Спорт
АПОЕЛ и Базел „IN“, Јунајтед и Сити „OUT“
АПОЕЛ и Базел, секако се најпријатните изненадувања во Лигата на шампиони, за разлика од кипарскиот и швајцарскиот тим, гигантите од Манчестер, Јунајтед и Сити се разочарувањата во елитното фудбалско натпреварување, во сезоната 2011/2012.
АПОЕЛ и Базел, секако се најпријатните изненадувања во Лигата на шампиони, за разлика од кипарскиот и швајцарскиот тим, гигантите од Манчестер, Јунајтед и Сити се разочарувањата во елитното фудбалско натпреварување, во сезоната 2011/2012. Кипраните, кои поради Иван Тричковски (најдобар странски фудбалер на Кипар), со внимание беа следени и во Македонија, покажаа дека тактички и физички добро подготвена екипа може да му се спротивстави на секого. АПОЕЛ успеа да мине и да заврши како прв во една тешка група, со трофејни екипи во неа: Порто поранешен европски првак, освојувач на Купот на УЕФА и Лига Европа, пехарот во Купот на УЕФА во своите витрини го имаат и екипите од истокот на Европа, Зенит, односно Шахтјор. Тричковски даде значаен придонес во успешниот европски од на АПОЕЛ, напаѓачот е човек од доверба на тренерот Иван Јовановиќ, од максималните 540 минути, Тричко одигра 534. Репрезентативецот на Македонија во шестте одиграни натпревари постигна еден гол. Приказна која долго ќе се раскажува во фудбалска Европа е и Базел. Швајцарците во голем стил, преку големиот Манчестер Јунајтед се изборија за влез во нокаут фазата. Екипата во која главни звезди се ветераните Марко Штрелер и Александер Фрај до максимум ги искористи понудените шанси за да стигне до историскиот успех.Од друга страна Манчестер Јунајтед ќе го памети овој неуспех, „црвените ѓаволи“ по само трет пат во своето 17-то учество во Лигата на шампиони не успеаја да ја минат првата фаза. Јунајтед влегува во негативната статистика и како прва екипа која била финалист, а во следната сезона не успеала да ја мине фазата по групи. И додека сер Фергусон се теши дека тимот по разочарувањата стално излегувал посилен, неговите критичари во следните денови сигурно нема да мируваат. Утеха на Фергусон може да му биде учеството во Лига Европа, затоа што во својата богата ризница на титули му недостасува овој пехар. Прашање е дали сер Алекс може да се задоволи со ова и прашање е дали Шкотланѓанецот уште во јануарскиот преоден рок ќе започне со реновирање на тимот. Јасно е дека Рио Фердинанд ќе биде продаден, исто како што не е јасно зошто Фергусон го заборави својот најдобар стрелец во минатата сезона, Димитар Бербатов, особено кога се покажува дека „црвените ѓаволи“ се премногу стерилни во нападот. Проблемите за Фергусон да бидат поголеми се „погрижи“ Немања Видиќ, капитенот, за кого исто така се шпекулира дека ќе биде продаден, против Базел го повреди коленото, прегледите покажаа дека му следува четири месечна пауза. Разочарување, и тоа големо, има и на спротивниот крај од Манчестер, во онаа половина чии навивачи ја сакаат сината боја. Пребогатиот Сити, екипа која толку моќно делува во Премиер лигата, екипа која на градскиот ривал во дербито со леснотија му испорача шест гола, не успеа да ја мине конкуренцијата во А групата, поточно Баерн Минхен и Наполи. Сити својата шанса ја испушти против Наполи, во двомечот со италијанскиот тим „граѓаните“ освоија само еден бод. Дел од составот на Наполи беше и Горан Пандев, но капитенот на македонската фудбалска репрезентација доби скромна минутажа од тренерот Валтер Мацари. Пандев одигра пет натпревари, не постигна гол, а на теренот мина само 54 минути. Менаџерот на Сити, Роберто Манчини им се извини на навивачите за елиминацијата, но на армијата фанови сигурно дека извинувањето и нема да им биде некаква утеха. Сити ќе се насочи кон Премиер лигата, двата домашни купа и секако Лига Европа, прашање е што катарските сопственици ќе побараат од Манчини. И додека екипите од Манчестер се разочарувања, хрватскиот шампион Динамо е вистинската катастрофа во Лигата на шампиони. Шест натпревари, ниту еден освоен бод и гол разлика од 3:22, ги направија „мофрите“ најлоша екипа во историјата на елитното натпреварување. Хрватските медиуми тешко се мират со она што им го сервираа фудбалерите на Динамо, дури се споменува дека мечот со Лион бил „чуден“, дека со регуларноста на овој натпревар може да се позанимава УЕФА, истото го побара и тренерот на Ајакс Франк де Бур.И да не заборавиме, само три тима без пораз ги завршија натпреварите по групи: Реал, Барселона и Бенфика. Реал единствен имаше максимален учинок, шест од шест, Барса одигра еднаш нерешено, додека Бенфика три пати победи и три пати одигра нерешено. Како сега стојат работите нема да биде изненадување доколку шпанските великани Барселона и Реал се сретнат во финалето на 19 мај. /крај/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Трансферот на Дуран најскап во преодниот рок , Сити потроши најмногу, Порто најмногу заработи
Заврши зимскиот преоден рок во најсилните европски и други светски лиги. Најскапиот трансфер го направи Ал Наср од Саудиска Арабија, ајмногу потроши Манчестер сити, а најмногу заработи Порто.
