Свет
Аларова со нов sид ќе го потпира Водно

Новиот sид ќе се гради многу скоро, но не на истото место каде што е сегашниот што се урива, бидејќи треба да биде направен во согласност со Деталниот урбанистички план
ОТКАКО ГО УРНА ПОСТОЈНИОТ
Новиот sид ќе се гради многу скоро, но не на истото место каде што е сегашниот што се урива, бидејќи треба да биде направен во согласност со Деталниот урбанистички план
Градоначалничката на Општина Центар, Виолета Аларова, ќе гради нов потпорен sид на улицата Салвадоре Аљенде на Водно, но не на местото на сегашниот што се урива туку во близина. За sидот е нарачан план, и треба да се изработи многу бргу во согласност со деталниот урбанистички план.
Од Одделението за односи со јавност на Општина Центар велат дека експерти деновиве ќе утврдат кои се најризчните места од планината кои треба да ги зајакнат со sид. Според општинарите, новиот sид ќе треба да ги заштити куќите од лизгање на земјиштето. Поради исечената шума на чие место се градат нови згради, куќите кои се десетина метра под улицата, постојано се на удар на надојдената вода од планината која со себе носи камења и земја.
Општина Центар донесе решение за уривање на sидот, бидејќи градежната инспекција утврдила дека тој е направен во туќи дворови. Него пред повеќе од една година го направија градските власти за да ги заштитат куќите, но според Аларова без соодветна градежна документација.
Луѓето кои живеат на Салвадоре Аљенде пред три дена најавија дека од градоначалничката Аларова ќе побараат отштета за уништените куќи чии sидови се напукнати од силните потреси на градежните машини. Тие најавуваат и дека ќе ги тужат инвеститорите на новите згради ако кренат уште по два ката. Според нив откако ќе се тргне sидот газдите на зградите планираат објектите да ги прошират на улицата и да ги направат повисоки од 8,5 метри колку што е дозволено да се гради во овој дел од Градот.
Според жителите, работниците кои ги кршат огромните бетонски плочи ги ангажирал непознат инвеститор. Тие веќе десетина дена го отстрануваат sидот. Најголем дел од плочите биле срушени на празникот 8 септември и во саботата. (И.С.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Колона долга околу 700 километри забележана на автопат во Франција

Колона долга речиси 700 километри е забележана денеска на автопат во Франција, додека вкупната должина на сите колони на патиштата во земјата изнесуваше 1.051,6 километри во време на зголемен сообраќаен интензитет поради летните одмори и смената на туристи, што колоквијално се нарекува „Црна сабота“.
Како што извести BFM TV, сообраќајот на патиштата во Франција дополнително бил забавен поради две сообраќајни несреќи на автопатот кон Медитеранот и Атлантскиот Океан.
Според податоците на Bizon Futé, француската агенција за следење на состојбата на патиштата, до 7 часот утрово колоните биле подолги од 200 километри, а до 10 часот веќе надминале 570 километри.
Како што беше соопштено, гужвите се во согласност со прогнозите на агенцијата, која предупреди на „исклучително тешки сообраќајни услови“ за оваа сабота, а врвот на метежот се очекува околу пладне.
Сообраќајот во правец кон Алпите исто така е интензивен и загушен, со задржувања од час и 45 минути во тунелот Мон Блан во правец кон Италија
Свет
Газа: 169 луѓе починаа од глад, над 320.000 деца се соочуваат со акутна неухранетост

Министерството за здравство во Газа денес објави дека уште седум Палестинци, меѓу кои и едно дете, починале од глад и неухранетост.
Новите смртни случаи, регистрирани во последните 24 часа, го зголемија вкупниот број на смртни случаи поврзани со глад од октомври 2023 година на 169, вклучувајќи 93 деца, се вели во соопштението.
Министерството предупреди дека хуманитарната криза во Газа се влошува и повторно апелираше до меѓународната заедница и хуманитарните организации веднаш да интервенираат за да се стави крај на страдањето и да се достави итна помош, пренесува Анадолија.
Заменик-извршниот директор на УНИЦЕФ, Тед Чајбан, денесka изјави дека Газа се соочува со сериозен ризик од глад и дека она што може да се види на терен е „шокантно“.
„Повеќе од 320.000 мали деца се изложени на ризик од акутна неухранетост. Во стабилизацискиот центар во градот Газа , сретнав акутно неухранети бебиња чии тела беа само кожа и коски. Нивните мајки седеа во близина, очајни и исцрпени. Една мајка ми кажа дека нејзиното тело повеќе не произведува млеко затоа што самата е премногу гладна. УНИЦЕФ прави сè што може за да ја реши ситуацијата – поддржува доење, обезбедува формула за бебиња и лекува деца со тешка акутна неухранетост. Но, потребите се огромни по 22 месеци војна и два месеци блокада, која сега е олеснета, но сè уште има влијание, а помошта сè уште не пристигнува доволно брзо или во потребниот обем“ рече Чајбан.
Тој нагласи и дека повеќе од 18.000 деца се убиени во Газа од почетокот на војната, што е во просек по 28 деца дневно.
Свет
Нов земјотрес на Камчатка, регистриран афтершок со јачина од 6,1 степен според Рихтеровата скала

Земјотрес со интензитет од 6,1 степен според Рихтеровата скала е регистриран денес на Камчатка, на растојание од 196 километри од регионалниот главен град Петропавловск-Камчатски, соопшти огранокот на Геофизичката служба на Руската академија на науките (РАН) на Камчатка.
Како што е наведено, земјотресот е регистриран на длабочина од 59,8 километри, пренесува РИА Новости.
Директорката на подружницата на оваа служба во Камчатка, Данила Чебров, претходно за агенцијата РИА Новости изјави дека се очекуваат силни, но не и разорни потреси по силниот земјотрес што го погоди регионот на 30 јули.
Според регионалните служби за вонредни состојби, во последните 24 часа се регистрирани околу 146 последователни потреси со јачина помеѓу 3,2 и 6,2 степени, од кои многу се почувствувани, со јачина од 2 до 5 степени според Меркалиевата скала.
Во среда, на 30 јули, Камчатка беше погодена од најсилниот земјотрес од 1952 година, со јачина од 8,8 степени.
По земјотресот, во делови од Русија и низ Тихиот Океан беше прогласена закана од цунами, а населението беше повикано да се држи подалеку од брегот во ризичните области.
Вечерта, предупредувањето беше укинато.