Македонија
Во велешко засадени 50 илјади дрвца
Во седмата акција „Ден на дрвото“ засадени се повеќе од 50 илјади садници во близина на автопатот Велес – Градско
Успешна е седмата акција „Ден на дрвото – засади ја својата иднина“. Засадени се повеќе од 50 илјади дврца, багрем, јавор и јасен. Надлежните во Ш.С. Бабуна се одлучија да се пошумува на парцела од 23 хектари во близина на автопатот Велес – Градско.„Оваа година акцијата е да се пошумуваат локалните и регионалните патишта и затоа ние се одлучивме за оваа локација која сметаме дека е поволна за засадување„ вели Гоце Петрушевски директор на Шумското стопанство Бабуна.И покрај лошото време граѓаните се одзваа на јавниот повик. На пошумувањето со првите автобуси дојдоа повеќе од 500 велешани, најмногу од средните и основните училишта, но и претставници на еколошките друштва, локалната самоуправа и велешките фирми.„Пријатно сум изненаден од фактот што граѓаните се повеќе ја прифаќаат оваа иницијатива и се одзиваат на поканата. Тоа е добар знак кој покажува дека се грижиме за животната среднина“, вели Ненад Коциќ претседател на ЕД „Вила Зора“„Секоја година доаѓам на ваквите акции. Досега насадив околу 40 дрва за што сметам дека е доволно ,но сепак малку ме загрижува односот на дел од советниците оти денеска тука се присутни само седум“, вели претседателот на Советот, Славчо Чадиев.Градоначалникот Горан Петров учествувајки на шестата по ред манифестација „Ден на дрвото –засади ја својата иднина“ ја најави и скорешната акција на засадување на дрвја во градскиот парк.„Со невладината „Ден на дрвото“, сме во преговори да ни дадат висока вегетација ,која ќе да посадиме во паркот како дел од активностите за негова ревирализација„вели градоначалникот Петров.Освен на големата парцела ,претставници на шумското стопанство днеска засадуваа дврца и покрај патиштата како дел од Националната акција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.