Специјализираната веб-страница „Трансфермаркт“ ја објави листата на Топ 30 најскапи трансфери оваа зима.
Најголемиот трансфер го направи Ал Наср, клуб од Саудиска Арабија, кој долго време е дом на светските ѕвезди Кристијано Роналдо и Садио Мане. Младиот Колумбиец Џон Дуран пристигна во клубот од Астон Вила за 77 милиони евра.
Меѓу осумте најскапи трансфери оваа зима, четири направи Манчестер сити, а во своите редови ги донесе Египќанецот Омар Мармуш (75 милиони евра), Шпанецот Нико Гонзалес (60), Узбекистанецот Абдукодир Хусанов (40) и Бразилецот Витор Реис (37).
Најмногу заработи Порто, вкупно 110 милиони евра. Го продаде споменатиот Нико Гонзалес на Сити за 60, како и Бразилецот Галено на Ал Ахли за 50 милиони евра.
Во Топ 5 е и Чави Симонс. Тој е во Лајпциг од 2023 година, но досега играше како позајмен играч од Пари Сен Жермен. Овој јануари Германците дефинитивно го откупија неговиот договор за околу 50 милиони евра.
ПСЖ го продадоа со причина, бидејќи на тие 50 милиони додадоа уште 20 милиони и го доведоа одличниот грузиски репрезентативец Хвича Квараскелија од Наполи. Неговиот трансфер беше трет најскап оваа зима.
Интересна е и трансакцијата со германскиот второлигаш Нирнберг. Летово го доведе младиот Грк Стефанос Цимас на позајмица од Солун, за прво зимава да го откупи договорот од ПАОК за 18 милиони евра. Откако го откупија неговиот договор по неколку дена го продадоа на Брајтон за 25 милиони, со постигнат договор до крајот на сезоната да игра за Нирнберг во Цвајта.
Топ 30 трансфери во зимскиот преоден рок:
1. Џон Дуран (Астон Вила – Ал Наср) 77 милиони евра
2. Омар Мармуш (Ајнтрахт Франкфурт – Манчестер Сити) 75 милиони евра
3. Хвича Кварацхелија (Наполи – ПСЖ) 70 милиони евра
4. Нико Гонзалес (Порто – Манчестер Сити) 60 милиони евра
5. Чави Симонс (ПСЖ – Лајпциг) 50 милиони евра
6. Галено (Порто – Ал Ахли) 50 милиони евра
7. Абдукодир Хусанов (Ленс – Манчестер Сити) 40 милиони евра
8. Витор Реис (Палмеирас – Манчестер Сити) 37 милиони евра
9. Луис Хенрике (Ботафого – Зенит) 33 милиони евра
10. Сантијаго Хименез (Феенорд – Милан) 32 милиони евра
11. Патрик Доргу (Лече – Манчестер Јунајтед) 30 милиони евра
12. Ели Ваи (Олимпик Марсеј – Ајнтрахт Франкфурт) 26 милиони евра
13. Дониел Мален (Борусија Дортмунд – Астон Вила) 25 милиони евра
14. Стефанос Цимас (Нирнберг – Брајтон) 25 милиони евра
15. Џејден Филоген (Астон Вила – Ипсвич Таун) 23 милиони евра
16. Секо Фофана (Ал Наср – Рен) 20 милиони евра
17. Емануел Агбаду (Ремс – Вулверхемптон) 20 милиони евра
18. Клаудињо (Зенит – Ал Сад) 20 милиони евра
19. Амин Гуире (Рен – Олимпик Марсеј) 19 милиони евра
20. Стефанос Цимас (ПАОК – Нирнберг) 18 милиони евра
21. Паулињо (Атлетико Минеиро – Палмеирас) 18 милиони евра
22. Маршал Муњеци (Ремс – Вулверхемптон) 18 милиони евра
23. Антонин Кински (Славија П. – Тотенхем) 16,5 милиони евра
24. Кевин Денке (Серкл Бриж – Синсинати) 15,3 милиони евра
25. Максенс Какуер (Олимпик Лион – Комо) 15 милиони евра
26. Кристијан Медина (Бока Ј. – Естудијантес) 14,6 милиони евра
27. Роман Есе (Милвол – Кристал Палас) 14,2 милиони евра
28. Андреас Сков Олсен (Клуб Бриж – Волфсбург) 14 милиони евра
29. Брис Самба (Ленс – Рен) 14 милиони евра
30. Алберто Коста (Виторија – Јувентус) 13,8 милиони евра
Спорт
Ембид се врати со трипл-дабл и кош за победа, Леброн блескаше во триумфот над Клиперси
Џоел Ембид со трипл-дабл ја предводеше Филалделфија до победата над Далас 118:116. Во исто време, Лејкерси во градската пресметка ги декласираа Клиперси со 122:97.
