Хрватската полиција го најде телото на петгодишниот Патрик и автомобилот во езерото кај хидроцентралата Дубарава во Хрватска, но мајката која во неделата исчезна со својот син оставајќи проштално писмо на Facebook, не е најдена.

Во автомобилот пронајдени се документи на Ивана Фогадиќ, а потрагата по неа сé уште трае.На автомобилот којшто е извлечен, му недостасуваат предното ветробранско и десното странично стакло. Предното ветробранско стакло е скршено од силен удар, додека за десното странично стакло се претпоставува дека е спуштено.Сонарот утврдил дека автомобилот се наоѓал на 5 до 6 метри длабочина. Многу веројатно е нејзиното тело, како и телото на Патрик, да испливало надвор од автомобилот.Трагичниот крај за семејството Фогадиќ беше откриен во средата кога случаен минувач, шетајќи кај езерото го здогледал мртвото тело на детето, за кое сé уште неофицијално се потврдува дека е на петгодишниот Патрик Фогадиќ. За во четврток е закажана обдукција на пронајдено тело за да се утврди точната причина за смртта. Пред четири дена, дваесет идеветгодишната Ивана Фогадиќ на својот Facebook профил остави проштално писмо од кое можеше да се претпостави дека заедно со неa во смрт ќе го однела и својот син. Во својот профил Фогадиќ го обвинува својот сопруг за насилство и за алкохолизам, што „не може повеќе да го трпи“. Жената претходно никогаш не го пријавила својот сопруг за насилство, дознаваат медиумите од полицијата.Во текот на потрагата, нејзиниот сопруг, Валентин Фогадиќ изјави дека ништо не укажувало на тоа дека ќе се случи вакво нешто. Во средата кога полицијата му соопштила дека нашле тело на дете, Валентин се фрлил во езерото за да стигне до телото на неговиот син, но набрзо бил превезен со возило на Итна медицинска помош.Потрагата по телото на жената се уште трае./крај/мф/ффс