Спорт
Сити лесно против Њукасл, Јунајтед доволно кај Свонси
Фудбалерите на водечката екипа во англискиот фудбалски шампионат, Манчестер сити лесно пред своите навивачи во 12-то коло со 3:1 го совладаа досега непоразениот Њукасл.
Фудбалерите на водечката екипа во англискиот фудбалски шампионат, Манчестер сити лесно пред своите навивачи во 12-то коло со 3:1 го совладаа досега непоразениот Њукасл.Иако фудбалерите на Манчестер сити уште од самиот почеток на мечот силно јурнаа кон голот на Њукасл, и се редеа шансите водството за домашните стигна во 41 минута, и тоа по невниманието на бекот на гостите Риан Тејлор кој со раце го сопре италијанскиот инернационалец Марио Балотели па беше досуден пенал, кој го реализираше самиот црномурест Италијанец. На 2:0 зголеми Мицах Ричардс во 44 минута, и повторно по грешка на Тејлор кој поради нерешителност дозволи Ричардс да му ја украде топката и да го совлада голманот на Њукалс, Тим Крул. Сигурното водство го потврди во 72 минута Аргентинецот со гол од пенал отако Берн Арф во шеснаесетникот го собори Давид Силва. Гостите го ублажија поразот во 89 минута преку Даниел Гослин.Манчестер сити и натаму е прв со 34 бодови, пет повеќе од минатогодишниот првак Манчестер јунајтед, и девет бодови предност пред засега третиот Њукасл.Најголемиот ривал на манчестерските „граѓани“, Манчестер јунајтед со голот на Хавиер Хернандез о 11 минута го совлада Свонси кој е 13-ти со 13 бодови.
По лошиот старт годинава Арсенал ја впиша и петтата победа во серија, совладувајќи го на гости Норвич со 2:1. Најзаслужен за победата на лондонските „топчии“ е Робин ван Перси кој со новите два гола направи пресврт, по водството на домашните. Норвич поведе уште во 16 минута преку Стив Морисон по катастрофалната грешка на Пер Мертесакер, но левоногиот ван Перси возврати прво во 27 по проигрување од Тио Волкот а потоа во 59 минута со мајсторко поткопување повторно со десната нога и префрлување на голманот Џон Руди, го постигна и победничкиот гол. Со овие два гола Перси дојде до 13-от првенствен погодок, со што на листата на голгетери води со три голови пред Един Џеко. Арсенал така се искачи на 6-та позиција со 22 бода, додека Норвич е 11-ти со 13 бодови. Еден од најинтересните натрпевари во саботната програма од англиската Премиер лига го забележа Квинс парк ренџерс кој со првесврт го совлада домашниот Сток сити со 3:2. Двоен стрелец за КПР беше Хејдер Хелгусон во 22 и 54 минута и Јанг во 44-та, додека домашните откако поведоа преку Валтерс во 8минута го ублажија поразот со голот на Шејвкрос во 64 минута. КПР го држи 9-то место со 15, додека Сток сити е 14-ти со 12 бодови.Бездруго најинтересниот меч денеска во Англија го одиграа Виган и Блекбурн Роверс поделувајќи ги бодовите со шест постигнати голови. Први во водство дојдоа гостите уште во втората минута преку Јакуби, но набрзо домашните во 7-та минута преку Гомез изедначија, за потоа во 31 минута да дојдат во водство со голот на Колдвел. Во 60 минута за гостите изедначи Хојлет а домашните во водство дојдоа две минути пред крајот на регуларниот дел од мечот кој заврши со голот повторно на Јакуби во 10 минута од судиското продолжение од пенал. Така Виган не успеа да се одлепи од дното на Премиершип каде е закотвен со 6 бодови. А со еден бод пред него е Блекбурн Роверс. Вест Бромвич Албион со головите на Џи Томас во 15 и Лонг во 56 минута го совлада Болтон за кој изендачување постигна хрватскиот интернационалец Иван Класниќ од пенал во 21 минута. ВБА е на 10 место со 14 бодови, а Болтон Вандерерас е 18-ти во опасната заона на испаѓање со 9 бодови. Евертон со многу пот извојува победа од 2:1 на домашен терен против Вулверхемптон. Стрелци за домашните беа Јагеилка во 44 и Бајнес во 83 минута од пенал, откако во 37 минута гостие поведоа исто така од пенал преку Хант. Евертон се одржува на 12-та позиција со 13 бодови а Вулверхемптон не супеа да избега од 17-то место каде табори неколку кола со 11 бодови. Најмирољубиво во 12-то коло одиграа Сандерленд и Фулам кои не успеаја да ги погодат противничките мрежи. Двете екипи имаат 11 бодови и се на 15-то односно 16-то место.Во недела во Англија се среќаваат во дербито на колото Челзи и Ливерпул, а колото ќе биде заокружено во понеделник со мечот Тотенхем – Астон вила./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Шоу на Ел Каби против Астон Вила, Фиорентина во 91.минута го скрши Бриж
Во првите полуфинални натпревари на Конференциската лига, Олимпијакос победи со 4:2 против Астон Вила во Бирмингем, додека Фиорентина го совлада Клуб Бриж со 3:2. Реваншите се за седум дена во Грција и Белгија.