Ембид се врати во тимот на Филаделфија, откако пропушти 15 натпревари. Го предводеше тимот со 29 поени, 11 скокови и 10 асистенции.
Најефикасен кај Фила беше Тајрис Макси со 33 поени, 4 скока и 13 асистенции, додека 19 поени, 8 скока и 4 асистенции имаше Гершон Јабуселе.
Кај Далас се истакна Кајри Ирвинг со 34 поени, 9 скока и 4 асистенции.
Во Лос Анџелес, Лука Дончиќ гледаше како неговите нови соиграчи ги растураат Клиперси. Леброн Џејмс беше главниот лик на натпреварот со 26 поени, девет асистенции и осум скока.
Леброн го следеа Остин Ривс и Руи Хачимура со 20 поени.
На другата страна Норман Пауел се истакна со 20 поени, но ѕвездите не блескаа. Џејмс Харден погоди два од 12 шута за седум поени, додека Кави Ленард имаше само 11 поени.
Резултати:
Филаделфија – Далас 118:116
Бруклин – Хјустон 99:97
Кливленд – Бостон 105:112
Торонто – Њујорк 115:121
Чикаго – Мајами 133:124
ЛА Клиперс – ЛА Лејкерс 97:122
Портланд – Индијана 112:89
Спорт
(Видео) Танго Аргентино на „Метрополитано“ – Атлетикого декласира Хетафе
Атлетико Мадрид е првиот полуфиналист на шпанскиот Кралски куп по убедливата победа над Хетафе. Натпреварот на стадионот „Метрополитано“ во шпанската престолнина заврши со резултат 5:0 (3:0).
Прашањето околу конечниот победник „јорганџиите“ го решија во првото полувреме кога дојдоа до недостижни три гола предност.
Блескаше синот на тренерот Диего Симеоне, 22-годишниот Џулијано.
Најмладиот син Чоло ги постигна првите два гола во воведните 17 минути и најави убедлив триумф. Прво во осмата минута по комбинација со Хави Галан, а потоа во 17. по најубавата акција на натпреварот во која учествуваа тројца Аргентинци: Хулијан Алварез, Родриго Де Пол и стрелецот Џулијано Симеоне.
Третиот гол го постигна Бразилецот Самуел Лино во 42. минута.
Џулијано Симеоне можеше да постигне хет-трик, но неговиот гол беше поништен поради офсајд на почетокот на вториот дел.
Во останатиот дел од натпреварот, фудбалерите на Атлетико рутински си ја завршија работата, фокусирани на следниот натпревар, бидејќи викендов на „Бернабеу“ му гостуваат на градскиот ривал Реал.
Четвртиот гол го постигна уште еден Аргентинец, Анхел Кореа, од 20 метри со силен и прецизен удар во 78. минута, а конечниот резултат осум минути подоцна го постави Норвежанецот Александар Серлот на асистенција на Кореа.
Тоа беше првиот четвртфинален натпревар од Купот на кралот. Леганес и Реал Мадрид играат во среда, а за четврток се закажани два натпревари: Реал Сосиедад – Осасуна и Валенсија – Барселона.
В сабота протест во Неготино за правда на Фросина: „Стоп за сообраќајното насилство“
Протестен марш под мотото „Стоп за сообраќајното насилство“ ќе се одржи в сабота во Неготино, објавија организаторите на настанот на...
