Спорт
Кире Лазаров е најдобар спортист во Македонија и странство
Македонскиот ракометар Кире Лазаров ги освои наградите за спортист на годината и најуспешен македонски спортист во странство на доделувањето на „Спортскиот оскар 2009 година“ кое се одржа вчера
„Признанието го посветувам на моите колеги, на добриот колектив кој го исфрли поединецот на сцена. Вложувајте во спортот, ние двојно ќе ви вратиме“ изјави Лазаров на доделувањето на наградите. Лазаров е најдобриот стрелец во историјата на Светските првенства со постигнати 92 гола на последното првенство во Хрватска, а македонската ракометна репрезентација го освои 11-то место.Каратистката Наташа Ристевска ја освои наградата за најдобра спортистка во Македонија за 2009 година за освојување на сребрениот во Хрватска, и златниот медал на Европското универзитетско првенство во Шпанија.Најдобра машка репрезентација за 2009 година е кошаркарската репрезентација на Македонија, која го освои 9-то место од 16 најдобри селекции на Е.П. во Полска.„Овој Оскар е само дополнителен мотив за нашата репрезентација за во иднина“ изјави Врбица Стефанов.Женската ракометна репрезентација на Македонија е најдобрата женска селекција за 2009 година, а најуспешен тренер/селектор за 2009 година е Илија Темелковски, тренерот на машката ракометна репрезентација.Најуспешна спортска федерација за 2009 е ракометната федерација.Оскарот за животно дело постхумно му беше доделен на пионерот во кикбоксот Љупчо Неделковски. Специјален Оскар за млад спортист му беше доделен на каратистот Берат Јакупи, за млада спортистка за 2009 година наградата ја освои Наташа Андонова членка на ФК Неготино.Младиот пливач Андреј Стојановски е добитник на наградата за најуспешен спортист со телесен инвалидитет. Најуспешна спортска екипа од основните училишта е прогласена екипата на ОУ „Крсте Мисирков“ од Скопје, најуспешна спортска екипа од средните училишта е екипата на СЕУО Гостивар, а најуспешна спортска екипа од универзитетите беше прогласена екипата на Универзитетот Св. „Кирил и Методиј“Доделувањето на наградите „Спортски Оскар“ за 2009 година се одржа вчера во салата „Борис Трајковски“ во организација на Агенцијата за млади и спорт и Сојузот на спортски федерации../крај/сн/сл.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тренерот на Бенфика сега е прв фаворит за нов тренер на Баерн
Баерн беше подготвен да го претстави Ралф Рангник како тренер кој ќе го наследи Томас Тухел следната сезона, но австрискиот тренер се премисли во последен момент и реши да остане на кормилото на репрезентацијата на Австрија. Претходно Баерн го одбија Чаби Алонсо и Јулијан Нагелсман.
Баерн ја продолжува потрагата по наследникот на Тухел, а според „Билд“ следен кандидат е Роџер Шмит (57), актуелниот тренер на Бенфика.
„Билд“ тврди дека Баерн сега со сите сили ќе тргне по Шмит, чиј договор со Бенфика е со важност до 2026 година и има откупна клаузула од 30 милиони евра. Сепак, португалскиот клуб наводно не е целосно задоволен од неговата работа, па постои можност Баерн да го добие на друг начин, наместо да плати голема сума.
Спорт
Сунес: Салах е најсебичниот играч што некогаш сум го видел
Греем Сунес, легендата на Ливерпул, кој со клубот од Енфилд освои пет титули во англиското првенство и три европски купа, го нарече Мохамед Салах најсебичниот играч што некогаш го видел.
Салах пристигна во Ливерпул во трансфер од Рома во 2017 година, тој одигра 346 натпревари за клубот, постигна 210 голови и забележа 88 асистенции.
Сонес верува и дека Салах наскоро ќе го напушти „Енфилд“.
„Мислам дека Мохамед Салах ќе го напушти Ливерпул. Беше одличен и ако замине во Саудиска Арабија ќе стане најголемата ѕвезда таму. Има многу високо мислење за себе и беше лут што не го започна натпреварот против Вест Хем. Тој е најсебичниот играч што некогаш сум го видел.“
Спорт
Шумахер најавува пропаст на Ред Бул
Ралф Шумахер (48) смета дека заминувањето на Адријан Њуи од Ред Бул е значаен момент за Формула 1. Поранешниот Ф1 возач смета дека ова е позначајно дури и од трансферот на Луис Хамилтон од Мерцедес во Ферари.
Пред два дена Ред Бул објави дека спогодбено ќе се раздели со најдобриот дизајнер во Ф1. Шпекулациите велат дека Њуи би можел да му се придружи на сонародникот Хамилтон во Ферари следната сезона.
Дури и да не се случи тоа, Ралф Шумахер е убеден дека без врвниот дизајнер, Ред Бул ќе стане просечен тим.
Помладиот брат на еден од најголемите возачи на сите времиња, Михаел Шумахер, кој и самиот имаше солидна кариера во Формула 1 (182 трки, 27 подиуми, 6 пол-позиции, 6 победи) отиде чекор понатаму и објави дека Њуи е само првиот во низата клучни луѓе на тимот на Ред Бул кои наскоро ќе ја напуштат базата во Милтон Кејнс.
„Да, тоа е факт и повеќе луѓе ќе си заминат“, одговори Шумахер на прашањето за организациската криза во најдоминантниот тим на првенството.
„Тоа е јавна тајна, но во реалноста сè започнува од фактот дека Кристијан Хорнер верува дека не му треба ниту еден од тие луѓе и дека најдобро знае како треба да изгледа Ф1 тим. Конечно, ја има целосната поддршка од тајландските инвеститори“, изјави Германецот, а пренесува шпанска „Марка“.