Регион
Ципрас: Грција сака чесен договор со доверителите
Грчкиот премиер Алексис Ципрас изјави дека неговата земја сака „чесен договор“ со меѓународните доверители, но дена тој не е подготвен на секакви отстапки, и дека и натаму е неопходно да се преговара за грчкиот долг.
„Сакаме чесен договор со нашите партнери. Но не очекувајте дека ќе потпишеме безусловна капитулација. Затоа немилосрдно нé напаѓаат., но затоа општеството ни дава поддршка“, изјави премиерот Алексис Ципрас челникот на грчката радикална левица од парламентарната говорница во понеделникот доцна вечерта.
Неговата владата пред парламентот го поднесе извештајот за првиот договор кој Атина и нејзините доверители го потпишаа на 20-ти февруари. Спроведувањето на договорот кој предвидува продолжување на меѓународните позајмици за уште четири месеци, бара од владата да подготви нов список со реформи.
Атина вети дека ќе претстави конкретен список со реформи, како што бараат нејзините кредитори, односно Европската комисија, Европската централна банка и Меѓународниот монетарен фонд, за да ја одобри преостанатата транша од 7,2 милијарди евра од актуелната програма за странска финансиска помош.
Доколку Грција, чии граѓани се исцрпени од жестоките мерки за штедење, не успее да дојде до потребните финансиски средства, на 20-ти април ќе остане без пари, може да банкротира и да излезе од еврозоната. Атина претходно соопшти дека ќе ги претстави своите реформи до почетокот на седмицата, што сугерираше дека министрите за финансии од еврозоната, кои мора за тоа да разговараат, ќе се сретнат следните денови. Но сега тоа е не се чини веројатно, барем во текот на оваа седмица, изјавил за DPA европски извори кој сакал да остане анонимен.
Ципрас изјави дека на доверителите им предал список со „вистински“ реформи кои Грција ќе ја претворат во „модерна“ земја. Меѓу тие мерки, грчкиот премиер ги спомна борбата против криумчарењето тутун и горива, измамите со данокот на додадена вредност (ДДВ) и проверките на банкарските сметки на грчките државјани во странство.
Покрај тоа повторни дека е неопходно да се преговара за големиот јавен долг на земјата, од 177 отсто од бруто домашниот производ (БДП), без што „враќањето на долгот ќе биде невозможно“. Оваа дебата со доверителите „ќе започне навреме за во јуни да се склучи нов договор за развој на земјата“.
Ципрас ги нападна своите претходници поради тоа што „му ја оставиле земјата на работ на амбисот“. Поранешниот конзервативен премиер Антонис Самарас реагираше критикувајќи ги одлуките на владата на радикалната левица Сириза која ја обвини дека ја води земјата во хаос./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Советот на Европската Унија го усвои планот за раст за Западен Балкан
Советот на Европската Унија денеска даде зелено светло за воспоставување на инструментот за реформи и раст за Западен Балкан.
Ова го претставува финансискиот дел од планот за раст за Западен Балкан, кој на земјите од нашиот регион, вклучително и Србија, им обезбедува шест милијарди евра од буџетот на Европската Унија, две милијарди директна помош и четири заеми.
За да добијат пари, земјите треба да подготват реформски агенди, во кои ќе наведат кои реформи ќе ги спроведат.
Дополнително, предуслови за добивање пари, меѓу другото, се почитување на демократските принципи, слободни и фер избори, медиумски плурализам, независност на судството, владеење на правото.
Дополнителни предуслови имаат и Белград и Приштина, што е видливо поместување во нормализацијата на односите, како и исполнување на обврските што произлегуваат од претходно договорените договори.
Регион
Кинескиот претседател денеска пристигнува во Белград: ќе го чуваат илјадници полицајци
Кинескиот претседател Шји Џјинпинг денеска доаѓа во официјална посета на Белград, а според „Танјуг“, за неговото пристигнување се преземени големи безбедносни мерки, па неговата делегација ќе ја штитат 3.400 полицајци.
Ќе го пречекаат српските ловци „миг-29“, кои ќе го следат неговиот авион од границата, а на аеродромот во Белград во негова чест ќе биде построена стража на војската на Србија.
