Македонија
ДСЗИ: Пациентки болни од рак не биле оперирани заради штрајкот
Пет пациентки болни од рак, кои биле закажани за операција во Клиниката за гинекологија и акушерство, биле испишани и вратени дома заради штрајкот, соопштуваат од Државниот санитарен и здравствен инспекторат.
Од инспекторатот соопштуваат дека, при увидот во медицинската документација за петте пациентки немало образложение зошто биле испишани и покрај тоа што им биле направени сите предоперативни испитувања.
Инспекторатот кој во понеделникот и вторникот изврши контрола во Клиничкиот центар како и во други болници низ Македонија, констатирал дека на поголем дел од хируршките клиники, траума, ортопедија, не работеле амбулантите и не биле примани итни случаи, а пациентите биле упатувани на клиниката за трауматологија, ортопедски болести, анестезија, реанимација и интензивно лекување во Ургентен центар Скопје.
По контролата, како што изјави директорот на Државниот санитарен и здравствен инспекторат, Џевџез Шаќири, инспекторатот донел две решенија, итните случаи да се решаваат во здравствената установа и да не се препраќаат во други здравствени установи и оперирање на пациентите кои претходно биле испишани од клиниката.
Инспекторатот ги задолжил директорите во клиниките во рок од три дена да се оперираат лицата болни од најтешки болести и за тоа веднаш да биде информиран инспекторатот. Исто така инспекторатот ги задолжи овие клиники да обезбедат минимум функција на секое одделение на начин што амбулантите ќе бидат отворени од 8 до 11 часот секој ден од понеделник до петок“ изјави Шаќири.
Контролирани биле клиниките за гинекологија и акушерство, за дигестивна хирургија, за тораковаскуларна хирургија, клиниката за трауматологија, ортопедски болести, анестезија, реанимација и интензивно лекување и ургентен центар-Скопје, клиниката за неврохирургија, за пулмологија, Градската општа болница „8-ми септември“, како и клиничките болници во Битола, Тетово и Штип.
Синдикатот на клинички центар пак најави дека ќе го тужи Државниот здравствен инспекторат, бидејќи акцијата на инспекторите се спроведувала како лекарите да работат нормално, а не во услови на штрајк. Тие не ја отфрлаат можноста и за монтирани извештаи. /крај/со/фф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Во живо) Прес-конференција на портпаролката на СДСМ, Богданка Кузеска
Портпаролката на СДСМ, Богданка Кузеска одржува прес-конференција во седиштето на партијата.
Македонија
Меџити гласаше и упати порака до граѓаните: Не заборавајте дека секој глас е важен
Претседателот на Демократското движење и носител на листата на пратениците од коалицијата ВЛЕН во ИЕ 1, Изет Меџити го оствари правото на глас.
„Почитувани граѓани, денес е важен ден за нашата демократија. Ве молам учествувајте на изборите и изразете го својот глас за иднината на нашата земја. Ова е должност кон себе и кон другите. На овој прекрасен и демократски ден, не заборавајте дека секој глас е важен“, рече Меџити.
Македонија
Силјановска-Давкова: Како одговорна граѓанка со својот глас ги удостоив и парламентарните и претседателските избори
Како одговорна граѓанка, со својот глас ги удостоив парламентарните и претседателските избори, информира Гордана Силјановска-Давкова, кандидатка за претседател на државата, по гласањето за парламентарни и претседателски избори.
Во Македонија утрово започна вториот круг од претседателските и парламентарните избори.
Избирачките места беа отворени во седум часот, а беа затворени во 19 часот.
Во вториот круг од претседателските избори граѓаните одлучуваа меѓу Гордана Силјановска-Давкова и актуелниот претседател Стeвo Пандеровски.
На парламентарните избори, граѓаните избираат помеѓу 17-те изборни листи.