„Тој се’ уште не е правосилно осуден, и да добил затвор ништо немало да се промени“, вели професорот Калајџиев
Професорот по кривично право, Гордан Калајџиев на социјалните мрежи ја коментираше тезата дека сообраќајната несреќа во која смртно беше прегазена...
Австралискиот премиер: Остануваме посветени на решение со две држави
Австралискиот премиер Ентони Албанез ја повтори „долгогодишната“ поддршка на неговата земја за решение за две држави на Блискиот Исток, по...
Пристигна првата реакција на Хамас откако Трамп кажа дека САД сакаат да го преземат Појасот Газа
Официјалниот претставник на Хамас, Сами Абу Зухри, изјавите на Доналд Трамп за преземање на Појасот Газа ги опиша како „смешни“...
Американската војска почна да транспортира мигранти во Гвантанамо, објавени фотографии
Првиот американски воен авион со приведени мигранти полета синоќа за заливот Гвантанамо, соопштија американски официјални лица, додека администрацијата на претседателот...
Трамп: САД сакаат да го преземат Појасот Газа
Американскиот претседател Доналд Трамп изјави дека САД ќе го преземат разурнатиот од војна Појасот Газа и ќе го развијат економски...
(Видео) Зеленски го изнесе главниот услов за преговори за крајот на војната
Украинскиот претседател Володимир Зеленски изјави дека Украина ќе биде подготвена да се вклучи во преговори за ставање крај на нејзината...
(Видео) Мицкоски: Нови 15 милијарди денари капитални инвестиции за општините, историски најголема инвестиција
Денеска, на редовна седница на Владата практично почнавме со постапката за објавување на вториот повик преку Министерството за локална самоуправа,...
Ја затворил поранешната девојка: ја удирал со тупаници и клоци, ја влечел за коса: распишана потерница по 40-годишник
Основното јавно обвинителство Битола поднесе обвинение против 40-годишник кој се товари за – Противправно лишување од слобода од член 140...
Јакимовски: Трн во око им се маркетите, Владата воопшто не зборува за нивните миленичиња
Владата воопшто не зборува за нивните миленичиња, реагира на социјалните мрежи лидерот на ГРОМ и актуелен градоначалник на општина Карпош,...
Момчето на Фросина: Биди ми спокојна горе помеѓу ангелите, не ни дозволија заедно да остариме
Момчето на Фросина Кулакова, која смртно беше прегазена на пешачки премин на „Партизанска“, со потресна објава се огласи на социјалните...
Загина 57-годишен маж од Кочанско: со возилото излетал од патот
Вчера во ОВР Кочани било пријавено дека во периодот од 23.00 часот на 02.02.2025 до 16.30 часот на 03.02.2025 на...
Втор земјотрес во Македонија денеска
Телеметриската сеизмолошка мрежа на Република Северна Македонија на сеизмолошките станици инсталирани во нашата територија, одржувани од Сеизмолошката опсерваторија при Природно-математичкиот...
Грција не престанува да се тресе: најсилниот земјотрес утрово со јачина од 4,9 степени, десетици семејства чекаат на пристаништето во Санторини
Утрово четири земјотреси се регистрирани во морското подрачје југозападно од Санторини, од кои најсилниот бил со јачина од 4,9 степени...
Почувствуван земјотрес во Македонија
Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот...
Фон дер Лајен: Ќе ги релаксираме правилата за задолжување доколку земјите членки трошат за одбрана
Европската комисија е подготвена да примени флексибилност во примената на Пактот за стабилност и раст, кој пропишува фискална дисциплина, доколку...
(Видео) Ел Салвадор ќе ги прифати депортираните опасни криминалци од САД
Ел Салвадор вчера им понуди на Соединетите Држави да ги прифатат депортираните „опасни криминалци“ во нивните затвори, изјави американскиот државен...
Америка има нов министер за енергетика: претходно не се занимавал со политика, туку со нафта
Американскиот сенат синоќа го потврди Крис Рајт, директор на нафтена компанија без политичко искуство, за нов секретар за енергетика во...
Обвинителството тврди дека Палевски го возeл „реното“ на денот на грабнувањето на Вања, одбраната негира
На денешното рочиште за грабнувањето и убиството на 14-годишната, Вања Ѓорчевска и убиството на велешанецот Панче Жежовски, Обвинителството прикажа снимка...
Нема договор за минималната плата, ќе се дефинира официјална потрошувачка кошница, велат од Организацијата на работодавачите
Нема договор за минималната плата, но ќе има официјална потрошувачка кошница што ќе ја креираат синдикатите, Државниот завод за статистика,...
