Македонија
Ребаланс на буџетот за 2009 г. на осмата седница на советот на град Скопје
Измена и дополнување на буџетот на град Скопје за 2009 година беше главната точка по која се расправаше на осмата седница на Советот на Град Скопје
Со одлуката за измена и дополнување на буџетот на Град Скопје за 2009 година истиот беше намален за дури 270 милиони денари, што е секако резултат на глобалната светска економска криза.
Претходно како една од поважните точки на дневниот ред по предлог на сите советнички групи, беше вметната и точката за одлуката за еднократна парична помош во висина од 500.000 денари за санирање на штетите на манастирот „ Свети Јован Бигорски“, која во моментов е неизбежна.
Градоначалникот Трајановски предложи Одлука за определување за највисок износ на средства за откуп на земјиште во висина од 1200 денари за метар квадратен, што градот може да ги понуди и исплати во постапката за откуп на земјиште наменето за проширувањето на гробиштата во Скопје.
Иницијативата од советничката група на ЛДП беше тргната од дневниот ред . Претходно ЛДП бараше намалување на цените на зонското паркирање и на цените на услугите за користење на јавните паркиралишта кои ги одржува и користи „ЈП Градски паркинг“- Скопје.
На седницата е донесена и одлука со која Град Скопје ќе донира семафорски лантерни на општините Кавадарци, Прилеп и Кочани.
Советот на Град Скопје го усвои и извештајот за работењето на Бригадата за противпожарна заштита на Град Скопје во првата половина од 2009 година, како и предлог програмата за работата на зимската служба на Град Скопје за одржувањето на магистралните и собирните улици на Град Скопје во зимски услови.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.