Спорт
Ветел сензационален шампион во Ф-1

Себастијан Ветел е новиот и со 23 години и 4 месеци најмладиот што ја понесол шампионската титула во Формула 1, кој победи во последната трка од сезоната во Абу Даби благодарејќи на киксевите на главните конкуренти Фернандо Алонсо и Марк Вебер кои стигнаа на целта како 7-ми и 8-ми
Во оваа трка која беше всушност финале на годинешниот шампионат во Формула 1, најголеми шанси за титулата имаше Фернандо Алонсо кој пред стартот на патеката „Јас Марина“ имаше осум бодови повеќе од Марк Вебер, 15 од Себастијан Ветел и 24 од Луис Хамилтон кои исто така имаше теоретски шанси за шампионскиот наслов. За ваквиот развој придонесе самиот Ветел, кој прво во саботата на тренингот се избори за првата стартна позиција која во ниеден момент не ја испушти во раце доаѓајќи до петтата годинешна победа или вкупно десетта во кариерата.Зад него се пласираа двајцата возачи на Мекларен, Луис Хамилтон и Џејсон Батон додека четврт беше Нико Розберг.Сепак на крајот Алонсо не успеа да ја одбрани минатогодишната титула, бидејќи заврши седми а требаше да биде најмалку четврти за да дојде до третата титула во случај Ветел да победи. Пред него завршија двата болида на Рено, односно Виталиј Петров и Роберт Кубица. Иако Алонсо ја започна трката од третото место тој уште на стартот беше минат од Џејсон Батон, а се чини и дека од боксот направија кардинална грешка кога предвремено го повикале во боксот за замена на гумите. Потоа Алонсо се залета но никако не можеше да го мине Русинот Петров, иако имаше заменети гуми и попоготвен болид. Инаку седмократниот шампион Михаил Шумахер уште веднапш по стартот имаше несреќа превртувајќи се на пистата а на него налета Витантонио Луици. Се чини дека овој карамбол имаше и големо влијание за конечниот резултат. Во конечниот поредок Сеабастија Ветел собра 256 бодови, Фернандо алонсо, 252, Марк Вебер 242, Луси Хамилтон 240, а Џејсон Батон 214.Кај конструкторите РедБул освои вкупно 498 бодови, Мекларен–Мерцедес 454, Ферари 396 и Мерцедес ГП 214.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Леклер ја грабна пол-позицијата на Хунгароринг

Шарл Леклер ги шокира возачите на Мкларен во квалфикациите за трката на Големата награда на Унгарија. Возачот на Ферари ја освои 27. пол позиција во кариерата, до неа дојде со резултат 1:15.327 минути.
Мекларен, најдоминантниот тим сезонава во првенството на Формула 1, доминираше на тренинзите и во првите две квалификациски сесии, но двајцата возачи разочараа во последното излегување на патеката. Постигнаа времиња далеку под она што можат со доминантниот болид.
Осакр Пјастри, лидерот во првенството, трката ќе ја започне веднаш до Леклер, а неговиот тимски колега Ландо Норис го освои третото место. До него, од вториот ред, трката ќе ја започне возачот на Мерцедес, Џорџ Расел.
Неизвесноста во борбата за пол-позицијата најдобро го отсликува податокот дека разлиата меѓу првиот и четвртиот беше само 53 илјадити делови од секундата.
Третиот ред на стартот го освоија пилотите на Астон Мартин: Фернандо Алонсо и Ленс Строл.
Блесна во квалификациите Габриел Бортолето. Бразилецот со Кик заубер го освои седмото место, пред светскиот првак Макс Ферстапен. Зад него се возачите на сестринскиот тим, Рејсинг Булс: Лијам Лосон и Исак Хаџар.
Аполутно разочарување во квалификациите е Луис Хамилтон. Седумкратниот шампион трката во Унгарија ќе ја започне од 11.место.
Големата награда на Унгарија, на Хунгароринг се вози в недела од 15 часот.
Foto/ EPA/Zsolt Czegledi
Спорт
Заврши љубовта меѓу ПСЖ и голманот Донарума

Дефинитивно пукна љубовта меѓу Џанлуиџи Донарума и Пари Сен Жермен. Еден од најзаслужните за освојувањето на титулата во Лигата на шампионите ќе го напушти „Паркот на принцовите“.
Актуелниот европски шампион одлучи да го отстрани италијански голман од списокот на првиот тим, бидејќи не сака да го продолжи договорот.
Донарума, кој дојде во Париз во 2021 година, побара поголема плата, но сопствениците на клубот не ги прифатија неговите услови.
Бидејќи неговиот договор истекува на крајот од следната сезона, Пари Сен Жермен сака веднаш да го продаде, за да не си замине без обештетување како што тоа е случи минатото лето со Килијан Мбапе.
Челзи, Манчестер сити, Манчестер јунајтед, Галатасарај и неколку тимови од Саудиска Арабија се заинтересирани за услугите на Италијанецот.
Инаку, на местото на Донарума, во ПСЖ ќе дојде голманот на Лил Лука Шевалие. За овој трансфер „свеците“ ќе издвојат 40 милиони евра.
Foto/ EPA/FILIP SINGER
Спорт
Винисиус ја одби понудата на Реал за нов договор

Шпанскиот „Кадена СЕР“ објави дека Винисиус Жуниор ја одбил последната понуда на Реал Мадрид за продолжување на договорот.
Според овој извор, менџерскиот тим на фудбалерот, понудата ја оцениле како неприфатлива. Бразилецот бара плата која ќе биде речиси иста како платата на Килијан Мбапе и игра на „сè или ништо“ оваа сезона за да оправда зголемување на платата.
За потсетување, драмата помеѓу Винисиус и Реал трае веќе некое време. Тој е лут на клубот од крајот на минатата година, кога не ја освои „Златната топка“. Винисиус смета дека клубот не му помогнал доволно.
Сега бара плата како Мбапе, но Реал не му ја дава.
Во меѓувреме „кралскиот клуб“, наводно ја одбил понудата од 200 милиони евра од неименуван клуб од Саудиска Арабија.
Foto/ EPA/CJ GUNTHER