Свет
Ромни со многу повеќе донации од Обама
Републиканскиот претседателски кандидат Мит Ромни во јуни собрал 106,1 милиони долари, наспроти 71 милион долари колку што изнесувале донациите за кампањата на актуелниот демократски претседател на САД, Барак Обама, во традиционалното собирање донации за изборите што ќе се одржат на 4-ти ноември.
Сумата којашто во понеделникот ја соопшти изборниот штаб на Мит Ромни, е најголемиот износ досега собран во предизборната кампања за американските претседателски избори во 2012 година. Меѓутоа, рекордот и натаму го држи сегашниот претседател Барак Обама од кампањата за минатите избори која во септември 2008 година собра 150,7 милиони долари.
„Сумата собрана за наведениот месец всушност претставува порака на избирачите дека сакаат промени во насоките во Вашингтон“, се наведува во писмената порака на Спенсер Звек, задолжен за финансиите во изборниот штаб на републиканците.
Од штабот на Ромни објавија дека 22,3 милиони од вкпуно106,1 милиони долари се собрани во донации до 250 долари, а тие помали донации се показател колку широка поддршка има кандидатот меѓу „обичните“ граѓани.
Изборниот штаб на Барак Обама, пак, во мај почна да апелира до своите гласачи да почнат да донираат повеќе пари, предупредувајќи дека првпат во историјата би можело да се случи актуелниот претседател кој се бори да го добие и вториот мандат да биде во полоша финансиска ситуација од противкандидатот.
„Ние не успеваме да ги повториме ниту сопствените резултати, што значи дека нивната предност само се зголемува и доколку тоа продолжи, би можело на не чини пораз на изборите“, изјави шефот на кампањата на претседателот Обама, Џим Месина./крај/ро/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Кси слета во Србија: Претседателот на Кина пречекан од Вучиќ и државниот врв
Заедно со претседателот на Србија Александар Вучиќ и првата дама, кинескиот претседател Кси Џинпинг беше пречекан на црвениот тепих од српската делегација составена од премиерот Милош Вучевиќ, претседателката на Собранието Ана Брнабиќ, министерот за надворешни работи Марко Ѓуриќ, српската амбасадорка во Кина Маја Стефановиќ и кинескиот амбасадор во Белград Ли Минг со сопругата.
Свечениот пречек на кинеската делегација која брои 400 лица е закажан за в среда пред палатата „Србија“.
Домаќин на претседателот Кси Џинпинг ќе биде српскиот претседател Александар Вучиќ, а двајцата лидери ќе разговараат за широк спектар на теми – од политички, економски и технолошки до соработка во областа на културата.
За време на дводневната посета на Кси Џинпинг на Србија, планирано е да се потпишат над 30 договори.
Беше организиран и свечен ручек на кој кинескиот претседател ќе има можност да дегустира српски јадења и вина, а ќе има и музичка програма на српски и кинески јазик, која ќе заврши со песната „Ова е Србија“.
Поради доаѓањето на кинескиот претседател преземени се големи безбедносни мерки, па неговата делегација ќе ја обезбедуваат 3.400 полицајци.
Свет
Сторми Даниелс сведочи на судењето против Трамп
Поранешната порно-ѕвезда Сторми Даниелс сведочи во судот во Њујорк во кривичната постапка против поранешниот претседател на САД, Доналд Трамп.
На актерката (45), чие вистинско име е Стефани Клифорд, на крајот на претседателската кампања во 2016 година ѝ исплатиле 130.000 долари за да молчи за наводен сексуален однос со Доналд Трамп во 2006 година.
Станува збор за долгоочекуваната пресметка на поранешниот претседател на САД и порно-ѕвезда која тврди дека имале секс, јавија американските медиуми. Обвинителите велат дека Трамп ги прикрил информациите за исплата од 130.000 долари кои на Даниелс ѝ ги исплатил неговиот поранешен адвокат Мајкл Коен пред претседателските избори во 2016 година.
Коен претходно изјави дека Трамп му наредил да и плати на Даниелс за таа да не зборува за сексуалниот однос со Трамп од 2006 година.
Свет
Путин: Русија ќе продолжи да работи на формирање мултиполарен светски поредок
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. .
Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија.
Путин ќе остане на функцијата во следните шест години, до 2030 година, пренесува РИА Новости.