Свет
Рудниците „Злетово“ и „Тораница“ заглавени во бирократија
Пропаднаа предизборните ветувања на владата во заминување дека рудниците за олово и цинк по речиси четиригодишен стечај ќе проработат летово.
ПО ИЗБОРНИТЕ РЕЗУЛТАТИ СЕ УДАВИЈА ВЕТУВАЊАТА
Пропаднаа предизборните ветувања на владата во заминување дека рудниците за олово и цинк по речиси четиригодишен стечај ќе проработат летово. Откако англиско-индиската фирма „Бинани“ пред три месеци го презеде имотот во двата капацитета, подготовките за обновување на производството се одвиваат бавно, поради бирократски пречки со кои се соочувале новите сопственици.
Од оваа фирма вчера не објаснија зошто, спротивно на најавите, се забавени работите за рестартот. Неофицијално, најголема кочница била хипотеката врз дел од имотот, која засега никој не сака да ја регулира. Индијците сакале во исто време да ги пуштат во погон и двата рудника, а не само „Злетово“, бидејќи тоа било предуслов Европската банка за обнова и развој да ја кредитира „Бинани“.
Од Министерството за економија како координатор на продажбата на рудниците вчера беа без коментар зошто двата од четирите поголеми рудници во земјава се уште не проработеле.
Во предизборието, во Крива Паланка, министерот за финансии во заминување ги убедуваше тамошните жители дека „Бинани“ е квалитетна фирма, која повторно и успешно ќе го заживеела „Тораница“.
– Граничниот премин Деве Баир, како еден од главните коридори, ќе биде меѓу четирите гранични премини што ќе се модернизираат во наредните четири години, а рудникот „Тораница“ меѓу најзначајните капацитети што ќе се рестартираат. Иако постои недоверба, ве уверувам дека индиската компанија „Бинани“ е сериозен партнер и веќе во август првите тони руда од „Тораница“ ќе бидат извезени од Македонија, а во јули ќе почне да работи „Злетово“ – ветуваше Поповски во Крива Паланка.
Како што велат поранешни вработени во „Злетово“, рудникот со динамиката со која се подготвува не може да биде ставен во кондиција најмалку уште половина година, иако Индијците новиот почеток го најавија најдоцна до средината на август.
Според информациите, виновни за одложувањето на рестартот на „Тораница“ биле сложените бирократски процедури, а се искомплицирал и престојот на инженерите на „Бинани“ во земјава. Тие не можеле да добијат дозвола за работа од македонските власти.
Во текот на вчерашниот ден, допис до Индијците испратил општинскиот синдикат во Пробиштип, кој оформил координативно тело од експерти што пред ликвидацијата на „Злетово“ биле на високи позиции во фирмата. Тие се заканија со протест, ако во рок од седум дена новите газди не вратат 500 поранешни вработени во рудникот. Тие инсистираат „Бинани“ да ги почитува обврските што ги наследила од поранешните сопственици на имотот на американски „Ксеминекс“ и на 380 вработени да им исплати вкупно 170.000 евра бидејќи не ги вратила на работа. Засега, во подготовките за рестарт на „Злетово“ се вратени 120 работници. Во двата капацитета на вработување се надеваат над 1.500 поранешни рудари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Најмалку две лица загинаа, а голем број се повредени во торнадото во Тексас и Оклахома
Најмалку две лица загинаа, а голем број се повредени во торнадото што ги погоди американските сојузни држави Тексас и Оклахома.
Торнадото предизвика штети на автопатот што ги поврзува двете држави, како и на домови и далноводи во бројни градови во Тексас, Оклахома и Арканзас, оставајќи 250.000 домаќинства без струја.
„Торнадо го погоди округот Дентон во саботата вечерта, а нема извештаи за повредени“, соопштија локалните власти.
Регион
Непознат маж се обидел насилно да влезе во пилотската кабина на авионот на аеродромот Гардермоен во Осло
Непознат маж се обидел насилно да влезе во пилотската кабина на авионот на „Норвешка Ер“ на аеродромот Гардермоен во Осло, кој требало да полета на летот DI1990 за Сплит во 6.50 часот, а кога не успеал, се заклучил во тоалетот во задниот дел од авионот, објави хрватски Дневник.
Норвешката полиција подоцна го идентификуваше лицето како 23-годишен хрватски државјанин.
Мотивите за овој чин засега не се познати.
Авионот бил полн со патници кои главно патувале во централна Далмација на одмор. Повеќето од нив не забележале дека се случува нешто необично, дури ни оние што седеле напред.
„Авионот веќе полета и додека се движеше кон делот од пистата, наеднаш застана. Првото известување до пилотот било дека има технички проблеми и дека мора да застанат. Полицајците влегле во предниот дел и по краток разговор се упатиле назад каде што се заклучил. Во авионот имало тепачка, сите сакале да видат што се случува, па не било јасно дали полициските сили влегле во тоалетот или патникот сам се предал. Секако, тројца полицајци му ставиле лисици и преку пистата го одвеле до аеродромската зграда“, изјави еден од патниците кој со сопругата патувал за Водице, Хрватска.
Како што подоцна соопшти полицијата, патникот не бил во алкохолизирана состојба или под дејство на други опијати. Засега не е познато кои биле неговите крајни намери.
По завршувањето на сите формалности, новиот лет за Сплит пристигна околу 9 часот.
Компанијата им се извини на сите патници за доцнењето од два часа.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.