Европа
Русија ја обвини ЕУ за правење 'сфера на влијание' во Украина
Рускиот министер за надворешни работи Сергеј Лавров и’ префрли во петокот на Европската унија дека сака да создаде „сфера на влијание“ во Украина, каде што последните три месеца се одвиваат протести против актуелната украинска власт, мешајќи се во внатрешните работи на земјата.
„Влечејќи ја Украина на една страна и говорејќи и’ дека мора да избора на оваа или на онаа страна, дека мора да биде со Европската унија или со Русија, (Унија) всушност покажува дека сака да создаде сфера на влијание“, изјави во петокот во Москва, шефот на руската дипломатија Сергеј Лавров, на заедничката прес конференција со германскиот колега Франк-Валтер Штајнамер.
„Ми изгледа дека не е во ред, не е сосема пристојно, кога зборуваме за слободата на изборот, секојдневно да се испраќаат емисари. Доаѓаат во Киев без покани и сакаат да ги убедат украинските челници да се решат за она што го промовираат Европската унија и САД“, додал Лавров кој повеќепати досега го обвини Западот за мешање во внатрешните работи на Украина.
Шефот на руската дипломатија, исто така, рекол дека Русија не се противи на надворешните напори за посредување во Украина, но само доколку самите власти и опозицијата тоа го бараат.
Со украинската криза настапи и „моментот на вистината“ за врските меѓу Европската унија и Русија, оцени во четвртокот рускиот министер за надворешни работи, Сергеј Лавров, обвинувајќи го Западот дека врши некоректен притисок врз Киев, во коментарот во Комерсант.
„Разговаравме за ситуацијата во Украина. Русија и Германија се залагаат што начинот за надминување на политичката криза треба да го најдат самите Украинци, и тоа е во интерес на украинскиот народ. Се надеваме дека и другите партнери на Украина ќе го следната истиот пристап“, истакнал Лавров.
Штајнмаер, пак, оцени во интервју за московскиот дневен весник Комерсант од петокот дека „ескалацијата на ситуацијата во Украина никому не е во интерес во разговор за рускиот дневен весник Комерсант во петокот, повторно истакнувајќи ја важноста од дијалогот со Русија.
Русија и Германија се застапуваат за тоа дека патот за деблокирањето на политичката криза во Украина треба да го сторат самите Украинци, истакнал Лавров на средбата со колега Штајнмаер.
Според Штајнамер, „сега сé зависи од спротиставените страни во Киев“, каде што се забележуваат „чекори едни кон други, за да се поправи ситуацијата“. „Меѓутоа главното претстои, тоа е работата на изменување на уставот“, додал шефот на дипломатијата на Германија.
Зборувајќи за позициите на Русија и Европската унија во однос на ситуацијата во Украина, Штајнамер истакнал „дека не може да се зборува за обезбедување на какви и да се сфери на внимание, ние мораме да има дадеме на самите Украинци да го изберат патот за својата иднина“.
Во петокот германскиот весник Bild објави дека на 17-ти февруари в Берлин, германската канцеларка Ангела Меркел ќе се сретне со лидерите на украинската опозиција, Виталиј Кличко кој ја предводи партијата УДАР и Арсениј Јаценјук на Баткившчина (Татковина), и притоа тоа го карактеризира како „дипломатска офанзива на Меркел“. „Тоа е првото директно вмешување на германската канцеларка во кризата во Украина“, истакнува Bild.
Од кабинетот на Меркел, пак, соопштија дека „во центарот на вниманието ќе биде натамошниот развој на внатрешнополитичката ситуација во Украина“. Германските медиуми истовремено истакнуваат дека украинските опозициски челници во Берлин ќе допатуваат по покана од германската канцеларка.
Весникот напомнува и дека Ангела Меркел последните седмици повеќепати телефонски разговараше со украинскиот претседател Виктор Јанукович, предупредувајќи го за примената на сила против демонстрантите. Исто така, пишува Bild, шефицата на германската влада досега „се однесувала воздржано“ во однос на настаните во Украина./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Убиен украински командант; Зеленски: Ќе одговориме за овој напад
Во руски ракетен напад врз Хуљајпоље во областа Дњепропетровска беше убиен командантот на 110-та посебна механизирана бригада на Украина, Сергеј Захаревич, а ранети се уште 30 други, изјави украинскиот претседател Володимир Зеленски.
Руската војска го нападна вчера округот Камјански, каде што се наоѓа селото Хуљајпоље, соопшти гувернерот Сергеј Лисак. Хуљајпоље, со население од околу 1.200 жители пред војната, се наоѓа во западниот дел на областа Дњепропетровска, на околу 70 километри од линијата на фронтот.
