Свет
Одбрана или последни денови на Александар Прчевски
Прчевски вели дека е подготвен да ја напушти функцијата, но останува оти не сакал неговото неуставно разрешување да стане практика
ВЛАСТА И ОПОЗИЦИЈАТА СО РАЗЛИЧНИ ТОЛКУВАЊА на уставниот закон
Прчевски вели дека е подготвен да ја напушти функцијата, но останува оти не сакал неговото неуставно разрешување да стане практика
Предлогот на Владата да биде разрешен јавниот обвинител Александар Прчевски вчера беше ставен на дневен ред на Собранието и покрај тврдењата на опозициската СДСМ дека со тоа ќе биде прекршен Уставот.
И владејачката коалиција и опозициската СДСМ се повикуваат на уставните амандмани и на уставниот закон за нивно спроведување во прилог или против предлогот за разрешување на Прчевски.
– Со секој изминат час и ден се губи драгоцено време ако не се преземат конкретни мерки да се остварат стратегиските цели за обезбедување заштита на Македонија од корупцијата и од организираниот криминал. Јавниот обвинител не ја оправда довербата и не покажа резултати во работењето. Владата е цврсто определена да води бескомпромисна борба и да се справи со криминалот и со корупцијата. Затоа и доставивме предлог за поведување постапка за утврдување одговорност за разрешување на јавниот обвинител – образложи пред пратениците министерот за правда Михајло Маневски.
Обвинителот Прчевски вчера изјави дека нема ништо против да си замине од функцијата, но без да се прекршат Уставот и законите:
– Сакам што поскоро да заврши сево ова. Моите документи и подготовки за заминување од функцијата се завршени. Но, сакам да оставам и трага за утре да не може да се повтори ова незаконие со разрешувањето на јавниот обвинител.
Правото на Владата да го разреши јавниот обвинител, министерот Маневски го посочи во уставни амандмани и уставниот закон за нивно спроведување:
– Новиот закон за јавното обвинителство не е донесен во периодот предвиден со уставниот закон за спроведување на уставните амандмани. Во преодните решенија се вели дека до усогласување на овој закон со уставните амандмани ќе се применува стариот закон за јавното обвинителство, според кој Владата го предлага разрешувањето на јавниот обвинител.
Извори блиски до опозицијата поинаку ги толкуваат уставните амандмани и уставниот закон.
– Во амандманот 30 се вели дека основите и постапката за престанок на функцијата или за разрешување на јавниот обвинител се уредуваат со законот за јавното обвинителство. Членот 3 од уставниот закон пропишува да се донесат измените на законот за јавното обвинителство во рок од 9 месеци од прогласувањето на амандманите. Тој закон требаше да биде донесен овој месец, но тоа не е направено. За да се избегне правниот вакуум, во член 5 од уставниот закон е посочено дека до усогласувањето на законот обвинителите ќе се избираат според стариот закон. Разрешувањето не се спомнува.
Истите извори посочуваат дека таквата дупка не е направена кога се во прашање судиите. Според нив, тоа јасно укажува дека законодавецот не случајно определил дека стариот закон ќе важи само при избор, а не и за разрешување на обвинителот. Тие појаснуваат дека во него не се дадени ниту основите ниту постапката за разрешување на обвинителот и дека мора да се чека да се донесе новиот закон.
В.д претседателката на ВМРО-НП, Весна Јаневска, изјави дека треба да се смени јавниот обвинител, но при тоа да се почитува процедурата.
– Во еден момент тој сам призна дека не сосема независно работел и дека трпел силни влијанија. Ќе побараме некој што ќе може самостојно да работи и законски да ја извршува функцијата – вели таа.
Јани Макрадули од СДСМ потсети дека при разрешувањето на поранешните јавни обвинители Ставре Џиков и Стеван Павлевски тие можеле во Собранието да дадат свое образложение. Тој вели дека не зборуваат за личноста и работата на Прчевски, туку за прекршена процедура.
