Македонија
Николовски: Истрагата треба да покаже дали имало политичка цел во случајот Смилковци
Политичката цел, насилствата, убиствата и киднапирањата и неповрзаноста на жртвите со извршителите и нарачателите на терористичкиот акт се основните елементи кои укажуваат на тоа дека се работи за кривично дело „Тероризам“.
Доцент д-р Марјан Николовски, професор на Полициската академија кој на денешната научно-стручна конференција „Milcon 12“ ќе зборува токму за расветлувањето на кривичното дело тероризам, објаснува кои елементи на тероризам се јавуваат во случајот „Смилковци“.
Во случајот со петкратното убиство на недолжни граѓани кај Смилковци, според Николовски, постојат неколку елементи кои укажуваат дека се работи за терористички акт, но истргата треба да покаже дали во овој случај имало политичка цел, кој стои позади убиството, кои се нарачателите.
„Не е едноставно да се даде класификација во самиот почеток, а статистиката укажува на тоа дека голем дел од поднесните кривини пријави за тероризам или не може да се докажат во текот на постапката или се преквалификувани“, вели Николовски.
Методите за расветлување на вакво кривично дело се делат во две основни групи, превентивни, пред да се случи актот затоа што, според Николовски, основна задача на безбедносните служби е да превенираат, и мерките кои се преземаат за расветлување на терористичкиот акт доколку се случи.
Со измените на кривичниот законик во Македонија има посебно кривично дело за спречување, односно подготовка во извршување на терористички акт.
Николовски смета дека институциите функционираат и дека работат на расветлување на овој случај и дека безбедносниот систем е во тек со новите предизвици со кои се соочува светот./крај/мф/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Подигнати 𝟦𝟧 кубни метри отпад од картонски пакувања во општините Кисела Вода, Центар и Чаир
Екипите на ЈП Комунална хигиена-Скопје во текот на вчерашниот ден подигнаа и транспортираа 45 кубни метри непрописно одложен отпад од картонски пакувања во скопските општини Кисела Вода, Центар и Чаир, изветси Комунална хигиена-Скопје.
Во општината Кисела Вода е интервенирано на улиците Фредерик Шопен, Димо Хаџи Димов и Томе Арсовски, каде што се подигнати вкупно 20 кубни метри отпад од картонски пакувања одложени на јавни површини.
Во општината Чаир се отстранети 10 кубни метри непрописно одложен отпад на улицата Цветан Димов, додека во општината Центар е интервенирано на неколку локации долж булеварот Партизански одреди, каде што се расчистени вкупно 15 кубни метри картонски отпад одложен на тревни и сообраќајни површини, соопшти Комунална хигиена-Скопје.
Македонија
Во прекин сообраќајот на патот Демир Капија – Валандово поради заглавен камион
Регионалниот пат Р1102 Демир Капија – Вландово е во прекин.
Oд АМСМ информираа дека прекинот е поради заглавен камион.
Македонија
ВЛЕН „не се залага за внуци“: Дрин Ахмети бил повикан од Обвинителството
„Кога ќе се спомене ДУИ, не можеме да мислиме друго освенна злоупотреби и корупција. Сакаме да ја информираме јавноста за едно важно прашање поврзано со економската активност на компанијата „Еверест ЈД“ ДООЛ, која е во сопственост и управувана од Дрин Ахмети, внук на лидерот на ДУИ нон грата, Али Ахмети. Според достапните информации, ова компанија не го платила концесискиот надоместок за експлоатација на минерални суровини налокацијата „Буковиќ“, со што ги прекршила законите и прописите“, велат од ВЛЕН.
„Оваа неодговорна постапка претставува сериозен облик на нетранспарентност и злоупотреба на привилегиите дадениза експлоатација на природните ресурси и поради оваа причина, коалицијата ВЛЕН иницира да се преземат итни и целосни мерки за расветлување на ова прашање.
Со гордост ја споделуваме оваа информација, бидејќи со несаканата транзиција на ДУИ во опозиција, заврши и заштитата или поддршката во судовите и обвинителството. Затоа, ова е знак дека завршува ерата на политичко влијание врз институциите кои треба да бидат целосно независни и незасегнати во работата на правосудството.
По откривањето на ова дело, Дрин Ахмети бил повикан од Обвинителството да даде објаснувања и се води истрага за овој случај. Коалицијата ВЛЕН, како дел од владата, ги повикува правосудните институции да постапат во согласност со законот и да обезбедат безбеден и транспарентен истражен процес, за да се избегне каква било форма на политичко влијание за конечната одлука да биде целосно заснована на законите на нашата земја. А злонамерниците како Дрин Ахмети ќе ја добијат заслужената казна.
Коалицијата ВЛЕН со целосна решителност и максимална одговорност ги поддржува сите напори овој случај да се постапува со професионалност и непристрасност за да се воспостави ред и законитост во оваа област.
Коалицијата ВЛЕН будно ќе го следи ова прашање и ќе биде неприкосновна во борбата за транспарентност и правда и никогаш нема да толерира злоупотреби. Ги уверуваме граѓаните дека сме тука да ги откриеме сите измами поврзани со ДУИ нон грата и дека ќе има одговорност за сите.
ВЛЕН е коалиција на сите граѓани, ВЛЕН не се залага за внуци туку за секој од вас. Секој граѓанин ужива почит и еднаков третман од најголемата албанска коалиција“, се додава во соопштението на ВЛЕН.