Македонија
АРМ на готовс пред самитот на НАТО
Со најавената вежба „Балкански блесок 2010“ на која за првпат ќе има и боево гаѓање, АРМ уште еднаш ќе докаже дека е подготвена за нови мировни мисии
Четири декларирани единици за мисии надвор од Македонија ќе ја добијат конечната оценка за својата борбена подготвеност на претстојната вежба „Балкански блесок 2010“ што ќе се одржи од 25 октомври до 2 ноември годинава, или неполн месец пред самитот на НАТО во Лисабон, беше најавено денес на брифинг во Генералштабот на АРМ.Оваа вежба е посебна не само поради оценката за борбената подготвеност туку и затоа што за првпат ќе се вежба со користење боева муниција. Како што објасни полковникот Митре Стојанов, директор на вежбата, големото финале, на кое присуство најавиле огромен број претставници на НАТО, ќе се случи на 2 ноември во реонот на село Џимидирци, полигон Криволак. Ќе се стрела не само од автомати и пушки, туку и од повеќецевните ракетни фрлачи “Град“, како и од двата борбено-транспортни хеликоптери Ми8 и Ми17, кои ќе добиваат поддршка и од два борбени хеликоптера Ми24.„Ќе биде извршено самооценување на единиците, но по надзор на оценувачите од НАТО. Очекуваме четирите декларирани единици, Средниот пешадиски баталјон, кој е во составот на Првата механизирана пешадиска бригада, потоа Четата на воената полиција, Четата на длабинско набљудување од Полкот за специјални операции и декларираниот хеликоптерски детачмент од ВИНГ (военото возухопловство) да бидат подготвени за мисии надвор од државава. Покрај припадниците на овие единици, на вежбата ќе учествуваат и други војници на АРМ, односно ќе има вкупно 1.200 војници“, објасни полковникот Стојанов.АРМ е мошне горда на овие вежби.„Со овие вежби и самооценувања ние сме најдалеку отидени во однос на останатите земји од регионот, па дури и од некои членки на НАТО“, рече потпокловник Мирче Ѓоргоски, портпарол на Гнералштабот на АРМ.Самооценувањето на единиците ќе го прави група офицери на чело со потпокловник Ѓоко Максимов, а за декларираниот детачмент на ВИНГ, одговорен е мајор Борис Станоевски.На прашање на „Форум“ за техничката состојба на двата борбени хеликоптера Ми24, со оглед на тоа што пред неколку месеци беше кажано од МО дека овие летала ќе треба да се ремонтираат, потполковникот Ѓорѓоски, уверувше дека леталата се спремни:„Што сме ги ставиле на вежба, се подразбира дека се технички исправни“, рече Ѓоргоски.Вежбата се одвива по измислено сценарио во земја наречена Камберија каде доаѓа до етнички судар и ООН решава да испрати мировни единици. Декларираните чети на АРМ ќе треба да бидат брана меѓу завојуваните страни, но и да се справат со напади на околу 200 терористи.Македонија веќе пет години праќа свои војници во мировните мисии во Ирак, Авганистан и Босна. Македонските војници добија многу медали за покажаната храброст и извршување на дадените задачи. И покрај тоа, Македонија се уште не е полноправна членка на НАТО, туку само на Партнерството за мир. На 19 и 20-ти ноември оваа година ќе се одржи нов самит на Алијансата во Лисабон, Португалија. Министерот за одбрана Зоран Коњановски неодамна беше во Њујорк, каде во разговорите со министрите за одбрана на САД, Канада, а потоа и со министерот за одбрана на Португалија побара Македонија да биде примена под привременото име БЈРМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Невреме во Тетово: Поплавени улици, домови, гаражи
Силно невреме го зафати Тетово, поплавени се улици, домови, гаражи.
Невреме со силни врнежи од дожд, град и грмотевици попладнево ја зафати Општина Тетово и околината.
„Врнежите предизвикаа поплавување на дел од улиците, посебно кај касарната на влезот на Тетово и на неколку куќи во Мала Речица-Општина Тетово“, информира вечерва Регионалниот центар за управување со кризи (РЦУК) Тетово.
За невремето известени се и ТППЕ-Тетово, ЈКП-Тетово и одговорни лица во Општина Тетово.
