Македонија
Тони Михајловски и Нора Шаќири во учебник за петто одделение
Во учебникот за петто одделение „Општество“, на 42. страна во делот каде се опишуваат значајни имиња од македонската култура се споменати Тони Михајловски, Симон Трпчевски, Нора Шаќири, Влатко стефановски, Есма Реџепова, Ристо Шишков, Никола Ристановски, Бодан Арсовски, Дарко Даутовски, и други.
Во учебникот за петто одделение „Општество“, на 42. страна во делот каде се опишуваат значајни имиња од македонската култура се споменати Тони Михајловски, Симон Трпчевски, Нора Шаќири, Влатко стефановски, Есма Реџепова, Ристо Шишков, Никола Ристановски, Бодан Арсовски, Дарко Даутовски, и други. Како автори на учебникот, кој во електронска верзија веќе е објавен на интернет страницата на Министерството за образование и наука, се наведени Христина Краљева, Весна Павловиќ, Елена Станојковиќ и Соња Кирковска. На новинарско прашање во врска со значајноста на личностите кои се споменуваат во книгата за запознавање на општеството, Министерот за образование и наука денеска рече дека процедурата на составување на учебник е сложена и тој не е стручен за да ја оценува содржината на учебниците и дека за тоа има компетентни лица кои се едуцирани во тие области. „Најпрво се распишува конкурс и целата процедура ја спроведува националната комисија. Потоа се одбираат најдобрите учебници и се предлагаат на министерот кој носи решение. Ни еден министер кај нас не бил и неможе да биде стручен да ја провери содржината на сите книги. Секој министер како што правам јас, ќе се потпре на стручноста на рецензентите,“ рече Тодоров. Министерот ги даде изјавите при распределбата на учебниците за петто одделение кои се отпечатени и чија дистрибуција започна денеска во скопското училиште „Дане Крапчев“. Учебникот по општество за петто одделение, може да го погледнете тука./крај/ко
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.
Македонија
Нестабилно време со пороен дожд, грмежи и ветер
Времето ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.
Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.
Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени.
Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.