Свет
Советодавната комисија на Кремљ ја критикуваше пресудата за Pussy Riot
Советодавната комисија за човекови права на Кремљ ја критикуваше во петокот пресудата за трите членки на руската панк група Pussy Riot на двегодишни затворски казни бидејќи во централниот московски храм отпеале „панк молитва“ против претседателот Владимир Путин.
„Зошто обвинетите се осудени на идентични казни, а две од нив имаат малолетни деца? Зошто не им се одредени условни казни?“, запраша комисијата во соопштението објавено на својата официјална интернет страница.
Обвинителство, инаку, бараше три години затвор. Во двегодишната затворска казна инаку ќе им биде пресметан и притворот од речиси шест месеци.
На 21-и февруари пет фанови и членките на Pussy Riot носејќи маски се втурнале во проповедалницата каде што е забранет влезот за несвештени лица и дошле до олтарот. Тие вклучиле засилувач и почнале да извикуваат навреди за свештенството и верниците, повикувајќи ја Мајката Божја да го земе кај себеси Владимир Путин. Тие тогаш не беа уапсени, но против нив беше подоцна подигнато обвинение за хулиганство.
Дваесет идвегодишната Надежда Толоконикова, 24-годишната Марија Алохина и 30-годишната Екатерина Самуцевич се прогласени винови и осудени на двегодишни затворски казни поради „хулигантство поттикнато од верска омраза“.
Толоконикова има четирогодишна ќерка, а Алхина е самохрана мајка на петгодишен син.
Процесот Pussy Riot имаше силен одек во светот и пресудата предизвика силни критики од западните земји.
Руската православна црква се заложи за благост при изрекувањето на пресудата, но сепак нагласи дека не ја доведува во прашање легитимноста на одлуката на судот.
Самиот претседател Путин на почетокот од август изјави дека не е за строго казнување на трите девојки од панк групата Pussy Riot. „Тоа што го сторија не е добро. Сепак, не мислам дека треба престрого да им се суди за она што го сториле“, изјави Путин како реакција на овој случај.
Веднаш по изрекувањето на пресудата се огласи и владејачката партија Единствена Русија, на претседателот Владимир Путин и премиерот Дмитриј Медведев, чиј заменик генерален секретар Андреј Исаев изјави дека казната е „жестока, но повеќето Руси ја сметаат за праведна“. Тој не исклучи дека конечниот збор за овој случај ќе го даде претседателот./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Русија распиша потерница по Зеленски, се огласи Украина
Украинското Министерство за надворешни работи соопшти дека издавањето налог за апсење од страна на Русија за претседателот Володимир Зеленски е „доказ за очајот на руската државна машина и пропаганда“, пишува „Украинска правда“.
„Руските извештаи за наводното додавање на украинскиот претседател Володимир Зеленски на потерницата на руското Министерство за внатрешни работи го покажуваат очајот на руската државна машина и пропаганда. Русите не знаат што друго да измислат за да привлечат внимание“, посочија Украинците. надвор.
„Ги потсетуваме сите дека, спротивно на безвредните руски најави, налогот на Меѓународниот кривичен суд за апсење на рускиот диктатор Владимир Путин под обвинение за воени злосторства е реален и спроведлив во 123 земји“, додаваат тие.
Русите не го прецизираа написот врз основа на кој е издаден налогот за апсење на украинскиот лидер. „Володимир Александрович Зеленски, 25 јануари 1978 година. Се бара според членот од Кривичниот законик“, стои во базата на податоци на веб-страницата на руското Министерство за внатрешни работи.
Базата на податоци го наведува и местото на раѓање на бараното лице, градот Кривиј Рих во регионот Дњепропетровск. Објавена е и фотографија од Зеленски, направена пред војната.
Свет
НАТО започна огромни вежби, за Русија: Тоа е подготовка за војна
Четиримесечните воени вежби на НАТО во близина на границите на Русија, наречени „Непоколеблив бранител“ се доказ дека алијансата се подготвува за потенцијален конфликт со Русија, изјави портпаролката на руското Министерство за надворешни работи, Марија Захарова.
Захарова неделава ги отфрли обвинувањата на НАТО дека Русија води хибридна војна против нејзините членки, тврдејќи дека тоа е дезинформација со цел да се одвлече вниманието од активностите на алијансата.
НАТО е тој што води хибридна војна против Русија, поддржувајќи ја Украина со оружје, разузнавачки информации и финансии, рече таа.
„Во моментов, најголемата вежба на НАТО од Студената војна, Непопустлив бранител, се одржува во близина на руските граници. Според нивното сценарио, акциите на коалицијата против Русија се практикуваат со користење на сите инструменти, вклучително и хибридно и конвенционално оружје“, продолжи Захарова.
„Мора да признаеме дека НАТО сериозно се подготвува за потенцијален конфликт со нас“, рече Захарова.
Најавувајќи го почетокот на вежбите во јануари, НАТО најави дека на нив ќе учествуваат 90.000 војници, кои ќе го вежбаат сценариото американските сили да им помагаат на Европејците во земјите кои граничат со Русија и на источното крило на алијансата доколку конфликтот се разгори.
Вежбите ќе траат до мај, пишува Ројтерс.
Свет
Во Мексико трагаа по исчезнати туристи од САД и Австралија, пронајдоа три тела
Мексиканските власти пронајдоа три тела во областа Долна Калифорнија за време на потрагата по исчезнати туристи. ФБИ соопшти дека телата биле пронајдени во градот Санто Томас и се уште не се идентификувани. Австралијците Џејк (30) и Калум Робинсон (33) и Американецот Џек Картер Роуд (30) сурфале во близина на популарното туристичко место Енсенада. Исчезнаа на 27 април, пишува Би-Би-Си.
Мексиканската полиција во четвртокот испрашувала жена и двајца мажи во врска со нивното исчезнување. Пред да бидат пронајдени телата, во областа беа пронајдени напуштени шатори, запален бел пикап и мобилен телефон поврзан со исчезнатите туристи.
Долна Калифорнија е меѓу државите во Мексико со највисоко ниво на насилство додека локалните нарко банди се борат за територија. И покрај тоа, туристите често ја посетуваат областа поради добрите услови за сурфање.