„Секако ќе им одговориме на Русите за овој напад“, објави Зеленски, додавајќи дека во моментов е во тек истрага за рускиот напад и дека чека извештај од воената команда.
Захаревич дипломирал на Одесскиот институт на копнените сили. Во февруари оваа година, тој беше назначен за командант на 110-та посебна механизирана бригада. Пред тоа, тој беше заменик-командант на 33-та механизирана бригада.
Тој учествуваше во неколку борбени мисии на фронтот. „Нашата армија изгуби уште еден претставник на новата генерација украински офицери кои пораснаа во битка и станаа модели на храброст и проактивно воено лидерство“, соопшти Генералштабот на украинските вооружени сили.
Европа
Путин сака странските валути да се вратат во Русија
Рускиот претседател Владимир Путин потпиша декрет со кој се отвора вратата за нови странски инвестиции на руските финансиски пазари, вклучително и од земји што Москва ги смета за „непријателски“, објави Блумберг.
Според декретот, новите инвеститори од странство ќе можат да инвестираат во руски хартии од вредност без да мора да ги чуваат своите пари на блокирани сметки од типот Ц.
Наместо тоа, ќе им биде дозволено да користат таканаречени ИН сметки, преку кои можат слободно да повлекуваат профит, објавува Блумберг.
Старите инвеститори сè уште се под блокада
Оваа промена се однесува исклучиво на новите инвеститори. Средствата што веќе се замрзнати, вклучувајќи десетици милијарди долари странски инвестиции, остануваат заробени во системот за контрола на капиталот, предупредува Блумберг.
Русија воведе строга контрола на капиталот по почетокот на нејзината целосна инвазија на Украина во февруари 2022 година, а декретот е јасно насочен кон привлекување нова странска валута во земјата, во време кога санкциите и растечките фискални притисоци се оптоваруваат со руските финансии.
Блумберг неодамна објави дека ситуацијата во руската економија е посериозна отколку што признаваат властите и дека постои реален ризик од системска криза во банкарскиот сектор во наредната година.
Во исто време, Ројтерс пишува дека властите во Москва охрабруваат постепена девалвација на рубљата кон ниво од околу 100 рубли за еден американски долар со цел да се зголемат приходите во државниот буџет. Гувернерката на Централната банка на Русија, Елвира Набиулина, неодамна предупреди дека ресурсите што ја одржуваа економијата на површина во последните две години се исцрпени.
Европа
(Видео) Бомбардер „су-34“ се урна во Русија
Руски борбен авион Су-34 се урна вчера за време на воена вежба во регионот Нижни Новгород, објави руската државна новинска агенција РИА Новости, повикувајќи се на руското Министерство за одбрана.
„Околу 13:00 часот по московско време, авион Су-34 се урна во регионот Нижни Новгород за време на планиран воена лет. Додека се приближуваше кон слетување, се појави дефект. Екипажот неколку пати се обиде да го поправи дефектот во лет, но ситуацијата не се промени. Затоа, го однесоа авионот на безбедно место и се катапултираа“, се вели во соопштението на министерството.
💥 Russia: During training, landing gear didn't come out on a Su-34 strike aircraft. The trainee pilot and his instructor co-pilot ejected and the aircraft crashed in Nizhny Novgorod.
The Su-34 costs up to $85 million.
The pilot instructor died after ejection. pic.twitter.com/OD5daTsW50— Igor Sushko (@igorsushko) July 1, 2025
Авионот не носел муниција и паднал во ненаселена област.
Иако првичните извештаи покажаа дека двајцата членови на екипажот преживеале, рускиот медиум „Маш“ подоцна објави дека еден од членовите на екипажот починал од повредите. Според извештаите, тој паднал на дрво откако се катапултирал.
Канал на Телеграм поврзан со руските воздухопловни сили, исто така ја објави несреќата. „Денес, авион Су-34 се урна во регионот Нижни Новгород. Навигаторот почина. Да леташ засекогаш, брате“, напиша каналот, објавувајќи видео од последните моменти пред падот на авионот.
СДСМ поднесе 160 амандмани за ребалансот на Буџетот
Овој ребаланс е фискално нереален, социјално штетен и без развојна компонента, изјави пратеничката на СДСМ, Сања Лукаревска, на денешната собраниска...
Граѓаните може да пријават недостапна здравствена услуга или злоупотреба на клиниките на веб-страницата на Министерството
Министерството за здравство се отвори за жалби на граѓаните од здравствениот систем. Граѓаните веќе може секоја забелешка, жалба од функционирањето...
