Македонија
Ставрески: Инвестициите во Македонија не отсуствуваат
Вицепремиерот и министер за финансии говори за стапката на странски инвестиции во Македонија, очекувањата од соработката со Светската банка на кус рок и економската криза во Грција. Тој викендов во Вашингтон учествуваше на редовните годишни средби на СБ и ММФ
од Јане Бојаџиевски, Глас на Америка на македонскиГлас на Америка: Вицепремиере, Македонија според „Дуинг бизнис“ високо котира, меѓутоа отсуствуваат странски инвестиции. Зошто? Ставрески: Да ги споменеме бројките и мислам дека таа перцепција ќе биде малку поразлична. Само во последните три години во Македонија има една милијарда и 100 милиони евра странски инвестиции. Тоа е колку за 10 претходни години. Овој процес не е лесен и бара континуиран ангажман, не од една влада, туку од сите влади последователно, за да бидеме успешни. Процесот на привлекување инвеститори е најмакотрпниот процес, бидејќи не зависи само од нас и од нашата политика, туку и од општата ситуација во регионот и општата глобална сосотојба. Сите тие околности во моментов не се најповолни од аспект на кризата во светот, но ние остануваме цврсто уверени дека Македонија ќе успее да донесе повеќе инвеститори и во таа увереност покажуваме решителност и ангажман што ќе се исплати. Имате ли решение како Македонија да ги зголеми инвестициите, домашни и странски, да ја намали јавната потрошувачка во време кога се` уште трае светската економска криза? – Во однос на инвестициите, се` што правиме, почнувајќи од подобрувањата во секторот образование, подобрување на квалитетот на работната сила, креирањето на инфраструктурни услови за инвеститорите, ниските даноци и малите трошоци, го правиме со цел да привлечеме повеќе инвеститори. За нас е неважно дали се работи за странски или домашни инвестиции, не правиме разлика меѓу нив, затоа што и едните и другите се потребни. Во делот на јавната потрошувачка, Македонија има трет најнизок буџетски дефицит во Европа во овие кризни времиња, и според оценките на ММФ, буџетскиот дефицит на Македонија беше на најсоодветно ниво и помогна од една страна да се ублажи рецесијата, а од друга страна да не се изгуби контролата за нивото на јавниот долг. Значи имавме умерено ниво на буџетски дефицит, што овозможи да и помогнеме на економијата и приватниот сектор. Таа оценка од ММФ многу ни значи во поглед како и натаму треба да се креира буџетската политика во Македонија. Кои се очекувањата од Светската банка на кус рок? – Светската банка во моментов работи на новата тригодишна стратегија за Македонија. Ги договараме следните проекти. Наш интерес е да имаме проекти во делот на инфраструктурата, поточно во делот на енергетиката. Банката ќе остане ангажирана во делот на подобрување на сопственичките права, во делот на катастарот и во правата за имотно-правните односи. Очекувам нашата успешна соработка со Светската банка да продолжи и во следниот период. Експерите посочуваат дека стимулативните напори годинава веројатно ќе продолжат, но многу земји ќе мора да ги скратат трошоците следната година. Дали тоа ја очекува и Македонија?- Ако Македонија имаше дефицит каков што имаа балтичките земји, или пак, како Грција и некои европски развиени земји, кои завршија со 12-14 процентен буџетски дефицит, и ние ќе го имавме истиот проблем и предизвик да мора веднаш да го сведеме нивото на фискална поддршка во подносливи рамки. Меѓутоа ние имавме умерен дефицит во 2009-та, што ни овозможува да продолжиме со политиката на поддршка на капиталните проекти, пред се ` во делот на инфраструктурата и градежништвото за да може да одржиме повисоко ниво на економска активност. Нивото на јавен долг во Македонија е умерено, и од таа страна нема никаков проблем да се донесат средства од надвор со цел да се помогнат малите и средни претпријатија. Ние тоа го правиме со кредитната линија од европската инвестициона банка.Дали сметаде дека кризата во Грција може да се одрази во Македонија и на кој начин таа евентуално би се одразила?