Македонија
Продолжува конференцијата во Охрид за јубилејот од Рамковниот договор

Десет години од потпишувањето на Охридскиот рамковен договор со кој се стави крај на вооружениот конфликт во 2001 година и се постави рамка за меѓуетнички соживот се навршуваат денеска.
Десет години од потпишувањето на Охридскиот рамковен договор со кој се стави крај на вооружениот конфликт во 2001 година и се постави рамка за меѓуетнички соживот се навршуваат денеска.
По повод 10-годишниот јубилеј во Охрид се одржува конференција која започна вчера со обраќањето на македонскиот претседател Ѓорге Иванов.
Денеска на продолжението од конференцијата треба да се обратат Ралф Брет, раководител на мисијата на ОБСЕ во Република Македонија, Питер Соренсен, раководител на Европската делегација во земјава, Брајан Агелер, вршител на должност амбасадор на САД во Македонија, Кристофер Ивон, амбасадор на Обединетото Кралство на Велика Британија и Северна Ирска во Македонија, Питер Фејт- специјален претставник на ЕУ и меѓународен цивилен претставник за Косово, чие присуство сé уште не е потврдено и министерот за надворешни работи Никола Поповски.
Предвидено е учесници на конференцијата да бидат и Даниел Сервер, академски експерт и предавач за конфликтен менаџмент, претседател на Комитетот за односи меѓу заедниците, министерот за животна средина и просторно планирање и поранешен Заменик-претседател на Владата, одговорен за спроведување на Охридскиот договор, универзитетскиот професор Владо Поповски и Ризван Сулејмани, извршен директор на Институтот за политички и интеркултурни студии.
Конференцијата треба да ја затвори, вицепремиерот задолжен за спроведување на Рамковниот договор, Муса Џафери.
Поранешниот премиер Љубчо Георгиевски и почесниот претседател на ДПА, Арбен Џафери, двајца од петтемина потписници на Рамковниот договор, не присуствува на конференцијата.
И Премиерот Никола Груевски кој беше предвидено да учествува не дојде во Охрид.
Оваа конференција е дел од одбележувањето на десетгодишнината од потпишувањето на Охридскиот договор.
Охридскиот рамковен договор е спогодба за внатрешното уредување на малцинските права во Република Македонија, потпишан на 13 август 2001 година. меѓу претставниците на тогашните најголеми политички партии, и специјални претставници на ЕУ и САД.Охридскиот договор е склучен во текот на ескалацијата на насилства меѓу терористите од албанска националност и македонските бранители во конфликтот во 2001-та.Преговорите се одвиваа во резиденцијата „Вила Билјана“ во Охрид текот на јули и август 2001, каде што е и парафиран договорот на 10 август 2001, па оттаму името Охридски договор.
Преговорите траеја речиси цел месец и во нив учествуваа тогашниот претседател Борис Трајковски, лидерот на ВМРО-ДПМНЕ, Љубчо Георгиевски, лидерот на СДСМ, Бранко Црвенковски, лидерот на ПДП, Имер Имери, лидерот на ДПА, Арбен Џафери потоа претставници на ЕУ, Франсоа Леотар и Хавиер Солана, претставниците на САД, Питер Фејт и Џејмс Пердју, разни советници и експерти.
По завршувањето на преговорите во Охрид, на 13 август во Скопје договорот го потпишаа: Трајковски, Георгиевски, Црвенковски, Џафери, Имери а како гаранти на договорот се потпишаа специјалните претставници Леотар и Пердју./крај/бд
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Активни се шест пожари во Македонија

Денеска до 18 часот, на територијата на Македонија имало вкупно 27 пожари на отворен простор, од кои активни се 6 пожари, еден е под контрола и изгаснати 20 пожари, информира Центарот за управување со кризи.
АКТИВНИ: 6
1. Општина Македонски Брод 1: Повеќенаменското подрачје „Јасен“ (мешана шума)
2. Општина Македонски Брод 2: с. Девич – с. Грешница (ниска вегетација)
3. Општина Јегуновце: помеѓу селата Рогачево и Јажинце (пасишта)
4. Општина Брвеница: с. Челопек и с. Милетино (нискостеблеста шума)
5. Општина Кичево 1: с. Аранѓел (стрниште)
6. Општина Кичево 2: с. Мало Церско (ниска вегетација)
ПОД КОНТРОЛА: 1
1. Општина Струга: место викано „Октишка Краста“ (ниска вегетација)
ИЗГАСНАТИ: 20
1. Општина Демир Хисар: с. Мало Илино (дабова шума)
2. Општина Струга 1: место викано „Бегова Шума“, с. Делогожда (ниска вегетација и мешана шума)
3. Општина Делчево: с. Очипала (ѓубриште и ниска вегетација)
4. Општина Куманово 1: ул. Ѓорче Петров (ѓубре)
5. Општина Куманово 2: с. Романовце (ниска вегетација)
6. Општина Куманово 3: кај месна индустрија „Никси“ (ниска вегетација)
7. Општина Куманово 4: нас. Карпош (ниска вегетација)
8. Општина Старо Нагоричане: с. Челопек (ниска вегетација и стрниште)
9. Општина Сарај 2: с. Радуша кон с. Дворце (ниска вегетација)
10. Општина Арачиново: с. Арачиново (ниска вегетација)
11. Општина Арачиново 2: с. Орланци (ѓубриште)
12. Општина Сопиште: с. Св. Петка (ниска вегетација)
13. Општина Шуто Оризари: ул. Брсјачка Буна (ѓубриште)
14. Општина Желино: с. Групчин (ниска вегетација)
15. Општина Тетово: с. Селце (ниска вегетација)
16. Општина Тетово 2: кај ресторан „Сирич“ (ѓубриште)
17. Општина Гостивар: с. Чегране (ниска вегетација)
18. Општина Прилеп: с. Дабница (ниска вегетација)
19. Општина Ресен: с. Дрмени (ниска вегетација)
20. Општина Чешиново – Облешево: с. Теранци (ниска вегетација)
Македонија
Големиот пожар кај струшко Октиси ставен под контрола

Директорот на Центарот за управување со кризи, Мухамед Али, и заменик-министерот за земјоделство, шумарство и водостопанство, Албрим Хоџа, се присутни на терен кај селото Октиси, каде што беше активен голем пожар.
Од Центарот за управување со кризи информираат дека пожарот, иако имал големи размери, е ставен под контрола, но на одредени места сè уште има чадења кои се внимателно следени од екипите на терен.
Во гаснењето дејствува и авион „Ер трактор“ од ДЗС, кој интервенира од воздух, како и шестмина пожарникари и едно противпожарно возило од ТППЕ – Струга, 10 лица од Јавното претпријатие „Македонски шуми“, две возила „Пинцгауер“ од ДЗС и локални жители.
„Благодарение на навремената интервенција, координацијата на сите служби и несебичната помош на локалното население, спречено е ширење на пожарот кон населени места“, велат од ЦУК.
Македонија
Поради пожар, затворен за сообраќај патот Македонски Брод – Скопје

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, информира АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила на граничните премини.
На ГП Табановце, времето на чекање за влез и излез од државата изнесува околу 15-30 минути. На останатите гранични премини од македонска страна нема подолги задржувања при влез или излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.