Свет
Продолжуваат судирите во Алепо и Дамаск
Во најголемите сириски градови Алепо во престолнината Дамаск во саботата продолжуваат судирите меѓу бунтовниците и армијата, а според претставници на вооружената опозиција тие повторно ја контролираат населбата Салахедин во Алепо којашто пред два дена ја заземаа силите на регуларната армија.
Истовремено жестоки судири избувнале во предградието Тадамун на Дамаск, а експлозии и престрелки се слушале од разни делови на главниот град, јавуваат за западните агенции сириските опозициски активисти.
„Слободната сириска армија успеа да заземе неколку стратешки важни позиции во главното бунтовничко упориште Салхедин“, изјавил за AFP неименуван командант на сириските бунтовници.
„Жестоките судири не престануваат 24 часа. Трае бомбардирањето на некои делови од Алепо“, додал друг воен командант на бунтовниците.
Како што толкуваат бунтовничките команданти, тие во четвртокот извеле тактичко повлекување од квартот Салахедин пред напредувањето на силите на регуларната сириска армија, додека властите во Дамаск соопштија дека ја контролираат целата населба во Алепо, вториот по големина град во Сирија.
Сириската армија, исто така, на почетокот од август соопшти дека го исчистила и Дамаск од групите на Слободната сириска армија.
Од друга страна, сириската државна новинска агенција SANA објави дека борбите се водат исто така и во населбата Сејиф ал-Даилија, и во неколку области на градот Алепо. Милитантите, се вели во извештајот, претрпеле тешки загуби. Така во информацијата на агенцијата се посочува дека „уништени се сите терористи кои претходно го извршиле нападот врз меѓународниот аеродром во Алепо“.
Во друга област на градот, Баб ал-Адид, бил убиен лидерот на најголемата бунтовничка група, составена главно од Либијци. Меѓу убиените од либиската групата во Алепо, биле пронајдени и документи за идентификација на државјани на Судан, Саудиска Арабија и Јемен, јавува телевизијата Al Mayadin.
Истовремено со ожесточувањето на борбите во Алепо, во соседна Турција во официјална посета во саботата престојува американската државна секретарка Хилари Клинтон. Таа ќе разговара со турските лидери за ситуацијата во Сирија и за прашањата за поддршка на опозицијата во оваа земја, особено за ткн „безбедносните зони“ на сириска територија. Според турскиот печат, Анкара е подготвена да воспостави таква зона по должината на границата со Сирија до длабочина од 20 километри.
Во меѓувреме РИА Новости ја пренесе изјавата на рускиот заменик-министер за надворешни работи Генадиј Гатилов, објавена на неговиот профил на микроблогот Твитер, дека Генералниот секретар на Обединетите нации, Бан Ки-Мун, признал дека ескалација на конфликтот во Алепо, е поттикната од акциите на бунтовниците.
„Генералниот секретар на ОН даде објективна оценка за состојбите во Сирија. Призна дека ескалацијата на конфликтот во Алепо се должи на активностите на милитантите“, напишал Гатилов.
Покрај тоа, според Гатилов, исто така е важно дека генералниот секретар на ОН опстојува на ставот за продолжување на присуството на набљудувачите на ОН во Сирија „којашто обезбедува објективно информирање за состојбата во земјата и контакт со страните (во судирот -з.р.)“.
Претходно, генералниот секретар на светската организација, Бан Ки-Мун во писмото испратено во петокот вечер до членките на Советот за безбедност, изјави дека присуството на ОН во Сирија треба да бидат зачувано./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Во Швајцарија ќе се одржат мировни преговори за Украина, Русите не доаѓаат
Швајцарската влада денеска соопшти дека во оваа фаза Русија не е меѓу 160-те делегации поканети на мировните преговори за Украина што ќе се одржат во Швајцарија во средината на јуни.
„Швајцарија е убедена дека Русија мора да биде вклучена во тој процес“, соопшти швајцарската влада. „Мировниот процес не е можен без Русија“.
Швајцарската влада соопшти дека отсекогаш била отворена за поканата на Русија, но Москва постојано нагласувала дека не е заинтересирана за учество на првиот самит.
Руските власти истакнуваат дека Швајцарија усвоила европски санкции против Москва поради инвазијата на Украина и затоа нема кредибилитет како неутрален посредник.
Свет
(Видео) Застрелани шест лица во Тексас, меѓу нив и деца
Најмалку шест лица на возраст од 3 до 19 години, од кои четири помлади од 15 години, се застрелани во станбена област во Форт Ворт, Тексас. Инцидентот се случил синоќа околу 19:30 часот кога полицијата добила дојава за пукање во западниот дел на градот, пишува „Еј-би-си Њуз“.
„Кога полицијата пристигна на местото на настанот во 19 часот и 38 минути, на паркингот пронашла неколку жртви со прострелни рани. Шест од нив се здобиле со полесни до тешки повреди“, соопшти полицијата во Форт Ворт.
Пет жртви биле префрлени во локалните болници, додека една одбила лекување. Засега не се знае каква е состојбата на жртвите кои се пренесени во болница.
„Потврдуваме дека на овој простор е забележано сомнително возило и дека најмалку едно или повеќе лица од автомобил пукале кон жртвите“, соопшти полицијата. Надлежните сметаат дека станува збор за изолиран инцидент и дека нема понатамошна опасност за јавноста. Покрената е истрага, а полицијата трага по напаѓачите.
Свет
Америка тврди: Русите користеле хемиско оружје во Украина, прекршена е меѓународната конвенција
Соединетите Држави официјално ја обвинија Русија дека користи хемиско оружје како метод за војување против Украина и воведоа нови санкции за руски компании и државни органи.
Во соопштението, американскиот Стејт департмент наведе дека утврдено е дека Русија употребила хемиско оружје хлоропикрин против украинските сили, што ја прекршува Конвенцијата за хемиско оружје (CWC).
Се додава дека Русија користела и солзавец.
„Употребата на таквите хемикалии не е изолиран инцидент и веројатно е поттикната од желбата на руските сили да ги избркаат украинските сили од вградените позиции и да добијат тактички предности на бојното поле“, се вели во соопштението.
Заклучокот на САД се совпаѓа со сведочењето на украинските војници кои велат дека се соочиле со зголемени средби со гас и други хемиски надразнувачи во делови од нивната линија на фронтот во последните месеци.
Украинските вооружени сили соопштија дека регистрирале повеќе од илјада инциденти во кои Русија употребила „муниција со солзавец со токсични хемикалии забранети за војување“, со 250 случаи само во февруари.
Русија негираше дека користела хемиско оружје.
Хлоропикринот бил широко користен како хемиски борбен агенс во Првата светска војна, но повеќе не е одобрен за воена употреба, а сега главно се користи во земјоделството. Ги иритира белите дробови, очите и кожата и може да предизвика гадење, повраќање и дијареа која трае со недели.
Се додава дека САД санкционираат три руски владини субјекти поврзани со програмите за хемиско и биолошко оружје на земјата и четири руски компании кои придонеле за тие тела.
Минатиот април, на самитот на Г7, министрите за надворешни работи на земјите-членки во заедничка изјава изјавија дека Русија ќе се соочи со „тешки последици“ за каква било употреба на хемиско, биолошко или нуклеарно оружје.
Оттогаш, американските власти предупредуваат дека Русија сепак го направила тоа. Во ноември, Мелори Стјуарт, помошник државен секретар на САД за контрола на вооружувањето, одвраќање и стабилност, ги наведе извештаите од Украина дека Москва користи „агенси за контрола на немири“ во војувањето.