- Тоа се добри вести во однос дека Грција треба што побрзо треба да побара помош од ММФ, бидејќи мислам дека на таков начин ќе се смират очекувањата и нервозата кај инвеститорите и на меѓународниот пазар на капитал. Тоа ќе помогне да перцепира регионот на подобар начин. Мислам дека нема ризик за Македонија во делот на грчките инвестиции кои се присутни во земјата, бидејќи ние нудиме подобри услови отколку што и самите инвеститори имаат во нивната држава. Така што мислам дека ќе останат во Македонија нивните инвестиции и инвеститори. Меѓутоа можно е во делот на трговијата да имаме извесни негативни последици бидејќи очекуваме доколку има нарушувања на социјалниот мир во Грција, затварања на граници од штрајкови и слично, тоа може да влијае врз редовното одвивање на трговијата меѓу македонските и грчките фирми и на тој начин да има негативни последици врз македонската економија. Сепак, засега работите се подносливи и последиците се умерени.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Субвенции за поправка на покриви на згради и замена на азбестни покриви на куќи во општина Карпош
Согласно Програмата за уредување на градежно земјиште за 2025 година, Општина Карпош денеска објави Јавен повик за доделување финансиска подршка за поправка и санација на кровни покривачи на станбени згради за колективно домување и замена на азбестни кровни покривачи на индивидуални станбени објекти (куќи), на своја територија.
Во таа насока, за колективните станбени објекти (зградите), локалната самоуправа ќе субвенционира најмногу до 50% но не повеќе од 350.000 денари од вкупниот износ на вредноста на поправка и санацијата на кровен покривач.
Додека пак за индивидуалните станбени објекти односно за куќите, Општина Карпош ќе субвенционира најмногу до 60%, но не повеќе од 120.000 денари од вкупниот износ на вредноста на замената на азбестниот кровен покривач.
Право на учество на Јавниот повик имаат сите оние коишто се регистрирани како Заедници на сопственици (ЗС) или со заедницата да управува правно лице – Управител (УСЗ) , согласно Законот за домување и сопственици на индивидуални станбени објекти (куќи) во Општина Карпош. Постапката за субвенционирање ќе се одвива во две фази од каде по комплетирање на документите од првата фаза, апликантот ќе добие писмено известување дека е потенцијален корисник на субвенцијата. Со самото тоа апликантот преминува во втората фаза што подразбира дека тој може да отпочне со замена на кровниот покривач.
Во овој случај, локалната самоуправа напоменува дека, доколку апликантот се одлучи да го промени стариот кровен покривач со користење на субвенција од Општина Карпош, истиот се обврзува да користи исклучиво бел или сив (силвер) лим за кровен покривач. Според условите од Јавниот повик, сите досегашни корисници на субвенција во изминатите јавни повици, објавени од страна на Општина Карпош, немаат право да учествуваат во јавниот повик за 2025 година.
Jавниот повик е отворен и трае до исцрпување на финансиските средства предвидени во Буџетот на Општина Карпош за 2025 година за предметната намена, по принципот „прв дојден-прв услужен“.
Пријавите се доставуваат во затворен и запечатен коверт, без означување на субјектот кој ја поднесува пријавата до Општина Карпош, преку пошта на адреса: ул. Радика бр.9 , 1000 Скопје, или во архивата на Општина Карпош, со назнака:
Јавен повик за доделување финансиска поддршка за поправка и санација на кровни покривачи на станбени згради за колективно домување и замена на азбестни кровни покривачи на индивидуални станбени објекти (куќи) во Општина Карпош.
Заинтересираните странки можат да добијат повеќе детали околу условите и потребната документација, на следниве линкови:
За дополнителни информации, граѓаните можат да се обратат на следниве телефонски броеви: 071/350-388 или 078/487-636.
Скопје
Субвенции за санација на постоечки и поставување на нови лифтови во зградите во Карпош
Согласно Програмата за уредување на градежно земјиште за 2025 година, Општина Карпош денеска објави Јавен повик за доделување на финансиска поддршка за поправка и санација на постоечки лифтови и поставување нови лифтови на станбени згради за колективно домување, на своја територија.
