Без испукан куршум во вторник претпладне бил ослободен трговскиот брод грабнат и исчезнат пред две седмици во Атлантикот, а грабнувачите од Естонија, Латвија и Русија се уапсени

„Грабнувачите се качиле на ’Артик Си’, со оружје им се заканиле на морнарите и им наредиле да ги слушаат нивните наредби. ’Артик Си’ потоа пловеше кон Африка и ги исклучи сите  комуникациски и навигациски системи“, изјавил рускиот министер за одбрана, Анатолиј Сердјуков. Осуммината уасесни грабнувачи се државјани на Естонија, Латвија и Русија. Во операцијата за ослободување на бродот, никој од 15-те членови на екипажот не бил повреден и се префрлени на рускиот воен.Сердјуков вчера изјави дека е лоциран бродот кој исчезна во водите околу архипелагот Каповерде. „Артик Си“ е трговски брод со носивост од четири илјади тони и пловел под малтешко знаме. Последен пат бил виден пред две седмици на излегување од каналот Ла Манш. Во моментот на неговото грабнување од Финска за Алжир превезувал дрвена граѓа во вредност од речиси два милиона долари.Исчезнувањето на бродот долг 98 метри создаде забуна кај поморските власти во Европа и северна Африка.