Свет
Обама настојува да се прифатат реформите во американското здравство
Настојувајќи да ја засили кампањата за здравствените реформи, претседателот Обама ијзави дека најголемите противења доаѓаат од одредени интерсени групи и нивните, како што ги нарекол – агенти во Конгресот
Во седмичната порака до нацијата, американскиот претседател Барак Обама укажал на итната потреба од носење закон за реформи во здравството, наведувајќи пример од животите на обичните луѓе кои го губат здравствното осигурување или плаќаат големи трошоци за него.„За тоа станува збор во дебатата во Конгресот, дали ќе продолжиме да зборуваме и размислуваме, дозволувајќи да се влошува ситуацијата и да пропаѓаа семејства и фирми, а се’ повеќе Американци го губат здравственото осигурување, или ќе ја искористиме можноста која можеби нема да ја имаме со генерации и конечно ќе направиме реформа на здравственото осигурување уште оваа година“, се вели во обраќањето на Обама, предадено преку радиото и интернет.Три од пет конгресни комисии кои работат на овој предлог-закон го поддржале новиот текст. Според него, до 2015 г. 97 отсто од Американците би имале здравствено осигурување, а околу една третина или 550 милијарди долари за десет години би биле намирени со прогресивен данок за домаќинствата кои имаат приходи поголеми од 350 илјади долари на годишно ниво. Еден од деловите на кој најмногу се спротиставуваат републиканците и некои демократи, како и големите осигурителни компании е предлогот за постоење јавно здравсствено осигурување. Тие влегле во отворено спротиставување против кампањата која се води со телевизиски огласи и преку електронска пошта,Оваој план на Обама е подржан од здруженијата на американските лекари и на медицинскиот персонал.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Во поплавите во Бразил загинаа осум лица, а 21 се исчезнати
Осум лица загинаа, а 21 се водат како исчезнати во поплавите предизвикани од обилните дождови во државата Рио Гранде до Сул во јужен Бразил.
Над 1.400 жители се раселени поради невремето што доведе до пораст на нивото на водата и поплави во 104 општини, пренесува Ројтерс.
Гувернерот Едуардо Леите изјави дека државата работи на пронаоѓање на исчезнати лица и за обезбедување на безбедноста на оние во загрозените области.
Свет
Лидерот на ИСИС убиен во операција во пограничниот регион на Мали
Водачот на една од групите поврзани со Исламската држава, Абу Худајфа, е убиен во операција во пограничниот регион кој опфаќа делови од Мали, Буркина Фасо и Нигер.
Неутрализацијата на терористичкиот функционер беше извршена за време на голема операција во Липтак, триграничен регион кој опфаќа делови од Мали, Буркина Фасо и Нигер, соопштија властите на Мали.
Во соопштението се потсетува дека лидер на ИСИС учествувал во нападот на Нигер во 2017 година, што резултираше со убиство на четири американски Зелени беретки и четворица нигериски војници, вклучително и еден преведувач.
Свет
Евакуирани туристи во Кенија поради поплави, 170 загинати од март
Туристи беа евакуирани од десетици хотели, апартмани и кампови откако пукнаа браните во Националниот резерват Масаи Мара поради поплавите во кои загинаа повеќе од 170 луѓе низ Кенија од почетокот на сезоната на дождови во средината на март.
Црвениот крст на Кенија соопшти дека спасил 61 лице од резерватот, кој е популарна туристичка дестинација за годишната миграција на диви пчели од Серенгети во Танзанија, пренесува Асошиетед прес.
Метеоролошкиот оддел на Кенија предупреди дека ќе очекуваат нови дождови оваа недела, откако во понеделникот пукна брана во градот Маи Махи во округот Накуру, при што загинаа 48 луѓе, а над 80 се водат како исчезнати.