Неврохирургот Јовица Угриновски и драматургот Братислав Димитров се избрани за кум и здравичар на еден од најголемите христијански празници, Бадник што секоја година се одржува на 6-ти јануари

Одборот за прослава на празникот свеченоста ќе ја започне на 27 декември за кога е закажано сечење на бадникови гранчиња, кои на ден пред Божик ќе се делат пред Соборниот храм Свети Климент Охридски.Новоизбраниот кум истакна дека е огромна чест и задоволство да се биде дел од традицијата на градот и православието воопшто. За Угриновски посебен момент е  што ќе може да биде дел од еден од најголемите симболи на Господ-љубовта.Здравичарот Димитров рече дека останал затечен кога му соопштиле дека е избран за овогодишен здравичар. Според него станува збор за најубав православен празник а изреката „Каде и да си за Бадник за дома да си“, има голема духовна поента. Овогодинешното кумство на Јовица Угриновски и Братислав Димитров ќе им го предаде групата Синтезис која лани ја имаше честа да биде кум на оваа манифестација.Членовите на групата истакнаа дека кумството навистина носи успех и бериќет, а нивните успеси од минатата година се потврда за тоа.„Покрај успесите на професионално поле постигнати преку многуте успешни концерти, кумството носи среќа и бериќет и на приватно поле, а доказ за тоа се и двете членки на групата кои годинава станаа мајки”, рече Анета од групата Синтезис.Координаторот на бадниковиот одбор, Александар Пановски – Мац ги повика граѓаните, поглаварот на МПЦ, градоначалникот на Скопје, дипломатскиот кор како и сите поранешни кумови и здравичари и оваа година заедно да го одбележат еден од најголемите празници, на само ден пред Исусовото раѓање.