Во таа насока, локалната самоуправа ќе субвенционира најмногу до 50%, но не повеќе од 500.000 денари од вкупниот износ на вредноста на поправката и/или санацијата на постоечкиот лифт, како и за поставување на нов лифт.
Оттука, во постапката за поставување на нови лифтови, Заедницата на сопственици е должна да ја обезбеди целокупната потребна документација согласно позитивните законски прописи (проекти, одобренија и сл). Во случајов, Општината обезбедува парични средства за набавка на нов лифт, но не ги покрива и трошоците поврзани со градежните работи (отворање на окно за лифт, отстранување на градежниот отпад и слично).
Право на учество на јавниот повик имаат сите оние коишто се регистрирани како Заедници на сопственици (ЗС) или со заедницата да управува правно лице – Управител (УСЗ), согласно Законот за домување, а субвенциите ќе се доделуваат по принципот „прв дојден –прв услужен“, до исцрпување на финансиските средства за оваа намена.
Потенцијалните корисници на субвенциите треба целосно да ги исполнат условите и критериумите кои се пропишани во Јавниот повик, што значи дека станбените згради за колективно домување треба да бидат постари од 25 години. Исто така, Заедницата на сопственици/Управителот на станбените згради треба да достави Одлука од сопствениците на станбените единици, дека сопствениците на посебните делови се согласни да се изврши поправка и/или санација на постоечкиот лифт и/или поставување нов лифт. Покрај тоа, сопствениците на посебните делови треба да изразат согласност да учествуваат со сопствени средства за дел од вкупниот износ за поправка и/или санација на постоечки лифт и/или поставување нов лифт, (во прилог кон Одлуката да достават список со потписи од 50% плус 1 (еден) сопственик). Според условите на Јавниот повик, апликантите треба да приложат и имотен лист (не постар од шест месеци), со кој се докажува сопственоста. Во случајов, потребно е да се достави имотен лист за секој стан засебно, со кој ќе се потврди сопственоста на апликантите. Имотните листови да се достават во оригинал или нотарски заверена копија (за 50% плус еден сопственик).
Пријавите треба да се достават до Општина Карпош, преку пошта на адреса: ул. Радика бр.9 ,1000 Скопје, или во архивата на Општина Карпош, со назнака:
Јавен повик за доделување финансиска поддршка за поправка и санација на постоечки лифтови и поставување нови лифтови на станбени згради за колективното домување во Општина Карпош.
Заинтересираните странки можат да добијат повеќе детали околу условите и потребната документација, на следниве линкови:
За дополнителни информации, граѓаните можат да се обратат на следниве телефонски броеви: 071/350-388 или 076/299-175.
Македонија
Времен прекин во работењето на системот е-Даноци, соопшти УЈП
Управата за јавни приходи известува дека, поради извршување на неопходни интервенции на системот е-Даноци, денес (среда), од 16:30 часот, истиот ќе биде недостапен.
Во овој период, даночните обврзници нема да можат да поднесуваат пријави и други електронски поднесоци преку системот е-Даноци.
Во периодот додека трае интервенцијата останатите системи на УЈП ќе бидат во функција и даночните обврзници непречено ќе може да поднесуваат пресметките за исплата на личен доход во е-ППД, вклучително и пресметки за плата (МПИН).
Се предвидува интервенцијата да трае неколку часови, а по завршување на активностите системот е-Даноци повторно ќе биде ставен во функција.
Апелираат до сите корисници на овој систем да ги завршат своите итни и неодложни обврски пред започнување на интервенцијата.
(Фото) Уапсен 30-годишен скопјанец: при претрес пронајдена дрога, пиштол, пари
Вчера во 19.30 часот во Скопје, на подрачјето на Центар, полициски службеници од Единицата за недозволена трговија при СВР Скопје...
Почина Александар Јовиќ
Утрово тажна вест ја потресе македонската јавност. На 51-годишна возраст почина македонски репрезентативец Александар Јовиќ. Александар Јовиќ е роден во...
ДУИ: Од првиот ден на мандатот Андоновска јасно ја покажува својата намера да го намали присуството на Албанците во ИЈЗ
Демократската унија за интеграција остро реагира на постапките на директорката на Институтот за јавно здравје, Марија Андоновска, која, како што...
