Свет
Венецуела ги прекина односите со Колумбија
Претседателот на Венецуела, Хуго Чавез, ги прекина дипломатските односи со соседната Колумбија и ја обвини дека фабрикува извештаи оти колумбиските бунтовници имаат засолништа во внатрешноста на Венецуела, јавува Асошиејтед прес.
Претседателот на Венецуела, Хуго Чавез, ги прекина дипломатските односи со соседната Колумбија и ја обвини дека фабрикува извештаи оти колумбиските бунтовници имаат засолништа во внатрешноста на Венецуела, јавува Асошиејтед прес.Амбасадорот на Колумбија при Организацијата на американските држави (ОАС) Луис Алфонсо Хојос, на состанокот во Вашингтон во четвртокот покажа фотографии, видео материјали и изјави на сведоци и мапи на она за што тој тврдеше дека се бунтовнички кампови на левичарските колумбиски организации кои се борат против власта во Каракас, Револуционерните вооружени сили на Колумбија (ФАРК) и националната ослободителна армија, сместени во внатрешноста на Венецуела. На фотографиите, снимени од воздух, се гледаат наводните колумбиски бунтовници како се одмараат во наводните кампови на територијата на Венецуела, па дури свират и на пијано. Амбасадорот Хојос од властите во Богота побара дозвола местата да ги посетат и да ги испитаат независни набљудувачи. Чавез на овие обвинувања реагираше за само неколку часа. Во објавата за прекин на врските, Чавез посочи дека со најновата провокација, претседателот на Колумбија во заминување, Алваро Урибе, се обидува да испровоцира војна. Ниту тој, ниту венецуелскиот амбасадор при ОАС одговорија на колумбиската провокација за испраќање на независни набљудувачи во Венецуела, но Чавез инсистираше дека неговата земја прави се што е во нејзина можност за да ги спречи бунтовниците од ФАРК да влегуваат во земјата. Чавез веќе го затвори венецуелското дипломатско претставништво во Каракас, а на дипломатите на Колумбија во Богота им даде 72 часа да ја напуштат земјата. Колумбија, од своја страна, не покажа желба за помирување. Веднаш по објавата за прекин на врските, Каракас објави дека ќе тужи некои членови на венецуелската влада пред Меѓународниот кривичен суд, поради наводната соработка со колумбиските герилски групи и поради криење на познати терористи. ФАРК се наоѓа на списокот на ОН на терористички организации. Колумбискиот амбасадор во Вашингтон тврдеше дека околу 1.500 бунтовници се кријат во Венецуела. Тој истакна дека колумбиската влада безброј пати барала од властите во Богота да соработуваат при спречувањето на движењето на бунтовниците на венецуелска територија и подобро да ја контролираат заедничката граница со должина од 2.300 километри. Амбасадорот Хојос тврди и дека меѓу оние кои се кријат во Венецуела се и неколку високи команданти на бунтовниците. САД, кои се најголем воен сојузник на Колумбија, но и еден од главните увозници на венецуелската нафта, сметаат дека прекинот на односите е грешка. Венецуела е, исто така, најголем производител и снабдувач со нафта на јужноамериканските држави. /крај/ап/ссе/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Турист во Италија уништил фрески стари речиси 2000 години
Холандски турист уништил ѕид со фрески во античка римска куќа во Херкуланеум, во близина на Неапол, оштетувајќи ја зградата што ја преживеала вулканската ерупција на Везув во 79 година од нашата ера, соопшти денеска италијанската полиција.
Во соопштението на полицијата се вели дека 27-годишниот турист бил брзо идентификуван откако вработените во археолошкиот локалитет откриле графити исцртани со црн, неизбришлив фломастер на бел дел од насликан ѕид.
Полицијата соопшти дека тоа е потпис на маж кој сега се соочува со обвинение за оштетување на уметничкото дело.
Помалиот град од неговиот попознат сосед Помпеја, Херкуланеум бил покриен со подлабок слој пепел, кој ги заштитил неговите урнатини од крадци и оставил особено добро сочувани остатоци.
Како одговор на зголемениот вандализам, Италија оваа година воведе построги казни за оние кои ги оштетуваат спомениците и културните места, одредувајќи казни до 40.000 евра.
Свет
Кристоферсен: НАТО има две до три години да се подготви за одбрана од Русија
Началникот на Генералштабот на норвешката армија, генерал Еирик Кристоферсен денеска изјави дека НАТО има две до три години да се подготви за одбрана пред Русија повторно да биде во можност да изврши конвенционален напад.
„Во еден момент некој рече дека ќе ни требаат 10 години, но мислам дека се работи за помалку од 10 години поради индустриската база што сега постои во Русија“, рече генералот Кристоферсен, пренесе Блумберг.
Тој посочи дека ќе биде потребно „некое време“ за спроведување на овој план, кој им дава простор на сојузниците на НАТО да ги обноват своите сили и резерви во следните две до три години, истовремено поддржувајќи ја Украина.
„Норвешка, членка на НАТО од 1949 година, не забележа значителна промена во однесувањето на Русија на својата граница во последната година, вклучувајќи ги нуклеарните сили и нејзината северна флота, но руските копнени сили на полуостровот Кола беа десеткувани по големите загуби во Украина“, рече тој.
Норвешкиот парламент допрва треба да одобри план со кој речиси ќе се удвои распределбата за одбранбениот систем во следните 12 години со цел да се прилагоди на заканите, со фокус на поморската и воздушната одбрана, пренесува Танјуг.
Свет
Уапсени 18 лица во Полска: планирале непријателски активности во име на Русија, вклучувајќи и убиство на Зеленски
Полските власти уапсија 18 лица под сомнение дека планирале непријателски активности и саботажи во име на Русија и Белорусија, вклучувајќи го и убиството на украинскиот претседател Володимир Зеленски, соопшти денеска министерот за внатрешни работи Томаш Сјемоњак.
Полските власти поврзаа некои неодамнешни подметнати пожари или обиди за подметнување пожари со агенти спонзорирани од Русија. Меѓу уапсените во последните месеци има државјани на Полска, Белорусија и Украина, се наведува во соопштението на Агенцијата за внатрешна безбедност.
Семењак рече дека актите на саботажа се јасно дел од поширок план кој вклучува сајбер напади, притискање на мигрантите да преминат од Белорусија во Полска и загрозување на нејзината безбедност, бидејќи ја поддржува Украина во нејзината одбрана од инвазијата на Русија.
Полјак беше уапсен во април под обвинение дека е подготвен да шпионира за руското воено разузнавање и да учествува во наводен заговор за убиство на Зеленски, соопштија полските обвинители.
Тој, наводно, побарал контакт со Руси директно вклучени во војната во Украина и се очекувало да пренесе детални информации за стратешкиот аеродром во југоисточна Полска, во близина на границата со Украина.