Спорт
Падна снег за Олимпијадата, Вон повредена

Во Ванкувер заврна снег, па организаторите на Зимската олимпијада можат да здивнат, но американската скијачка Линдзи Вон е повредена, што може да ја спречи фаворитката во спуст да се натпреварува
Два дена пред почетокот на Олимпијадата во Канада, снегулкита почнаа да паѓаат на планината Сајпрес, каде ќе се одржуват натпреварите во скијање слободен стил и санка, пренесува Ројтерс.Снегот дојде и на високите падини на планината Вистлер, за алпските дисциплини, но се појави и магла што го отежнува првиот ден од тренингот за мажи во спуст.Временските прилики не се проблем кај женските натпреварувачки, туку можното отсуство на најдобрата скијачка сезонава, Линдзи Вон, која се очекува да го освои златото во спуст. Вон се повредила минатата недела на тренинзите во Австрија.„Таква болка при повреда до сега не сум почувствувала“, изјави 25-годишната фаворитка.Сепак, незиниот лекарски тим вели дека таа најверојатно ќе може денеска да тренира и дека најверојатно ќе настапува на трката во недела. Американката е носител на осум од 11 медали во Супер Г на Светските купови во спуст. Нејзиното отсуство од Олимписките игри би било забележително, коментираат светските медиуми.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Најскапото засилување во историјата на Аталанта се пресели во Бешикташ

Напаѓачот од Мали, Ел Билал Туре (23) ја напушти Аталанта и ќе го помине остатокот од сезоната на позајмица во редовите на Бешикташ. Турскиот клуб ќе може да го откупи неговиот догоговор по завршувањето на сезоната.
Пред две години, Туре стана најскапото засилување во историјата на Аталанта кога дојде од Алмеира за нешто повеќе од 30 милиони евра.
Сепак, тој не се снајде во Бергамо. Речиси веднаш по пристигнувањето во Италија, тој заработи сериозна повреда на тетивата, што го спречи да игра до февруари.
Минатата сезона ја помина на позајмица во Штутгарт, а сега се сели во Бешикташ.
Претходниот тренер на Аталанта, Џан Пјеро Гасперини, не беше задоволен од неговата форма, а новиот тренер на „Ла Деа“, Иван Јуриќ, очигледно не смета ниту на него.
Тој одигра вкупно 17 натпревари за Аталанта, постигнува три гола, додека минатата сезона одигра и 17 натпревари за Штутгарт, постигнува три гола.
Туре е роден во Брегот на Слоновата Коска, но игра за репрезентацијата на Мали, вза која одигра 25 натпревари и постигна девет гола.
Спорт
Тотална промена во ждрепката за Лига Европа и Конференциската лига

Ждрепката за групните фази на Лигата на Европа и Лигата на Конференции ќе се одржи на една церемонија, а тоа носи голема промена во самиот процес. Наместо традиционалното извлекување со топчиња, распоредот ќе биде одреден со софтвер.
На сцената ќе се употреби само едно копче. Ќе се притиска на самиот почеток на обете извлекувања, што ќе активира програма која случајно ги одредува противниците и редоследот на домашните и гостинските натпревари.
Откако софтверот ќе ги обработи сите податоци, распоредот ќе биде објавен постепено.
Церемониите за извлекување започнуваат во петок, 29 август, во 13 часот по средноевропско време. Ќе биде извлечена и Шкендија, доколку го помине Лудогорец ќе биде во ждрепката за Лигата на Европа, во спротивно македонскиот првак оди во Конференциската лига.
Спорт
Реал Мадрид издвојува најмногу за плати од сите клубови во Европа

Реал Мадрид и во новата сезона 2025/2026 го потврдува статусот на клуб со највисоки плати во европскиот фудбал. Според податоците на специјализираните страници „Betideas“ и „Capology“, просечната годишна плата на играчите на „кралскиот клуб“ е 11,2 милиони евра.
Оваа бројка е дури за 60 проценти повисока од сумата што ја издвојуваат повеќето други европски гиганти. Интересно е што ова е сепак мало намалување во споредба со минатата сезона, кога просекот беше малку повеќе од 12 милиони евра.
Далеку зад Реал Мадрид е нивниот најголем ривал, Барселона, чии играчи заработуваат просечно 7,91 милиони евра годишно. Каталонците исто така забележаа пад, со оглед на тоа што минатата сезона просекот беше 8,5 милиони евра.
Третото место на рангирањето го зазема Манчестер сити со просечна плата од 7,43 милиони евра. Сепак, за разлика од шпанските гиганти, англискиот клуб ја зголеми својата сметка за плати за повеќе од еден милион евра во споредба со претходната сезона.
По водечкото трио следува Баерн Минхен со 7,38 милиони евра, потоа Пари Сен Жермен и Арсенал, кои издвојуваат околу 7 милиони евра за просечна плата.
Клубови со највисоки просечни бруто плати во светот
1. Реал Мадрид – 11,2 милиони евра
2. Барселона – 7,9 милиони евра
3. Манчестер Сити – 7,43 милиони евра
4. Баерн Минхен – 7,38 милиони евра
5. ПСЖ и Арсенал – 7 милиони евра
6. Ливерпул и Манчестер Јунајтед – 6 милиони евра
7. Челзи и Тотенхем – 4,5 милиони евра
Foto/ EPA/J.L. Cereijido