Свет
Во Авганистан убиени 20 бунтовници
Најмалку 20 бунтовници, меѓу кои има арапски, чеченски и пакистански палтеници се убиени во заедничка акција на НАТО и на авганистанските безбедносни сили во источниот дел од земјата
Оваа акција била изведена во рамките на засилените операции кои траат од средата против северниот огранок на талибанските бунтовници кој соработува со терористичката Ал Каеда. Во северниот дел од Авганистан, во планинската паштунска област Зардан во покраината Пактиа, бунтовниците имаат силни упоришта.Целта на операцијата е да се разбие мрежата на органзиацијата Хакани, чии припадници организираат напади во Кабул и долж автопатот кој ги поврзува покраината Кост и главниот град на Пактија, Гардез. Оваа група којашто ја водат таткото и синот Џалалудин и Сираџудин Хакани, е сметана за една од најопасните талибански мрежи, поради нејзината поврзаност со Ал Каеда и способноста да изведува поорганизирани и планирани терористички напади.Заедничките сили во акцијата откриле и уништиле експлозивни направи и материјал за изработка на бомби, како и оружје и муниција, а во воздушен напад бил уништен и еден бункер на бунтовниците, соопшти командата на НАТО во Кабул.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.