Македонија
Хуманитарна акција „Донирај за еднаков свет“
Здружението на дефектолози и стручни соработници „Подај рака„ во соработка со здружението на граѓани „Млади за млади“ организира хуманитарна акција за собирање на средства за обнова на делови од посебното основно училиште (П.О.У.) „Др. Златан Сремец“.
Во просториите на П.О.У. „Др. Златан Сремец“ во општина Кисела Вода денес беше промовирана хуманитарната акција организирана од Здружението на дефектолози и стручни соработници „Подај рака“ и Здружението на граѓани „Млади за млади“. Хуманитарната акција е се организира со цел да се соберат средства за реновирање на делови од училиштето за деца со посебни потреби.Потребна е фискултурна сала, пристапна рампа за децата со физички пречки во развојот, лифт, а и за поправка на фасадата на училиштето, плочките, подот на училиштето, ламинат во училниците, нов мебел и доопремување на канцеларијата. Сите заинтересирани фирми, компании и граѓани кои сакаат да помогнат во хуманитарната акција ќе можат да донираат средства на жиро сметката 210-0580636401-90 во Тутунска банка.На 23 декември од училиштето најавија дека ќе организираат хуманитарна забава со цел да се комплетира хуманитарната кампања. „Самата градба на училиштето е многу стара, постои над 70 години од изградбата до денешен ден променети се многу работи во него но не доволно. До сега променета е вкупната инсталација, набавени се технички средства, променети беа прозорците.“ изјави директорката на училиштето Мери Стојкова.Посебното основно училиште „Др. Златен Сремец“ е изградено во далечната 1933 година, а во него учат околу 200 ученици од речиси сите општини во Скопје.Во училиштето се вработени 31 наставник, 18 во одделенска настава, 11 во предметна и 2 наставника во продолжен дневен престој./крај/сл
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Митрески: Заедно и сплотени да ги надминеме сите предизвици
Претседателот на Собранието на Република Северна Македонија, Јован Митрески, во име на пратениците и во лично име, упати честитка по повод големиот христијански празник Велигден до поглаварот на Македонската православна црква – Охридска архиепископија, архиепископ охридски-македонски г.г. Стефан и до сите православни верници, посакувајќи празничните денови да поминат во добро здравје, неизмерна радост и среќа, исполнети со духовен мир и хармонија.
-Христовото страдање за човештвото и неговото воскреснување треба да ни помогне заедно и сплотени да ги надминеме сите предизвици. Да се спротивставиме на сите непогоди, да ги победиме искушенијата, да бидеме солидарни едни кон други и да ги отвориме нашите срца за безусловна љубов, сочувство и заедништво, истакнува спикерот Митрески.
На овој Велигден, се нагласува во честитката, да ги искористиме празничните моменти и да споделиме радост и среќа во семејството, помеѓу нашите најблиски, пријателите, познаниците, но и сите оние на кои им е потребна помош и поддршка.
-Да споделуваме, да пружиме рака, да шириме добра мисла и љубов и да му се радуваме на животот. Велигден, како празник на надежта, нека донесе благосостојба и сплотеност во нашите срца за сите, независно на која вероисповед припаѓаат. Заедно да посакаме подобар свет, повеќе емпатија и разбирање, свет без конфликти, со тенденција сите недоразбирања да се решаваат со дијалог и компромис, стои во честитката од претседателот на Собранието Митрески до поглаварот г.г. Стефан и до православните верници.
Македонија
Мицкоски: Поучени од христијанските начела, да си ја сакаме државата, ближниот и да направиме се утре да биде подобро од денес
Претседателот на ВМРО-ДПМНЕ Христијан Мицкоски од негово лично име и од име на партијата упати честитка до сите верници по повод големиот христијански празник, Христово Воскресение – Велигден.
-Христовото Воскресение му покажа на човекот колку Бог го сака, и дека беше спремен да биде распнат за спасението на човештвото. Љубовта на Бога кон човека е неизмерна, се наведува во честитката.
Воскресението, се наведува понатаму, е потврда дека надежта секогаш ќе победи, човековата волја, љубов и верба можат да придонесат за поубав свет.
-Поучени од христијанските начела, да си ја сакаме државата, да го сакаме ближниот, да направиме се утре да биде подобро од денес. Промените кои доаѓаат да ги запечатиме со силна победа, за догодина да славиме Велигден со многу поголеми насмевки на задоволство како нација. Христос Воскресе! За многу години Велигден!, стои во честитката од претсдеателот на ВМРО-ДПМНЕ Христијан Мицкоски.
Македонија
Ковачевски за Велигден: Добрината и мудроста да бидат нашиот патоказ, храбрите одлуки секогаш носат успех
Претседателот на Социјалдемократскиот сојуз на Македонија, Димитар Ковачевски, по повод големиот христијански празник Воскресение Христово – Велигден, упати честитика до православните верници.
„Честит и вековит нека ни е денешниот најголем христијански празник Воскресение Христово – Велигден. На сите кои го празнуваат денешниот празник им посакувам здравје, радост и благосостојба во домовите. Повикувам на хармонија и на обединетост во нашето општество. На овој најголем празник, да имаме мир и спокој во душите, а добрината и мудроста да бидат нашиот патоказ кон добри дела и иднина.
Денешниот празник ја симболизира победата на животот над смртта, тоа е силна порака дека храбрите одлуки секогаш носат успех, особено кога се работи за заедничкото добро.
Овие големи празници носат голема духовна сила, да ги празнуваме секогаш заедно, во радост и спокој. Христос Воскресе!“, порача во честитиката претседателот на СДСМ, Димитар Ковачевски.