Спорт
Шпанската фурија пристигна во Скопје
Натпреварот ќе започне со едноминутно молчење во знак на прерано починатиот фудбалер на Еспањол, Даниел Харке, а играчите ќе истрчаат на теренот со потпишани маички со бројот 21 г, кој го носеше и Харке до неговата смрт
Торес, Чави, Касилјас и останатите фудбалери од шпанската репрезентација пристигна денес во хотелот Александар Палас, пред утрешниот ревијален натпревар против македонската репрезентација.Натпреварот ќе започне во 21.30 минути. Шпанскиот тим денес во 19.30 часот ќе го одржи и првиот тренинг, а веднаш по нив со почеток од 21.30 часот и македонската репрезентација. Тренингот на шпанскиот тим ќе биде отворен за јавност само 15 минути. Пред самиот почеток на утрешниот натпревар, предвидени се музички точки на кои ќе настапат повеќе естрадни музичари како Борис Трајанов, Каролина Гочева, а исто така меморијални плакати со благодарност ќе му бидат врачени на премиерот Никола Груевски и фудбалерот Артим Шаќири. На самиот прес запрашан од новинарите како се чувствува за прв пат во репрезентацијата, новото име во шпанската армада дефанзивецот на Осасуна, Игнасио Монреал, изјави дека се чувствува добро и е задоволен од приемот од соиграчите. „Воопшто нема разлика на кое место на листата на ФИФА е репрезентацијата на Македонија. Нема да ни биде лесно бидејќи и вие како и нас се борите да се пласирате на СП во Јужна Африка“ изјави Икер Касилјас. А за искуството од играњето против нашиот Горан Пандев во Лигата на шампионите, Касилјас додаде: „Тој е добар напаѓач кој си ги покажува своите квалитети. Знам дека ќе биде многу важно за него и репрезентацијата да победат“.Тренерот на шпанската репрезентација Винсенте Дел Боске пристигна на пресот веднаш по Касилјас и Монреал. Тој не го објави составот од единесеттемина кои ќе настапат утре, а тој ќе зависи од калкулирањето на формата за да не им пречи во онатамошните квалификации. Само неколку часа претходно во хотелот Стоун бриџ, прес-конференција одржа и македонскиот селектор Мирсад Јонуз заедно со Гоце Седловски и Горан Пандев. „Познат ни е квалитетот на европскиот првак. Ќе се обидеме да ја играме нашата игра со брзи додавања, но ќе биде тешко да се направи тоа. Мотивацијата кај играчите нема да изостане, впрочем противник ни е Шпанија. Таа е селекција чија тактика е добро позната“ изјави Јонуз. „Треба да дадеме максимум и да се обидеме да ја играме нашата игра. Од Шпанија како противник поголем мотив не ни е потребен“, додаде Пандев.Главен судија на натпреварот ќе биде Питер Винк од Норвешка, а ќе му помагаат Ари Бринк и Коен Дросте, а четврти судија ќе биде нашиот интернационален судија Александар Ставрев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.
Спорт
Тони Надал: Рафа живеe нормално, а Ѓоковиќ е најдобар во историјата затоа што не живее нормален живот
Тони Надал, поранешниот тренер на Рафаел Надал, крена голема прашина со изјави за трката за најдобриот тенисер на сите времиња. Најчесто вујкото на Надал ги омаловажува успесите на Новак Ѓоковиќ.
Искусниот стручњак, кој ја прекина соработката со Надал во 2017 година, изјави дека Новак Ѓоковиќ постигнал се што имал, пред се затоа што за разлика од неговите ривали „не живее нормален живот“.
„Мислам дека Новак Ѓоковиќ беше мотивиран од желбата да напише приказна, да стане најдобар играч во историјата, додека Рафа, од друга страна, секогаш живеел сосема нормален живот. Рафа игра тенис, но живее нормално, јаде, игра фудбал и се занимава со други активности Се сеќавам на еден тренинг кога неговиот менаџер ни кажа дека Рафа не е професионален, а мојот одговор беше дека не ни сакам да биде, туку дека е доволно што дава се од себе кога е на теренот и дека во слободното време може да живее како и секој друг маж“, вели Тони.
Според него, Новак бил далеку повеќе фокусиран на деталите, поради што толку долго е во самиот врв на светскиот тенис.
„За разлика од Рафа, Новак е многу внимателен што јаде, како го поминува слободното време и има сосема поинаква визија од Рафа и Роџер. На крајот, сите тројца сакаа да бидат најдобри досега, а најважното нешто во тоа приказната беше колку се спремни да се жртвуваат“, заклучи искусниот тренер.