Скопје
Акција за подигнување на нерегистрирани возила во Аеродром
Општина Аеродром од понеделник во соработка со надлежните служби од МВР и пајак службата на ЈП „Градски паркинг“ ќе почне акција за подигнување нерегистрирани хаварисани моторни возила на целата урбана територија.
Се известуваат жителите на Општина Аеродром дека акцијата опфаќа подигнување нерегистрирани хаварисани возила коишто неколку години не се користат и истата се спроведува поради тоа што тие возила претставуваат опасност за жителите, ја нагрдуваат околина и зафаќаат јавна површина (која служи на оние кои ги користат своите возила)., стои во соопштението
Подигнатите возила ќе се носат на паркингот на ЈП „Градски паркинг“, од каде што сопствениците можат да ги подигнат своите возила. Паркингот на Секторот „Пајак служба“, каде се чуваат подигнатите возила, се наоѓа спроти Народна банка на Република Македонија.
Општина Аеродром апелира до жителите на нејзината територија сами да ги тргнат нерегистрираните возила, со цел да не се изложуваат на непотребен трошок за подигнување на своите возила од паркингот на ЈП „Градски паркинг“.
Оваа акција се презема пред сè за да се зголеми еколошката свест кај граѓаните и да се подигне урбаното живеење на повисоко ниво.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Дружење и дегустација на храна: утре во Паркот на Франкофонијата ќе се одржи манифестацијата „Нож и виљушка на Европска чинија“
Во организација на Општина Центар утре, на 31 мај во Паркот на Франкофонијата во периодот од 17 до 19 часот ќе се одржи манифестацијата „Нож и виљушка на Европска чинија“. Општина Центар како домаќин на овој настан на посетителите ќе им понуди квалитетно после работно дружење, преку уникатно музичко и гастрономско доживување, велат од општината.
Паркот на Франкофонијата ќе биде точка каде ќе се спојат домашните македонски производители и угостители кои подготвуваат автентична домашна храна и пијалаци, еко производи, но и традиционални специјалитети од Австрија, Германија, Франција, Турција, Италија и други европски држави.
„Ги повикувам граѓаните да не посетат и да дегустираат од домашните и европски традиционални јадења и пијалаци, но и да купат производи што можеби нема да ги најдат во супермаркетите, а кои дома ќе можат да ги пробаат со своето семејство. Учесниците на настанот на креативно изложбени штандови ќе ги промовираат своите производи и специјалитети, а меѓу учесниците кои ќе се претстават се: Мелем од вкусови, Туф.мк, Моја бавча, Натурал 2020, Смидџин, Сакам пиво, Фајн Крафт ракија ‘ Вк, Нутрико, Натс, како и многу други изложувачи што ќе презентираат македонска и европска храна. На учесниците ќе им се придружи и Активот на жени од здружението на пензионери на Општина Центар, кои освен што ќе ги презентираат специјалитетите од нашето поднебје, тие и на лице место со своите вешти раце на помладите генерации ќе им прикажат како се меси, плете и везе. Верувам дека оваа дружба ќе биде интересна за секој посетител“, порачува Герасимовски.
Музиката има уникатна сила и моќ да допре до душата, да инспирира и да ги зближи луѓето од сите генерации. Центарци и сите љубители на добрата музика и храна ќе уживаат во специјално подготвена музичка програма во изведба на музичко дуо-слободни уметници, како и на хорот „Елегија“ при Здружението на пензионери на Центар со популарни македонски, англиски, француски и италијански безвременски мелодии, што имаат трајни вредности во македонската и светска музичка култура. На овој настан своја изведба ќе имаат и членовите на ансламблот „Орце Николов“ кои ќе се претстават со традиционалните македонски песни и игри.
Општина Центар ги поддржува малите екопроизводители кои ги промовираат своите производи и специјалитети, а целта на настанот е да поттикне дружење и забава во правец на негување на македонската гастрономска традиција, но и афирмирање на европската гастрономска култура.
Скопје
Без вода дел од Центар
Од ЈП Водовод и канализација известуваат дека денеска поради изведување на два водоводни приклучоци ф-80мм на улиците Мирче Оровчанец 15 и 20-ти Октомври 30, со прекинато водоснабдување ќе бидат корисниците од истите улици.
Водоснабдувањето ќе биде прекинато од 09:00 часот до завршување со работните активности.
Скопје
Неколку скопски општини денеска без струја
Поради планирани прекини во електродистрибутивната мрежа денеска без електрична енергија ќе останат делови од неколку скопски општини.
· Од 10:00 до 12:00 часот, дел од корисниците на село Паничари во општина Сарај;
· Од 11:00 до 14:00 часот, корисниците позади трговскиот центар во Сарај, општина Сарај;
· Од 09:00 до 15:00 часот, дел од корисниците на улица 103 во Волково кај Црквата во општина Ѓорче Петров;
· Од 09:00 до 14:30 часот, дел од улица Славка Динкова, од бр.17, до бр.27 во општина Кисела Вода;
· Од 09:00 до 13:00 часот, корисниците на Радишани улица 8 и улица 14 во општина Бутел;
– Од 09:00 до 15:00 часот, корисниците од село Раштак, село Булачани, село Виниче, село Страчинци и дел од потрошувачите во село Црешево.