Македонската берза денеска оствари промет од 29 милиони денари, од кои пет беа од блок трансакција со акциите на Алкалоид

Македонската берза денеска оствари промет од 29 милиони денари, од кои пет беа од блок трансакција со акциите на Алкалоид.

При блок трансакцијата се постигна просечна цена од 4.844,00 денари, а истргуваната количината изнесуваше 1.059 акции. Со оваа трансакција се изврши купопродажба а 0,07% од вкупниот број на акции издадени од Алкалоид.

На официјалниот пазар прометот изнесуваше 28.832.868,51 денари.

Прометот на редовниот пазар изнесуваше 427.200,00 денари при 16 реализирани трансакции.

Индексот МБИ-10 порасна за 0,44% и го покачи нивото на 2.482,14 индексни поени. МБИД се намали за 1,13%, намалувајќи ја вредноста на 2.189,38 индексни поени. ОМБ оствари минимално намалување од 0,01% со вредност од 102,35 индексни поени.

Акција со најголем промет на официјалниот пазар беше Реплек, со промет од 18.696.000,00 денари, кој се реализира преку една трансакција преку која беа истргувани 410 акции што беше и вкупна истргувана количина. Просечната цена изнесуваше 45.600,00 денари и загуби 2,98% од вредноста споредено со претходното тргување.

Алкалоид со вкупен промет од 6.433.591,00 денари беше акција со втор промет по обем од официјалниот пазар. Остварена беше просечна цена од 4.511,40 денари, а порастот изнесуваше 2,23%. Вкупно се истргуваа 1.348 акции.

Државната обврзница од старото девизно штедење оствари промет од 1.167.053,94 денари при истргувани 20.954 обврзници. Просечната цена изнесуваше 91,06% од номиналната вредност, при што се оствари намалување од 0,56%.

Од редовниот пазар, најтргувана беше акцијата на Македонски Телеком со промет од 272.420,00 денари. Остварена беше просечна цена од 360,82 денари, додека намалувањето изнесуваше 0,74%. Вкупно се истргуваа 755 акции.

Со акцијата на ПОЛИ МЗТ Скопје се оствари промет од 116.000,00 денари при истргувани 29 акции. Просечната цена која беше без промена изнесуваше 4.000,00 по акција.

Пет најтргувани хартии од вредност

1. Реплек Скопје

2. Алкалоид Скопје

3. Р.Македонија – Девизни влогови

4. Комерцијална Банка Скопје

5. Гранит Скопје

Хартии од вредност со најголем пораст

1. Охрид Скопје 6,98%

2. Алкалоид Скопје 2,23%

3. Стопанска Банка Битола 1,49%

4. ТТК Банка Скопје 0,96%

5. Р.Македонија – Денационализација 08 0,96%

Хартии од вредност со најголем пад

1. Арцелормиттал (ЦРМ) Скопје 10,53%

2. Реплек Скопје 2,98%

3. Комуна Скопје 0,87%

4. Македонски Телеком Скопје 0,74%

5. Р.Македонија – Девизни влогови 0,56%