На Волстрит во четвртокот цените на акциите пораснаа, благодарејќи на податоците кои покажуваат заздравување на американскиот пазар на трудот, па така индексот S&P 500 има шанси годината да ја заврши во позитивното подрачје.

На Волстрит во четвртокот цените на акциите пораснаа, благодарејќи на податоците кои покажуваат заздравување на американскиот пазар на трудот, па така индексот S&P 500 има шанси годината да ја заврши во позитивното подрачје.Индексот Dow Jones зајакна за 0,51 отсто на 12.169 поени, S&P 500 за 0,83 отсто на 1.254 поени, додека индексот Nasdaq се зголеми за 0,83 отсто на 2,599 индексни поени. Доброто расположени на инвеститорите дојде благодарејќи на зајакнувањето на американскиот пазар на трудот. Минатата седмица бројот на првите барања за помош за невработените паднал за четири илјади на 364 илјади што е најниско ниво за последните три ипол години. Охрабри, исто така, и податокот дека расположението на потрошувачите во САД во декември го достигнало највисокото ниво во последните шест месеци.„Заздравува пазарот на трудот, а падна и цените на бензините, па на граѓаните им остануваат повеќе пари за потрошувачката, на што укажува и добрата празнична шопинг сезона. Тоа ги поддржува тезите за јакнење на стопанството, па така стапката на неговиот раст во последниот годинешен квартал би можела да биде поголема отколку што се очекуваше пред само еден месец“, вели за Reuters Џим Мекдоналд, стратег во компанијата „Northern Trust Global Investment“.По серијата добри макроекономски податоци последните денови, повеќето економисти проценуваат дека растот на американското стопанство во актуелното тримесечје би можел да достигне и 3 отсто, што би претставувало негов најголем раст од 3,8-процентниот во пролетта 2010 година. Поради тоа инвеститорите не беа во четвртокот разочарани ниту од објавениот конечен податок за растот на домашниот БДП во изминатиот квартал за 1,8 а не како што беше претходната процена за 2.0 отсто.Благодарејќи на надежите за забрзување на растот на БДП-то, во четвртокот најмногу зајакнаа акциите во категориите кои се најчувствителни на стопанските движења. Така S&P индексот на финансискиот сектор скокна за 2,1 отсто, додека енергетскиот сектор зајакна за 1,1 а рударскиот за 0,9 отсто.Поттикнат од тоа индексот S&P 500 порасна трет ден по ред, па е на добар пат годината да ја заврши со добивка. Индексот Nasdaq, пак, уште е во минус во споредба со почетокот на годинава, а Dow Jones е во плус. На Волстрит, Америкен сток Ексџејнџ и Насдак, во четвртокот сопствениците ги разменија само 5,8 милијарди акции , додека минатогодишниот дневен просек изнесуваше 8,4 милијарди акции. Меѓутоа, аналитичарите предупредуваат дека овој раст на цените на акциите пред крајот на годината не значи и зголемување на процената за идната година, бидејќи најголемите проблеми коишто го притискаат пазарот, како што е европската должничка криза и забавувањето ан растот на најголемите светски стопанства, не се решени.„Идната година на пазарите ќе се води војна меѓу добрите макроекономски податоци од САД и изгледите за рас на стопанствата на земјите во развој, од една страна, и европската должничка криза, од друга страна“, вели Мекдоналд.И на европските берзи цените на акциите во четвртокот го завршија во позитива тргувањето. Индексот на берзата во Лондон FTSE 100 зајакна за 1,25 отсто на 5.456 поени, индексот на франфуртската берза DAX за 1,05 отсто на 5.852 поени а индексот на париската берза CAC 40 за 1,36 отсто на 3.071 индексен поен./крај/ро/мф/сн