Македонија
Паљурчани бараат Црвенковски да им се извини
![](https://makfax.com.mk/wp-content/uploads/2016/11/fbe8b30f-465b-4dcf-bb64-573d508797ce-1.jpeg)
Бранко Црвенковски да се извини за делот од својот говор на саботниот конгрес на СДСМ во кој навредливо го спомена селото Паљурци, побараа денеска од координативно тело „Паљурци – македонско и европско наследство“.
„Во својот последен говор Бранко Црвенковски со навреди зборуваше за Паљурци и за сите села во Македонија. Бараме јавно извинување од Црвенковски, поранешен претседател на сите граѓани на Македонија, па и на нас кои по потекло сме од селата. Црвенковски треба да знае дека не е во ред да ги навредува селата, затоа што како Паљурци има илјадници села во Македонија. Во Паљурци секогаш чесно се живеело и се сакала Македонија“, изјавуваат од координативното тело.Црвенковски на конгресот на СДСМ во Универзална сала во саботата во својот говор порача дека со новата партиска програма Македонија повторно ќе биде свртена кон Брисел и кон Европа, а не кон Пела и Паљурци. Од коориднативното тело на потпмците од жителите на Паљурци одговараат дека патот до Брисел не се оди со навреди на македонските села, туку со почит кон своето. „Такви изјави се непотребни и служат за дневно – политички цели и настап пред своите сопартијци, се навредливи за сите такви места низ цела Македонија и сите села кои сепак имаат ставено свое камче за да го поплочат патот до Брисел, а посебно такви места кои мноу други ги сметаат за свети места како што е село Паљурци. И треба да знаат дека иако малку, тогашни 25 фамилии, граѓаните на село Паљурци и нивните потомци се горди на се она што значело и значи ова место“, велат од Паљурци.Пањурци во 1900 година имало училиште кое било дел од манастирскиот комлекс каде децата од сиропиталиштето и од селото се школувале и учеле на својот македонски јазик. Во 1900 година, покрај македонскиот учеле и француски и италијански јазик. Во тоа село некое време се криеле и македонски револуционери за што лично Гоце Делчев има пратено писмо до католичкиот Надбискуп во Пловдив во кое ја искажува својата благодарност на управата на манастирот во село Паљурци Во селото престојувал и се молел Апостол Павле!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.