Покрај автопатот во Белград се поставени кинеското и српското знаме, а пред Палатата „Србија“ ќе биде организиран и свечен пречек на кинеската делегација, броена од 400 луѓе, а планирано е да се потпишат повеќе од 30 договори.
Ќе биде организиран и свечен ручек, кинескиот претседател ќе има можност да дегустира српски јадења и вина, а ќе има и музичка програма на српски и кинески јазик“.
Домаќин на кинескиот претседател ќе биде српскиот претседател Александар Вучиќ.
Шји последен пат беше во Србија во 2016 година, што беше прва посета на претседателот на Кина на Србија по 32 години и по тој повод беше потпишана декларацијата за стратешко партнерство.
Вучиќ се сретна со Шји во октомври минатата година во Пекинг кога беа потпишани 18 договори, меѓу кои и договорот за слободна трговија меѓу Србија и Кина, кој набргу треба да стапи во сила.
Ова е прва посета на претседателот Шји на Европа во последните пет години од избувнувањето на пандемијата на Ковид-19, а за време на оваа европска турнеја тој ќе посети само три европски престолнини – Париз, Белград и Будимпешта.
Петдневната турнеја ја почна со посета на Франција на 5 мај, во Белград доаѓа на 7 мај, а потоа ќе ја посети Будимпешта.
На последната средба меѓу кинескиот и српскиот претседател во октомври минатата година во Пекинг, покрај договорот за слободна трговија, беа потпишани и неколку билатерални документи, како оние за полициска соработка во управувањето со вонредни ситуации, изградбата на патишта, индустриски парк, извоз на јаболка, дигитализација.
Регион
„Албанијан пост“: Франција побара Советот на Европа да ја одложи одлуката за членство на Косово
Франција испрати демарш до земјите-членки на Советот на Европа со барање за одложување на одлуката за прием на Косово во Советот на Европа поради неисполнување на обврската за формирање на Заедницата на српските општини, објави порталот „Албаниан пост“, повикувајќи се на дипломатски извори.
Денеска во Стразбур треба да се одржи последниот состанок на амбасадорите пред состанокот на министрите, кои на 16 и 17 мај треба да ја донесат конечната одлука за прием на Косово во оваа меѓународна организација, пишува медиумот.
Порталот наведува дека според нивните сознанија, амбасадорите на земјите членки на Советот на Европа нема да го стават прашањето за членството на Косово на дневен ред на мајскиот министерски состанок.
Причината е што Косово нема преземено никакви чекори кон формирањето на Заедницата на српските општини.
Агенцијата „Бета“ во понеделникот објави дека објавената агенда на состанокот на Комитетот на министри на Советот на Европа, што ќе се одржи на 16 и 17 мај, укажува дека нема да се донесе одлука за Косово.
„Иако германската позиција до сега не беше јасна, сега се чини јасно дека и Германија зазема став дека владата на Курти мора да преземе конкретни чекори во однос на Асоцијацијата за да добие членство во Советот на Европа. Франција, Германија и Италија веќе се на мислење дека членството на Косово во Советот на Европа може да се одложи до моментот кога Владата на Косово ќе ја докаже својата посветеност на имплементацијата на Асоцијацијата со испраќање нацрт до Уставниот суд“, објави „Албаниан пост“.
Порталот додава дека ваквиот пристап не бил поддржан од Велика Британија, која смета дека прашањето за Заедницата на српските општини не треба да се меша со членството во Советот на Европа.
„И покрај епилогот од состанокот, постои техничка можност Косово да биде на дневен ред неколку дена пред министерскиот состанок. Јасно е, меѓутоа, дека тоа нема да се случи во отсуство на видлив напредок кон имплементација на Асоцијацијата од страна на Курти“, заклучува албанскиот портал.
Францускиот претседател Емануел Макрон и косовскиот премиер Албин Курти телефонски разговараа на 23 април. Како што соопштија од кабинетот на Макрон, францускиот претседател го повикал Курти за целосно спроведување на бриселските и охридските договори.
„Сепак, и во контекст на барањето на Косово за членство во Советот на Европа, тој ја подвлече важноста што Франција ја придава на брзиот и неповратен напредок во спроведувањето на Заедницата на општини со српско мнозинство“, објави француското претседателство во соопштението.