Скопје
Почна изградба на нов парк во Ново Лисиче покрај кејот на Вардар
Во вторник почна изградба на нов парк покрај булеварот „Февруарски поход“, поточно кај последната автобуска станица број 5 покрај кејот на реката Вардар.
Во вторник почна изградба на нов парк покрај булеварот „Февруарски поход“, поточно кај последната автобуска станица број 5 покрај кејот на реката Вардар.
Новиот парк што ќе го гради јавното претпријатие „Паркови и зеленило“ во соработка со Град Скопје и Општина Аеродром, ќе се простира на површина од 9 хектари и ќе содржи пешачки патеки, летниковци, чешми, клупи, корпи за отпадоци, жардиниери и друга урбана опрема, повеќенаменско спортско игралиште, детски игралишта и се разбира, многу зеленило. Во паркот се планира да се насадат повеќе видови зимзелени и листопадни дрвја, нискостеблести растенија, трева и цвеќе.
„Со хортикултурно и партерно уредување на овој простор ќе се создаде уште едно пријатно катче за престој во Општина Аеродром, во кое, убеден сум, сите генерации ќе си најдат свој простор“, рече на прес-конференцијата градоначалникот на Општина Аеродром, Ивица Коневски.
На тој начин, додаде тој, локалитетот на којшто ќе биде изграден паркот од запуштен простор ќе се претвори во зелен и модерен појас, каков што естетски му прилега на едно урбано крајбрежје покрај реката Вардар.
Градоначалникот Трајановски, пак рече дека со изградбата на овој парк ќе се придонесе во подобрувањето на животната средина во Општина Аеродром.
Вредноста на оваа инвестиција ќе биде околу 16 милиони денари. Со овој проект продолжува традицијата на унапредување и заштита на животната средина и на градење паркови во новопроектирани зони во Аеродром, како карактеристично обележје, по кое стана позната и препознатлива општината, во која последниве неколку години се изградени околу 100.000 квадратни метри нова зелена површина во Општина Аеродром./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.