Македонија
Маневски: Ќе соработуваме со ЕУЛЕКС во потрага по исчезнатите

Министерот за правда Михајло Маневски денес се сретна со шефот на мисијата на ЕУЛЕКС Ксавијер Бот де Марњак и договорија соработка околу потрагата на исчезнатите лица во Македонија и потпишување на неколку договори.
„Договоривме да се воспостават контакт точки меѓу Еулекс и правда во врска со постапката околу исчезнатите лица и таа соработка ќе биде исклучително корисна во утврдување на факти и околности околу ова прашање кое подолго време е присутно во Република Македонија”, изјави министерот Маневски по средбата. Тој нагласи дека разговарале и за потребата за соработка во попречувањето на организираните облици на кривични дела како што се трговија со луѓе, трговија со дрога криумчарење мигранти, трговија со оружје. Веќе се утврдени три нацрт договори за соработка и тоа за соработка во меѓународната правна помош, договор за трансферот на осудените лица и договорот за екстрадиција. Овие договори се подготвени и се очекува со формирањето на владата на Република Косово да бидат потпишани од министрите за правда. Исто така на средбата се разговарало и за склучување на уште еден договор за соработка во граѓанската материја од типот на разрешување на имотните прва и имотните односи , семејните односи, односи меѓу родителите и децата.
По средбата шефот на мисијата на ЕУЛЕКС Ксавијер Бот де Марњак рече дека двете држави и Еулекс имаат заеднички интерес на владеење на правото. /крај/км/мк
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
ДИК: Навреме отворени сите избирачки места, гласањето се одвива без проблем

Државната изборна комисија извести дека денес навремено се отворени сите избирачки места и процесот на гласање се спроведува без проблем.
На Локалните избори 2025 во Северна Македонија право на глас имаат 1.832.415 граѓани.
Се гласа за вкупно 309 кандидати за градоначалници и 576 листи за членови на општинските совети со вкупно 10 490 кандидати.
Гласањето на локалните избори започна во 7:00 часот и ќе трае непрекинато до 19:00 часот. Ако гласањето биде прекинато подолго од еден час, тоа ќе продолжи за онолку време колку што траел прекинот, но не подолго од три часа.
Македонија
Претпладне променливо облачно со сончеви периоди, попладне намалување на облачноста

Претпладне променливо облачно со сончеви периоди. Во западните планински региони ќе има услови за слаб дожд. Попладне облачноста ќе се намали. Ќе дува слаб, долж Повардарието умерен ветер од северен правец. Максималната температура ќе биде во интервал од 13 до 19 степени.
Во Скопје, претпладне променливо облачно со сончеви периоди. Попладне облачноста ќе се намали. Ќе дува слаб до умерен ветер од северен правец. Максималната температура ќе достигне до 18 степени
Македонија
Сообраќајот низ државата се одвива непречено, по влажни коловози

Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.