Македонија
Митева: Состојбата во односите со Бугарија е последица на погрешните политики на СДС
„Ситуацијата не е настаната од вчера за денес. Не зборуваме ние за состојба која била совршена до вчера, а од денес не е совршена. Зборуваме за причинско последични состојби и дека состојбата во која сме дојдени е резултат на погрешно преземани политики на СДС”, истакна портпаролката, пратеничка и членка на ИК на ВМРО-ДПМНЕ Марија Митева.
Митева продолжи и додаде:
„Во делот на тоа што се случува помеѓу Бугарија и Македонија е состојба која ја предизвика СДС со погрешните политики”, вели Митева Митева истакна дека состојбите кои ги креира СДС се тотално погрешни.
„Состојбите кои ги креира СДС од позиција на опозиција се тотално погрешни и користи политика за дневно политички поени без никаква суштина”, кажа Митева.
Митева истакна дека за разлика од СДС, ВМРО-ДПМНЕ е многу посветена.
„За разлика од СДС, ВМРО-ДПМНЕ е многу посветено и ќе ја оправда довербата која на 8-ми мај ја доби од граѓаните”, заклучи Митева.
Македонија
Николоски: Македонија не се откажува од идејата за квалитетно железничко поврзување со Бугарија
Влегуваме во силен инвестициски циклус во изградба и модернизација на патната и железничката мрежа во Македонија преку која ќе изградиме квалитетни транспортни мрежи во регионот и ќе допринесеме за побрза интеграција со Европската Унија, е ставот на заменик претседателот на Владата и министер за транспорт Александар Николоски кој денеска го пренесе на средби со министри за транспорт од земји на Европската Унија, средби со колегите министри од земјите на Западен Балкан како и со претставници од различни институции на Унијата во рамки на дводневниот состанок на министри за транспорт на ЕУ што се оддржува во Унгарија.
Министерот Николоски ја потенцира важноста на поддршка на земјите од Европската Унија за спроведување на овие проекти и како што нагласи, нивната реализација ќе значи економски развој и подобра комуникација за сите земји од регионот.
Во одвоени средби со министерот за градежништво и инвестиции на Унгарија Јанош Лазар, со заменик претседателката на Владата и министерка за инфраструктура на Албанија, Белинда Балоку како и претседателот на Заедницата на европски железници Алберто Мацола, информираше дека Македонија ги засилува инвестициите во изградба и модернизација на европските транспортни коридори 8 и 10, поврзувајќи ја оската Исток-Запад, како и брзо поврзување со југ со Атина и на север со земјите од Централна Европа.
Тој ги потенцираше силните заложби на македонската влада за изградба на модерни автопати на западниот дел на коридор 8 кои треба да обезбедат квалитетно регионално поврзување, притоа нагласувајќи дека до крај на оваа година источниот дел од овој коридор ќе биде завршен.
Во однос на железничкото поврзување приоритет е изградба на двоколосечна брза пруга на Коридор 10, проект кој ќе даде дополнителна вредност на целокупната економија во регионот. Во однос на пругата на коридор 8, тој нагласи дека Македонија не се откажува од идејата за квалитетно железничко поврзување со Бугарија.
Изградбата на брза пруга на Коридор 10 како и квалитетно патно и железничко поврзување со Албанија и Бугарија се проекти кои ќе донесат големи придобивки за сите земји од регионот и ќе овозможат сигурен и брз транспорт на производи и патници. Затоа мора заеднички да настапиме со добри развојни програми и планови и да побараме силна поддршка од нашите партнери од Европа, истакна министерот за транспорт Александар Николоски.
Тој исто така информираше дека Македонија започна и со модернизација на неколку гранични премини како дел од проектот за олеснување на трговијата и транспортот меѓу земјите од Западен Блакан.
Состанокот на министри на земјите од Европската унија е одлична можност да ги презентираме нашите планови и активности за развој и модернизација на инфраструктурата во Македонија и да дадеме сериозен придонес за регионалниот развој и интеграцијата на цел регион, посочи министерот Николоски по средбите.
На средбите тој ја истакна цврстата заложба на Владата за остварување на зацртаните цели на земјата кои се однесуваат на пристапниот процес за членство во Европската Унија.