(Видео) Лукаревска: Со ребалансот власта крати пари од граѓаните за да се луксузира
Предложениот ребаланс на Буџетот наместо да понуди подобрување на состојбите во економијата е всушност доказ за целосниот неуспех на економската...
Скопјанец загина под сопствениот прозор, со мотор го прегазиле на пешачка зона на кеј
Скопјанец загина вчера во страшна сообраќајна несреќа што се случила на кејот на Вардар, во близина на Паркот на франкофонијата,...
(Видео) Објавено е какво оружје Америка престанува да испраќа во Украина
САД ја прекинаа испораката на клучно оружје за Украина, вклучително и системи за воздушна одбрана кои беа клучни за Киев...
Мерц: Русија не води војна само против Украина, туку и против нас
Германскиот канцелар, Фридрих Мерц, синоќа изјави дека Русија не води војна само против Украина, туку и против Германија. Во интервју...
Иран: Американските бомби сериозно го оштетија Фордоу
Американското бомбардирање на клучниот ирански нуклеарен објект Фордоу сериозно го оштети местото, изјави иранскиот министер за надворешни работи, Абас Араки,...
Арсовска до амбасадорката Агелер: „Не Ви е малку незгодно што на листата со ВИП-гости Ви беа лица што треба да Ви се на црната листа на санкции“
Градоначалничката на град Скопје, Данела Арсовска преку социјалните мрежи упати прашање до американската амбасадорка Анџела Агелер. „Добро утро Амбасадорке Агелер,...
(Видео) Силна бура во Сиднеј: урнати дрвја, повеќе од 35.000 дома без струја, откажани десетици летови
Силна бура го погоди Сиднеј втор ден по ред, соборувајќи дрвја, оставајќи илјадници домови без струја и принудувајќи ги домашните...
Трамп: Израел се согласи на условите за 60-дневно примирје во Газа
Американскиот претседател Доналд Трамп вчера изјави дека Израел се согласил со условите за конечен договор за 60-дневен прекин на огнот...
(Видео) Бомбардер „су-34“ се урна во Русија
Руски борбен авион Су-34 се урна вчера за време на воена вежба во регионот Нижни Новгород, објави руската државна новинска...
Сиљановска-Давкова се сретна со шпанскиот премиер Педро Санчез
Претседателката Гордана Сиљановска-Давкова, во рамки на учеството на 4. Меѓународна конференција за финансирање на развојот во Севиља оствари средба со...
(Фото) Запленети околу 100 килограми марихуана во Струмица, уапсени три лица
Полициски службеници од Секторот за внатрешни работи Струмица во координација со Агенцијата за национална безбедност, а во согласност со своите...
Филипче: Не е време за калкулации, ниту за ситнопартиски интереси, СДСМ останува силен промотор на европската идеја
Претседателот на СДСМ, Венко Филипче, по средбата со еврокомесарката за проширување Марта Кос, изјави дека поддршката од Европската Унија за...
Уписот во средно в година ќе биде подигитален од годинешниот: родителите нема да трчаат да ги скенираат свидетелствата, тие дигитално ќе се преземаат
Годинешното дигитално пријавување во средните училишта значеше само повеќе мака и ангажман на родителите во споредба со претходните уписи. Иако...
(Видео) Мицкоски: Не прифаќаме наметнувања под маска на европскиот процес
Не прифаќаме наметнувања под маска на европскиот процес, изјави премиерот Христијан Мицкоски, на заедничката прес – конференција со еврокомесарката за...
Го удрил со тупаница докторот што му давал лекарска помош, а потоа тепал и полицајци: предложен притвор за 28-годишник
Основното јавно обвинителство Битола поведе постапка против едно лице за кое постои основано сомнение дека сторило дело – Напад врз...
Арсовска со отворено писмо до Михалис Рокас: Во секоја држава има мафија, само во Македонија мафијата си има своја држава
Градоначалничката на Град Скопје, Данела Арсовска упати отворено писмо до Михалис Рокас, Амбасадор на Европската Унија во Македонија. „Почитуван господин...
Трамп остро му одговори на Маск: Без субвенции, би се вратил дома, во Јужна Африка
Американскиот претседател Доналд Трамп повторно јавно го нападна Илон Маск, тврдејќи дека без владини субвенции, шефот на „Тесла“, „Спејс Екс“...
Маск жестоко го нападна законот на Трамп: „Ќе изгубат, дури и ако ми е последно“
По објавувањето на неговото повлекување од политичкиот свет, милијардерот и основач на Тесла, Илон Маск, речиси веднаш се врати во...
