Свет
НАТО може да остане во Авганистан и по 2014-та
НАТО не ја исклучува можноста дека војниците на Алијансата може да останат во Авганистан и по 2014 година, изјави во средата директорот на Канцеларијата за информации на НАТО во Москва, Роберт Пшел.
„Стратегијата на НАТО за повлекување на единиците од Авганистан се базира на повлекувањето на припадниците на Меѓународните безбедносни сили за помош во Авганистан (ИСАФ) од земјата во 2014 година, по предавањето на одговорноста за безбедноста на самите Авганистанци. Меѓутоа, тоа не значи дека ние ќе ‘кренеме раце’ во тој момент“, изјавил Пшел за радиото „Ехото на Москва“.
Во операциите во Авганистан се вклучени мултинационални контингенти на анти-терористичката коалиција, која е предводена од командата на американските сили и војници во мисијата ИСАФ под команда на НАТО.
Главните цели на двата контингента, според нивното раководење се пребарување и уништување на авганистанските бунтовници припадници на екстремистичкото движење Талибан и припадници на меѓународната терористичка организација Ал Каеда.
Причината за почетокот на операцијата на САД и нејзините сојузници во Авганистан беа терористичките напади со авиони врз САД извршени од страна на припадници Ал Каеда од 11-ти септември 2001 година во коишто според официјалната статистика загинаа 2.974 лица, а 24 уште се водат како исчезнати. Се смета, исто така, дека во овие напади загинале и 19 терористи коишто ги извеле нападите./крај/рн/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.