Македонија
Милошоски: Македонија е мотивирана да оди напред
Советот за стабилизација и асоцијација смета дека Република Македонија прави добар напредок, сепак постојат отворени прашања
Македонија прави добар наредок иако се’ уште постојат отворени прашања, оценија во понедленик вечерта во Брисел, Карл Билт, министер за надворешни работи на Шведска, која претседава со ЕУ, и шефот на македонската дипломатија Антонио Милошоски, на прес-конференција по шестиот состанок на Советот за стабилизација и асоцијација. На состанокот, на кој присуствуваа и вицепремиерите Васко Наумовски и Абдулаќим Адеми, беше разгледуван напредокот на Македонија во процесот на приближување кон ЕУ и спроведувањето на Спогодбата. „Мислам дека правиме добар напредок. Постојат отворени прашања на кои работиме. Имавме можност да ги размениме нашите погледи и за состојбата во Западен Балкан. Расправавме и за можноста да го придвижиме регионот кон европските интеграции. Нема прашање дека Западен Балкан е интересен за Унијата“, смета Билт.Министерот Милошоски истакнал дека целосно се согласува со заклучокот на шведскиот колега дека е направен добар напредок, иако, според него, се’ уште има некои работи што треба да се довршат во наредниот период и дека во Македонија постои огрoмна мотивација тоа да се направи.„Блиската соработка што ја воспоставивме со Европската комисија е круцијална за доближување на Македонија кон европските интеграции. Македонија се чувствува подготвена и мотивирана да оди напред по ова прашање. Октомврискиот извештај е нашиот приоритет за да ги исполниме одредниците и покрај препораката за визна либерализација, Европската комисија да препорача и почеток на преговорите за членство во Унијата до крајот на годинава“, рекол Милошоски синоќа во Брисел. Прашан дали го дели оптимизмот на еврокомесарот за проширување Оли Рен дека Македонија и Грција можат да го решат проблемот со името и Македонија да ги почне преговорите, шефот на шведската дипломатија Билт рекол дека тој не може да биде ниту оптимист ниту, пак, песимист и дека прво треба да го почека октомврискиот извештај на ЕК. Милошоски бил запрашан и зошто се чека долго време да се исполнат одредниците, на што одговорил дека станува збор за континуриана работа и дека сега останува да се направат завршните финеси, што било констатирано и од страна на еврокомесарот Оли Рен при посетата на Скопје.Во врска со слободата на медиумите, Милошоски рече дека во Македонија во последниов период се отворени повеќе приватни печатени и електронски медиуми кои известуваат различно и понезависно и со тоа, смета тој, се зголемила слободата на медиумите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Арсовска во увид на изградбата на подземната инфраструктура на новиот булевар Хрватска
Град Скопје продолжува со реализација на првата фаза на големиот проект за изградба на подземната инфраструктура на новиот булевар Хрватска, која опфаќа и нова водоводна мрежа која произлегува од градската програма за работа.
Градоначалничката на Град Скопје, Данела Арсовска, заедно со екипи од ЈП Водовод и канализација Скопје и Секторот за планирање и уредување при Град Скопје, денес извршија увид во реализацијата на овој капитален инфраструктурен проект.
Во оваа фаза од изградбата на водоводната мрежа која се движи на трасата по новопроектираниот булевар Хрватска и заради формирање на прстенеста циркулациона мрежа и создавање на подобри хидраулички услови во градската водоводна мрежа предвидено е поврзување на двата магистрални доводи на вода Рашче со профил од Ф1600 и постоечкиот цевковод со профил од Ф700 на булевар Александар Mакедонски.
Со почеток на реализација на предвидениот магистрален цевковод со профил од Ф700 милиметри, по новопредвиден булевар Хрватска во првата фаза, започнати се градежните активности на поврзување на булевар Александар Македонски кај Естекада. Вкупната предвидена должина на магистралниот цевковод по булеварот Хрватска изнесува 2,8 километри. Реализацијата на овој дел од водоводната мрежа е предуслов за подобрување на водоснабдувањето на целата територија на општина Гази Баба.
Македонија
„Биди хуман- спаси живот”: крводарителска акција во Уставниот суд денеска по повод 60 години oд постоењето
Уставниот суд денеска организира крводарителска акција под мотото „Биди хуман- спаси живот” која ќе се одржи во периодот од 9 до 14 часот во просториите на Судот.
Акцијата за дарување на крв се реализира во соработка со Црвен крст на Република Северна Македонија, на иницијатива на Уставниот суд, по повод 60 години од своето постоење.
Организирањето на оваа хумана активност е иницијатива на вработените од Судот и досега се пријавени над 30 дарители од Уставниот суд, меѓу кои и судии и советници од стручната служба.
Преку оваа крводарителска акција Уставниот суд изразува солидарност и хуманост и истовремено се придружува на апелите на Црвен крст за подигнување на свеста за донирањето на крв и мотивирање на поголем број на луѓе за доброволно дарување.
Македонија
Силен СДСМ во Собранието е потребен за иднината на државата, велат социјалдемократите
Граѓаните треба масовно да излезат да гласаат на 8 мај, со својот глас да ја поддржат идејата за напредна, слободна и европска држава, да го поддржат СДСМ и Коалицијата за европска Македонија, велат од СДСМ преку соопштение.
„Силен СДСМ во Собранието е потребен заради иднината на државата, за ДПМНЕ да не го донесе повторно режимот во најава, кој толку долго прогресивните сили во државата се трудеа да го срушат.
Ако десничарска партија како ДПМНЕ на гордиот наследник на Груевски добие преголема моќ, тоа ќе ги убие ЕУ перспективите, ќе ја загрози слободата и демократијата.
Доволно долго Македонија седеше во чекалната за Европа, додека други држави поминуваа, и никој не сака пак да се вратиме таму.
ДПМНЕ ќе ја одложува евроинтеграцијата во недоглед, тие немаат ниту план ниту пак се доследни во остварувањето на стратешките цели. Тоа го правеше и Груевски, тие само ќе продолжат кај што застана тој“, се вели во соопштението.