Над половина метар снег на Попова Шапка и Маврово
Утрово најстудено било на Попова Шапка каде што се измерени -10 степени, -7 било во Маврови Анови и Крушево, -6...
(Видео) Градоначалничката на Лос Анџелес била на коктел во Гана кога избувнал пожарот во Палисадес
Како што ескалираше пожарот во Лос Анџелес на 7 јануари, градоначалничката Карен Бас се фотографираше на коктел-забава во амбасадата во...
Уапсен отповиканиот јужнокорејски претседател
Јужнокорејските власти денеска го уапсија отповиканиот претседател Јун Сук-Јол под обвинение за бунт, при што Јун рече дека се согласил...
Забрани за тешки товарни возила на неколку патни правци
Сообраќајот на државните патишта се одвива во зимски услови по влажни коловози со остатоци од кашест снег на коловозот по...
Советник на Путин: Мирот е можен само ако Русија добие пет украински региони
Близок советник на рускиот претседател Владимир Путин изјави дека и Украина и Молдавија би можеле да престанат да постојат како...
Огромен ракетен напад врз Украина, експлозии во милионскиот град
Во тек е масовен руски напад со крстосувачки ракети и беспилотни летала врз Украина. Прогласена е закана од воздушен напад...
Гаши за Даути: До денес не сум добил официјално известување за оставка од ниеден претседател на комисија
Како претседател на Собранието мојата главна одговорност е да ги почитувам и спроведувам Деловникот и неговите процедури, вели претседателот на...
(Видео) Пуштен во употреба патот Градско – Дреново, доцни оти една година биле повлечени и вработените и механизацијата на „Страбаг“
Со врнежи снег утрово свечено во употреба беше пуштен експресниот пат Градско-Дреново, долг 15,5 киломтери. За свеченоста, исто како и...
Комесарката за проширување на ЕУ: Нема да има геополитички попуст, процесот на проширување ќе продолжи да се заснова на заслуги
Агресивната војна против Украина отвори можност за проширување на Европската Унија, но нема да има геополитички попуст, процесот на проширување...
Покачување од 30 отсто на платите што почнуваат од 25.010 денари бараат вработените во неколку министерства, ќе штрајкуваат цела недела
Место на пауза, утрово, вработените од неколку министерства во 11 часот излегоа на получасовен штрајк пред Министерството за животна средина...
Автомобил специјално конструиран за криење стока: Царината заплени фалсификувани производи, парфеми, облека и обувки
Во соработка со МВР службата за мобилни скенери откри случај во кој автомобил со германски регистарски таблички бил специјално конструиран,...
Судијка од Велес обвинета за фалсификување службена исправа, обвинение и против сопружници – сопственици на синџир аптеки
Основното јавно обвинителство Кавадарци поднесе обвинение против судијка од Основниот суд во Велес, двајца сопружници – сопственици на синџир аптеки,...
СДСМ: На страна сме на работниците, власта да ги зголеми платите и да се потпишат колективните договори
СДСМ го разбира револтот на работниците во јавниот сектор и ги поддржува нивните барања за покачување на платите кои се...
СДС треба да се извини што го толерирале Груби, што не го спречиле кога имале шанса, велат од ВМРО-ДПМНЕ
„СДС и Филипче додека беа власт се им дозволија на коалициските партнери ДУИ. СДС и Филипче дозволија криминалот да царува...
Ердоган е лидер со најдолг стаж во модерна Турција: тој е во последниот мандат, освен ако има уставни амандмани или предвремени избори
Кандидатурата на турскиот претседател Реџеп Таип Ердоган за четврти мандат е „на дневен ред“ на владејачката Партија на правдата и...
(Видео) Монструозните пожари израмнија цели населби во Лос Анџелес, сега се очекува засилен ветер
Пожарникарите во Лос Анџелес се подготвуваат за силни ветришта во текот на ноќта, налети кои би можеле да разгорат два...
Најстудено утрово на Попова Шапка
Утрово најстудено било на Попова Шапка каде што се измерени -10 степени, -7 било во Маврови Анови и Крушево, -4...
