпревар против Манчестер Јунајтед го привлече вниманието на Сер Алекс Фергусон, кој веднаш го донесе на Олд Трафорд.
Во текот на шест сезони, тој постигна 118 гола во 292 натпревари и освои девет трофеи, вклучувајќи ја и Лигата на шампионите, сепак, тој го достигна својот врв во Реал Мадрид, за кого одигра 438 натпревари за девет години и постигна импресивни 450 гола.
Со Мадрид освои 15 трофеи, вклучувајќи четири Лига на шампиони, но само две титули во Ла Лига.
Потоа четири години играше за Јувентус и на 134 натпревари постигна 101 гол, но со „Старата дама“ не успеа да ја освои Европа.
Тој неочекувано се врати во Манчестер Јунајтед во 2021 година, блескајќи во првата сезона со 24 гола, но новиот тренер Ерик тен Хаг немаше доверба во него и го напушти Олд Трафорд во јануари 2022. Потоа се пресели во Саудиска Арабија, каде Ал Наср му понуди плата од 200 милиони евра годишно. На 95 натпревари постигна 87 гола и се уште дава голови.
Роналдо е светски рекордер по бројот на настапи и голови за репрезентацијата, со 217 настапи и 135 голови, а со Португалија го освои и ЕВРО 2016 година.
Петкратниот освојувач на „Златната топка“ за најдобар фудбалер во светот е рекордер во Лигата на шампионите и ЕУРО по број на настапи, голови и асистенции.
Тој е еден од ретките играчи со повеќе од 1.200 одиграни натпревари и најдобар стрелец на сите времиња со повеќе од 900 гола (924. го постигна во понеделникот) во сениорската кариера.