Свет
Шебаб за Обама нуди десет камили, а десет петли за Клинтон
Сомалиската исламистичка групација ал-Шебаб во саботата со подбив одговори на наградат што за апсење на нејзините припадници ја распишаа САД.
Така тие ветија дека ќе дадат десет камили на секој кој ќе помогне во лоцирањето на американскиот претседател Барак Обама, како и десет петла за лоцирањето на американската државна секретарка Хилари Клинтон.
„Можам да кажам дека ваквите работи никогаш нема да нé одвратат од продолжувањето на светата војна против нив. Живееме за да умреме и непријателот не може да нé заплаши со пораки за смрт“, се наведува во пораката на еден од првите луѓе на исламистичкото движење во Сомалија ал-Шебаб, Фуад Мохамад Халаф кој се нарекува Шонгол, објавена на неколку исламистички интернет страници, што ја пренесува AFP.
„Не претставува ништо ново неверниците да плаќаат за убиство на водачите на муслиманската заедница, така веќе постапија ветувајќи камили за глават ана пророкот Мухамед, а долар е камилата во денешно време“, оценува Шонгол, алудирајќи на наградата за главата на пророкот Мухамед додека бегал од Мека во Медина, според муслиманската света книга Куранот.
Продолжувајќи го шегувањето Шонгол во пораката додава дека „Секој што ќе им јави на муџахединските борци каде е Обама ќе добие десет камили, а за Клинтон нудиме десет петла и десет кокошки“.
САД о четвртокот ги ставија имињата на седум водачи на сомалиската исламистичка група на листата на бараните лица и понудија вкупно 33 милиони долари за информација која ќе придонесе за нивно апсење.
Најголемата награда, седум милиони долари ќе бидат исплатени за информација којашто ќе овозможи апсење на еден од основачите на ал-Шебаб, Ахмед Абди ав-Мохамед, или за апсењето на Абу Забуџар познат по прекарот Годан.
Сомалија нема ефективна влада повеќе од две децении, со што состојбата во оваа пресиромашна африканска земја уште повеќе се влоши, особено откако сушите сé почесто напаѓаат. Исламистичките бунтовници, наречени ал-Шебаб, кои се во тесна врска со Ал Каеда, контролираат делови од престолнината Могадишу и огромни пространства од јужна и централна Сомалија./крај/афп/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Ужас во Загреб: пронајдено тело во автомобил во одводен канал
Граѓани попладнево во одводен канал во Загреб пронашле возило со тело на непознато лице, соопшти полицијата.
Повикот во полиција стигнал нешто по 13 часот.
Полицијата набрзо пристигнала на локацијата меѓу Антуновац и Тења и потврдила дека лицето во возилото починало, пишува Вечерњи лист.
Истрагата е во тек.
Свет
(Видео) Нарачала фустани преку интернет, а во пакетот ѝ стигнала епрувета со крв
Ана Елиот од Тенеси неодамна нарачала фустани преку онлајн продавница, а кога пристигнал пакетот била преплашена.
Во кутијата, покрај облеката, пронашла епрувета со човечка крв и конзерва грав!
„Епруветата немаше име, име на лабораторија, ниту датум кога е земена крвта“, објаснува таа во видеото кое е прегледано повеќе од седум милиони пати.
Девојчето го контактирало Центарот за контрола и превенција на болести, кој го третира инцидентот како „биолошка опасност“, пренесува New York Post.
Ана ги предупреди клиентите на онлајн продавницата да бидат внимателни при отворањето на пакетите, а подоцна откри дека била во контакт со нивните претставници.
„Покренавме истрага и утврдивме дека пакетот поминал контрола на квалитетот и го оставил нашиот пакет без дополнителни артикли. Само со артикли кои се нарачани“, велат од компанијата.
Жителката на Тенеси објави серија видеа во кои ги информира своите следбеници за најновите случувања.
Претставник на транспортната компанија изјави:
„Искрено се извинуваме за ова искуство. Ние ги третираме пратките на нашите клиенти со најголема грижа и преземаме соодветни чекори за да го решиме овој проблем“.
Сè уште не се знае чија крв е во шишето, а конзервата со грав е уште поголема мистерија.
@anna_200.1 @SHEIN is denying that they have anything to do with it. And the @CDC.govOfficial ♬ Spooky, quiet, scary atmosphere piano songs – Skittlegirl Sound
Свет
(Мапа) Украина мора да се повлече 15 километри на Запад, Бердичи е опколен
Украина се подготвува да ги повлече војниците од Бердичи, јавуваат српските медиуми.
На вооружените сили на Украина во Бердичи им се заканува опкружување по неодамнешната загуба на Новобахмутовка и Соловјов, а според некои воени блогери се очекува повлекување до 15 километри на запад.
Ним им се заканува загуба и на Нетајлов, Карловка, Умански, Новокалинов, Керамик, Архангелски…
По падот на Авдијивка во февруари, Украина одржа линија на одбрана во близина на Бердичи. За време на безмилосните борби во претходните два и пол месеци на тој дел од линијата на фронтот, беа изгубени и неколку американски тенкови Абрамс, обидувајќи се да го запрат напредувањето на руските трупи.
Воениот блогер Рибар наведува дека руските војници напредуваат и кај Новокалинов.
– Напаѓачките групи ја пробија одбраната на украинските формации во центарот на селото во правец на Керамик. Моментално се консолидираат позициите во центарот на селото. Имајќи го предвид налетот од Очеретин во правец на Архангелск, не може да се исклучи дека во блиска иднина вооружените сили на Русија ќе можат целосно да го окупираат Керамик – вели Рибар.
Според него, Русите успеале да ги истуркаат противниците од Семјеновка.
– Остатоците од пешадијата на вооружените сили на Украина под оган на артилерија и беспилотни летала се повлекоа од северната периферија на селото на запад кон Новопокровски. Под контрола на вооружените сили на Русија делумно беа и шумските појаси кај Семјоновка. Борбите во моментов се водат на најзападната периферија на Бердици. Малку е веројатно дека непријателот ќе може долго да држи позиции поради неговото повлекување од Семјеновка. Следната линија на напад на Вооружените сили на Русија најверојатно ќе бидат шумските појаси на делницата Новопокровско – Новоселовка Перваја каде што сега украинските формации динамично градат одбрана – вели Рибар.
Украинскиот телеграмски канал DeepState потврди дека руските војници ги зазеле Семјоновка и Соловиев и дека се водат борби за Керамик.