Спорт
Ирците пред потежок предизвик од Русија и Словачка
Селекторот на Република Ирска, Џовани Трапатони е пред проблеми воочи утрешниот квалификациски меч за ЕУРО 2012, против Македонија во Скопје
Во групата Б по пет одиграни кола во водство се три репрезентации сите со по 10 бодови. Словачка, Русија и Република Ирска три кандидати за две места на ЕУРО.Токму денешниот распоред на мечевите ја прави најтешка задачата на Ирците за одржување чекор со овие две репрезентации.Русија игра дома со Ерменија (17,00 ч.) и се фаворити. Словачка ја пречекува последно пласираната Андора (20:15 ч.). и на овој меч прашањето за победникот не се поставува.Така Република Ирска е пред искушение само со победа вечерва против Македонија (21:30 ч.) да не заостане во бодови. Но единствено Ирците гостуваат, а имаат и проблеми околу составот. Ричард Дан е суспендиран. Поради повреди отпадна квартетот Дерон Џибсон, Демиен Даф, Кевин Дојл и Џејмс Мек Карти. Во составот ќе ги нема ниту Џонатан Волтерс, Ентони Стоукс и Кирен Вествуд. На сите овие проблеми капак е повредата на ахиловата тетива на капитенот Роби Кин, кој на тренинг доби удар од Демиен Делејни, па настапот на Кин е под знак прашање. Селекторот Трапатони нема многу опции. Најверојатно влегувањето на Кин во игра ќе зависи и од движењето на резултатот и нема да биде стартер.Македонската репрезентација против оваа селекција во која недостасуваат повеќе од половината фудбалери може да се надева дека евентуално ќе избори втора квалификациска победа, но тоа би значело оддалечување на Ирците од пласман на ЕУРО 2012 па затоа сите три резултати се во опција на утрешниот скопски меч.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Покетино: ВАР го нарушува имиџот на англискиот фудбал
Менаџерот на Челзи, Маурисио Покетино, изјави дека употребата на ВАР технологијата го нарушува имиџот на англискиот фудбал. Аргентинецот ова го изјави по натпреварот во Бирмингем, каде на Челси против Астон Вила му беше поништен гол за победа во 95.минута.
Челзи, на „Вила Парк“, губеше со 2:0, се врати во мечот со головите на Мадуеке и Галагер, а во петтата минута од судиското надополнување, по употребата на ВАР технологијата, голот на Аксел Дисаси беше поништен поради прекршок на почетокот на акцијата.
„Ова е болно и го нарушува имиџот на англискиот фудбал. Мислам дека ниту играчите на Астон Вила, ниту нивните навивачи не разбираа зошто голот е поништен. Судиите рекоа дека е прекршок, а ако на секој таков дуел гледаме како фаул, тогаш ние не би го завршиле натпреварот со 11 играчи. Можеме да зборуваме за играта или за одлуката, таа му штети за на фудбалот“, рече Покетино.
Спорт
(Видео) Два гола и две асистенции, Меси го реши Њу Ингланд
Фудбалерите на Интер Мајами ја продолжија победничката серија во МЛС лигата, а Меси ја продолжи голгетерската серија.
Избраниците на Херардо Тата Мартино славеа над Њу Ингланд со резултат 4:1 на гостински терен, во рамките на 11. коло и ја задржаа лидерската позиција во Источната конференција.
Ова беше шести триумф за Интер сезонава, за него најзаслужен беше Лионел Меси, двоен стрелец и асистент на стадионот „Жилет“ во Фоксборо, Масачусетс.
Аргентинецот на тој начин се проби на првото место на листата на стрелци со девет гола, а воедно е и прв асистент во лигата со осум асистенции.
Гол за гостите постигна и Луис Суарез, а меѓу стрелците се запиша и Американецот Бенјамин Кремаски.
In case you guys missed…here's highlights of Lionel Messi vs New England Revolution | 2 goals and an assist🐐pic.twitter.com/hu4l8fhgvq
— SK10 𓃵🇵🇸 (@SK10_Football) April 28, 2024
Спорт
Порто го смени претседателот по 42 години
Хорхе Нуно Пинто повеќе не е претседател на Порто, а на негово место е избран поранешниот тренер на овој клуб Андре Вилаш Боаш.
Новиот претседател доби дури 80 отсто од гласовите, со што заврши најдолгата претседателска ера во светот на фудбалот.
-„Порто повторно е слободен“, изјави Вилаш Боаш откако беше избран.
Хорхе Нуно Пинто, беше претседател на трофејниот клуб од 1982 година. Кога го презеде, Порто беше далеку зад ривалите од Лисабон (Бенфика и Спортинг) по бројот на национални титули (седум), а 42 години подоцна имаат 30, дури 11 повеќе од Спортинг, а Бенфика е напред со 38.
Покрај тоа, Порто во неговата ера освои дури пет европски трофеи и два Интерконтинентални купа.
Еден од тие пет трофеи како тренер го освои Вилаш Боаш, Лига Европа во 2011. Таа сезона, единствената во која беше тренер на Порто, ја заокружи со сите три домашни трофеи. Потоа ги водеше Челзи, Тотенхем, Зенит, Шангај СИПГ и Олимпик од Марсеј.