На депонијата Дрисла се уште има чадење, информира директорот на ДЗС, Стојанче Ангелов кој појасни дека депониите тешко се гаснат со вода бидејќи внатре се одвиваат хемиски и биолошки процеси кои предизвикуваат појава на запиливи гасови.

На терен, како што рече Ангелов, дејствува ер-трактор кој со посебна пена ќе се обиде да ја ублажи состојбата. Во однос на чадот, Ангелов уверува дека тој е помал во однос на вчерашниот ден и очекува во вечерните часови истиот да биде сосема намален или дека ќе прекине.

Во врска со депонијата Вардариште, Ангелов информира дека на неа нема ниту горење, ниту чад.

„Депонијата Вардариште ќе биде детално обезбедена и веќе е анганжирана агенција за обезбедување а нејзина екипа веќе е на терен на депонијата“, кажа Ангелов.

Најави и дека ќе биде изработен детален план за да се спречи непосакуван влез во неа, и обиди за повторно потпалување, бидејќи како што потсети Ангелов, постојат сомненија дека и Вардариште и Дрисла се намерно потпалени.

Ангелов потсети дека веќе има кривична пријава и притвор за три лица кои користеле диви отпади, а откупувале материјали од оние што палат кабли за да дојдат до металот во нив.

„Со нивното отстранување ќе се обесхрабрат сите што го правеле тоа, затоа што веќе нема да има кој да откупува“, кажа Ангелов.

Сомнителни, незаконски и астрономски скапи набавки правел МНР за време на Бујар Османи, велат од „Вреди“.

„Документите до кои дојдовме јасно укажуваат на сомнителни, незаконски и астрономски скапи набавки при организацијата на министерскиот совет на ОБСЕ во Скопје, во декември 2023 година.
Министерството за надворешни работи склучило договор вреден 56.640.000 денари за изнајмување возила за дводневна конференција. Во договорот, намерно или свесно, не било предвидено внатрешно контролно тело кое ќе потврди колку возила навистина биле користени, кој тип возила бил ангажиран и колку денови“.

Ова, според „Вреди“ отвора сомнежи за класичен модел на злоупотреба и корупција.

„Според документите, цените за изнајмување на возила биле:
• VIP автомобил: 29.000 денари на ден (без ДДВ)
• Возило од средна класа: 23.000 денари на ден (без ДДВ)
• Миниван 8+1: 19.200 денари на ден (без ДДВ)
Да споредиме: само еден месец претходно, МНР склучило друг договор со истиот оператор за редовни потреби на Министерството. Таму, истиот тип VIP автомобил чинел само 9.500 денари со возач, што е три пати пониска цена од цената што Бујар Османи ја одобрил за конференцијата.
Ова е скандалозна злоупотреба – државата плаќала трипати поскапо за исти возила, од истата компанија, во исто време“.

Како што велат од „Вреди“, не станува збор за политички напад но граѓаните мора да знаат какви се политичарите кои лажно им се претставуваат за безгрешни.

Ккао што нагласуваат од таму, Државниот завод за ревизија веќе има нотирано сериозни неправилности во работењето на МНР под водство на Бујар Османи и предметите се доставени до Јавното обвинителство.

„Ова е јасен доказ дека не станува збор за административни грешки, туку за системска корупција на највисоко ниво.
Имаме неколку прашања до Бујар Османи:
Кој го потврдил бројот на возила и реализацијата на договорот?
Зошто цените биле три пати повисоки за исти услуги и од ист оператор?
Кој профитирал од ваквите криминални набавки?
Бујар Османи мора да даде одговори. Ваквиот начин на работење е класичен пример на политичка корупција, расфралње и трошење на државни пари за приватни интереси“.

Ниту дождот кој денеска паѓа во Скопје не може да го изгаси пожарот на депонијата Дрисла. Тоа најдобро покажува колку е сериозна состојбата и колку е неконтролирано горењето отпад кое со денови го труе воздухот што го дишат жителите на Скопје, вели кандидатката за градоначалничка на Скопје, од редовите на СДСМ, Каја Шукова.

„Во изминативе 4 години власта на ВМРО-ДПНЕ несоодветно го третира отпадот на Дрсила, и тоа е причина зошо се случуваат пожари на депонијата. Таму не прават буквално ништо што подразбира соодветно третирање на отпадот. Што значи соодветен третман? Отпадот се покрива со земја која се компактира односно пресува, со што се намалува волуменот на отпадот и најважно од се се истиснува кислородот, што е клучна причина за самозапалување.

Процесот продолжува со повторно покривање до запачеатување на отапдот што се третира, и се спречува да нема кисород и да нема влага. Тоа може да се прави или со земја или со глина. Во близина на Дрсила има глина, која за жал не се користи.

Паралелно не се третираат ни гасовите кои може да предизвикаат експлозија на депонијата, односно не се применува соодветен третман за контрола на гасови и нивно конторлирано палење за да се елеминираат“.

Како што вели, гасењето со вода дополнително отвара уште еден пробелем загадување на Маркова Река, бидејќи се што истекува од депонијата Дрисла се влева во реката.

„Еве како треба да работат јавните претпријатија во Скопје. Но фактичката состојба покажува колку структурата под раководство на ВМРО-ДПМНЕ е неука и неумее. Наместо заштита на граѓаните и соодветни решенија, најлесно е да се обвини СДСМ. Еднаш видовме неуспешна концесија за Дрисла, сега нудат јавно приватно партнерство, од тоа само ВМРО ДПМНЕ ќе има бизнис и личен профит, а жителите на Скопје и понатаму ќе се трујат. Јас знам и имам план како да се воспостави систем за отпад и да се спречат вакви еколошки катастрофи. Моето решение предвидува соодветен третман но пред се намалување на количините на отпад, преку селектирање и реупотреба. Дождт нема да ни го реши проблемот на Дрсила, без употреба на соодветни техники за управување со отпад“, додава Шукова.