Македонските пратеници, и оние на власт и оние во опозиција,сметаат дека нема дестабилизација во Македонија, ни како последица од нерешавањето на спорот со името со Грција, ни поради евентуално заладување на меѓуетничките односи

„Ние не се сложуваме со изјавата на Фуере. Можеби во своето излагање пред европратениците сакал да укаже дека ЕУ треба сериозно да гледа на Македонија и дека ригидниот однос што го има Грција во однос на Македонија на некој начин може да влијае на одредени усложнувања на состојбите во Македонија. Меѓутоа состојбата во Република Македонија е нормална, сосема е нормално помеѓу политичките партии да има и различни гледања на нештата, којшто верувам дека можат да бидат усогласени“, рече Петар Поп Арсов од ВМРО-ДПМНЕ.  За нивниот коалициски партнер ДУИ изјавата на еден дипломат како Фуере мора сите релевантни институции во државата сериозно да ја сфатати да ја анализираат. „Ние како ДУИ ги охрабруваме двете страни Македонија и Грција да седнат што побрзо за да се надминат сите какви било идеи за добробит на државата и на граѓаните“, рече Сафет Незири од ДУИ. Според него, но тоа е став и на неговата партија воведувањето на македонски јазик за првачињата Албанци е избрзано. „Треба да се седне и да се види, од страна на министерот за образование со стручни лица, психолози, педагози, да се направи детална информација дза да не дојде до ваква ситуација“, рече Незири.Опозициската СДСМ пак, смета дека пораките од Брисел се пријателски и треба да бидат пораки на отрезнување и предупредување. „ Кавгите помеѓу коалициските партнери, политичката нестабилност, економските проблеми секој ден се се потешки и потешки и тоа во Брисел се гледа. Пораката од Брисел не е дека овие проблеми можат да предизвикаат последици од типот на 2001 година, меѓутоа Македонија не смее да си дозволи да си игра со меѓуетничките односи и не смее да си дозволи да ги политизира најмладите во тие меѓуетнички и меѓукоалициски кавги“, рече Радмила Шеќеринска од СДСМ.Фљора Кадри од Нова демократија смета дека се прави меѓуетничка поделба во Македонија со некои потези на актуелната Влада, како енциклопедијата,  неимплемментирањето во целост на законите коишто произлегуваат од Охридскиот рамковен договор, нерешавањето на Хашките случаи и пронаоѓањето на еден потребен статус на учесниците на воениот конфликт во 2001 година  и изучувањето на мекедонскиот јазик. „Не би било добро да ексалира состојбата од меѓуетнички тензии, би било многу подобро да се пвоспостави мир доверба и верба помеѓу ентитетите во Македонија“, рече Карди, која додаде дека изградбата на црква на плоштад доведува и до меѓурелигиска поделба.