Јас не сум овде да ви дадам решение, туку можам единствено да дадам сугестија.Ова денеска го истакна Министерот за надворешни работи на Големото Војводство Луксембург, Жан Аселборн.

Јас не сум овде да ви дадам решение, туку можам единствено да дадам сугестија.

Ова денеска го истакна  Министерот за надворешни работи на Големото Војводство Луксембург, Жан Аселборн.

„Јас она што сега можам да го кажам е дека во интерес на сите земји од регионот, во интерес на ЕУ, па и на НАТО е да се најде едно брзо решение за да можат и двете земји да продолжат кон добра насока“, рече Аселборн.

Според него разликите кои што постојат меѓу Грција и Македонија не се толку длабоки и големи.

„Потребно е да се има дух што е решителено свртен кон инднината, за да може и двете земји да направат напори и да дојдат до решение. Таквото решение нема да биде издиктирано во Луксембург, Париз, Берлин, ниту пак во Брисел“, потенцираше луксембуршкиот шеф на дипломатијата.

Македонскиот министер за надворешни работи Антонио Милошоски рече дека Македонија е подготвена да продолжи со сите реформи кои што се потребни за да ги увери сите земји – членки на ЕУ дека членството и почетокот на преговорите ќе оди рака под рака со кредибилитетот на ЕУ и идејата за обединета Европа.

„Медијаторот Нимиц ќе ја посети Република Македонија на 23 овој месец најверојатно после тоа ќе ја посети Грција и ние ќе се обидеме од наша страна на еден конструктивен начин дополнително да инвестираме во тој процес на билатерален дијалог со цел да оствариме напредок по однос на спорното прашање, потенцираше Милошоски.

На прашањето од страна на луксембуршките новинари  дали Аселборн повторно му вети на Милошоски дека ќе поразговара со новата грчка влада затоа што припаѓаат на исто политичко семејство тој одговори дека ќе стори се што е во интерес на решавање на спорот.

„Без оглед дали некој припаѓа на одредено политичко семејство или не, факт е дека по изборот на новата грчка влада се појавија одредени позитивни сигнали. Така што доколку може да се искористи инструментот на политичко семејство зошто да не. Во сечиј интерес е да се пронајде решение за спорот. Се надевам дека во текот на ова шпанско претседателство ќе успееме да изнајдеме решение“, рече Аселборн.

Милошоски дополни дека важна е политичката припадност на одредено проидеолошко семејство во рамките на ЕУ, но уште поважно е дали самите политичари се проевропски ориентирани.

„Во нашите колеги од Луксембург гледаме проевропско ориентирани политичари и сметаме дека со тој дух и со тој капацитет може да се помогне“, рече Милошоски./крај/бд

Фото:Филип Поповски/Макфакс

Повеќе фотографии тука>>