Олимпијакос одигра сензационално против Астон Вила, среде Бирмингем имаше двојно помал посед на топката, помалку шанси и помалку удари кон голот на противникот, но успеа да постигне четири гола.
Вистински херој е напаѓачот Ел Каби кој постигна хет-трик.
Ел Каби погоди во 16. минута, па во 29. минута, но впечатокот грчкиот тим го распиа во финишот на првиот дел, во 46.минута кога Воткинс го намали резултатот.
Тој гол донесе офанзива на Вила на почетокот на вториот дел, која ја материјализираше Дијаби.
Вториот гол на Вила не ги поремени играчите на Олимпијакос, набргу Ел Јаби од пенал во 56. минута погоди за 3:2, а Хезе иа ја врти предноста од два гола на црвено-белите од Пиреа.
Вила имаше шанса да го намали резултатот, но во 84. минута Даглас Луиз од пенал ја погоди стативата.
Фиорентина двапати имаше предност против Бриж. Сотил беше стрелец во петтата минута од играта, а израмни Ванакен од пенал во 17. минута. Белоти повторно и го врати водството на Фиорентина во 37. минута. Во продолжение Бриж остана со играч помалку во 61.минута, кога за само три минути Оњедика доби два жолти каротн.
Две минути по црвениот картон на Оњедика, Игор Тиаго го изедначи резултатот.
На крајот, сепак, Фиорентина сепак успеа да забележи победа. Голот за 3:2 го постигна Нзола во 91.минута.
Спорт
(Видео) ЛЕ: Баер зачекори во финалето, Аталанта избори реми во Марасеј
Баер Леверкузен победи на „Олимпико“, со што направи џиновски чекор кон пласманот во финалето на Лига Европа. На добар пат да му се придружи е и Аталанта која одигра нерешено со Олимпик во Марсеј.
Четата на Чаби Алонсо нема намера да запре, од почетокот на сезоната се уште нема пораз. Вечерва новиот шампион на Германија ја победи Рома во Рим со 2:0, во првиот полуфинален натпревар во Лига Европа.
„Фармацевтите“ водеа со 1:0 по првиот дел со голот на Вирц цо 28.минута, а победата ја потврди Андрих со спектакуларен гол во 73.минута.
На „Велодром“ во Марсеј сите дилеми околу конечниот резултат беа решени во првите 20 минути. Скамка и донесе предност на Аталанта во 11.минута, девет минути подоцна изедначи Мбемба.
Реванш натпревари на програмата се наредниот четврток.
Спорт
(Видео) Челси ги згасна сништата на Тотенхем за пласман во ЛШ
Челзи го победи Тотенхем со 2:0 во одложениот натпревар од 26. коло на англиската Премиер лига. Со овој пораз Тотенхем речиси остана без шанси да дојде до четвртото место и пласман во Лигата на шампионите. Тотенхем има седум бода помалку од Астон Вила на три кола до крајот на сезоната.
Челзи беше многу подобар тим во градското дерби, постигна голови на време и не им дозволи на Спарс да создаваат сериозни прилики. Во 24. минута Тревор Чалоба погоди со глава кога одлично реагираше на центаршутот на Конор Галагер.
До тој гол „сините“ имаа две шанси, а Тотенхем. Прво шанса пропушти Мудрик, а потоа Ромеро за Тотенхем.
Во вториот дел долго се чекаше на вистинска шанса. Во 72.минута Кол Палмер ја погоди пречката од слободен удар, а на топката налета Николас Џексон и го постигна вториот гол.