– Не за џабе Европската комисија и НАТО бараат владеење на правото. Не за џабе направивме уставни измени. Нема логика во Брисел да кажувате дека сакате да ги почитувате уставните и законските измени што водат кон ЕУ, а дома да не го правите тоа – вели Макрадули.
Мендух Тачи од ДПА вели дека имало доволно коментари за однесувањето на јавниот обвинител како функционер, за неговата одговорност и за сите корупциски и афери за организиран криминал. Тој смета дека СДСМ повеќе се грижи за себе отколку за јавниот обвинител и оти била почитувана процедурата за разрешување.
(Н.Н.С.-М.Т.)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
САД: Додик е безбедносна закана
Соединетите Американски Држави го сметаат лидерот на босанските Срби Милорад Додик за закана за безбедноста, а спремни се да реагираат на секое загрозување на опстанокот на Босна и Херцеговина како држава, изјави американскиот амбасадор во Сараево Мајкл Марфи.
Марфи потсети на изјавата на Додик дека „не сака да дише ист воздух со Бошњаците“, оценувајќи дека тоа би требало да го загрижи секого, вклучувајќи ја меѓународната заедница.
Објасни дека САД нема мирно да го гледаат ризикот од избивање нов конфликт на тлото на БиХ и затоа силно го поддржуваат продолжувањето на воената мисија на ЕУ, но и решителноста на НАТО да не дозволи „безбедносен вакум во земјата“.
„Нашата политика е цврста и јасна и таква е во последните 30 години. Ги поддржуваме територијалниот интегритет, суверенитетот и мултиетничкиот карактер на БиХ, тоа е наш интерес и ќе го браниме“, кажа американскиот амбасадор за внатрешните прашања на БиХ.
Свет
(Видео) Атентаторот на словачкиот премиер: Пукав зошто не се согласувам со политиката на владата
На социјалните мрежи е објавено видео на кое се гледа наводниот атентатор и на кое тој зборува за причините поради кои се обидел да го убие словачкиот премиер Роберт Фицо.
„Не се согласувам со политиката на владата“, наводно вели атентаторот на видеото.
#BREAKING 🚨‼️🇸🇰 Video of the assassin of Robert Fico Slovakia Premier. The reason for the assassination is that Fico is allegedly liquidating the media. Incredible statement from the suspect. #Slovakia #Fico pic.twitter.com/lRA4EFPOwG
— The Macro Story (@themacrostory) May 15, 2024
Фицо беше застрелан по состанокот на владата во Хандлова, околу 150 километри североисточно од Братислава. Атентатот се случил кога Фицо отишол меѓу насобраниот народ.
Според информациите, премиерот на Словачка бил застрелан со неколку истрели во градите и стомакот. Со хеликоптер итно бил пренесен во болница и според словачките медиуми состојбата е многу сериозна. Словачката влада објави дека животот на Фицо е во опасност.
Регион
Телото на Светлана Драгијевиќ на обдукција, соседите се сомневаат на срцев удар
Телото на Светлана Драгијевиќ, мајката на осомничениот за убиството на малата Данка, која денеска почина во Злот, е предадено на Службата за судска медицина на болницата Бор каде ќе биде извршена обдукција.
Имала проблеми со срцето и соседите се сомневаат дека се работи за инфаркт.
Од апсењето на нејзините синови Дејан и Далибор, осомничени за убиство на малата Данка и прикривање на злосторството, а подоцна и на нејзиниот сопруг Драгослав, Светлана живее сама и често се жалела на здравствени проблеми.
Таа самата го погреба својот син Далибор, кој почина во притвор на 7 април.
– Слушнавме дека денеска излегла во населбата да побара помош. Прво влегла во двор, па ја преминала улицата до куќата на другите соседи и успеала само да каже: „дај ми чаша вода, не се чувствувам добро“ и се струполила. Луѓето веднаш повикаа брза помош, но ништо не можеа, изјави еден од жителите на Злот, кој не сакал да ја коментира судбината на Драгијевиќ.