Свет
Ослободителна пресуда во недостиг на докази
По шестмесечен судски процес, судот пресуди за „случајот Раштански Лозја“. Одлуката предизвика еуфорија во судницата
По шестмесечен судски процес, судот пресуди за „случајот Раштански Лозја“. Одлуката предизвика еуфорија во судницата
Четворицата обвинети во “случајот Раштански Лозја” вчера беа ослободени од обвинението поради тоа што Јавното обвинителство не презентира цврсти докази за нивна вина. Ова е одлуката на Кривичниот совет на Основниот суд Скопје 2, со кој претседаваше судијката Славица Попчевска. Со тоа, Александар Цветков, Горан Стојков, Митко Кикереков и Бобан Утковски се пуштаат на слобода по едногодишниот притвор, во кој беа поради сомневање дека извршиле убиство со умисла на седум странски државјани на 2 март 2002 година, во месноста Раштански Лозја крај Скопје. Ваквиот епилог на шестмесечниот судски процес предизвика бура од реакции не само во судската сала туку на политичките партии, здруженија, поединци и организации. Ослободителната пресуда внесе вистинска еуфорија во преполната голема сала на Основниот суд Скопје 2
ГОРАН АДАМОВСКИ
Четворицата обвинети во “случајот Раштански Лозјааи вчера беа ослободени од обвинението поради тоа што Јавното обвинителство не презентира цврсти докази за нивна вина. Ова е одлуката на Кривичниот совет на Основниот суд Скопје 2, со кој претседаваше судијката Славица Попчевска. Со тоа, Александар Цветков, Горан Стојков, Митко Кикереков и Бобан Утковски се пуштаат на слобода по едногодишниот притвор, во кој беа поради сомневање дека извршиле убиство со умисла на седум странски државјани на 2 март 2002 година, во месноста Раштански Лозја крај Скопје.
Ваквиот епилог на шестмесечниот судски процес предизвика бура од реакции не само во судската сала туку на политичките партии, здруженија, поединци и организации. Ослободителната пресуда внесе вистинска еуфорија во преполната голема сала на Основниот суд Скопје 2. Роднините, пријателите и приврзаниците на обвинетите со солзи радосници и со скандирање “Македонија, Македонијааи ја пречекаа одлуката, а еден од нив за момент ја изгуби свеста и се струполи на подот.
Огромната еуфорија ја натера судијката Попчевска да бара испразнување на салата за да може на обвинетите да им ги предаде решенијата за пуштање од затворот. Генералот Горан Стојков ги замоли присутните да ја напуштат салата. Потоа, еуфоријата се пресели во ходниците од судот. Судијката инсистираше присутните да излезат надвор од зградата, па Стојков повторно беше во улога на медијатор.
Пред зградата на судот во еуфорична атмосфера неколку стотици приврзаници на обвинетите бранители ја чекаа одлуката на судот. Кога им беше соопштена, настана вистински урнебес. Развиорени македонски знамиња и скандирања беше декорот на блокираната улица. Се скандираа имињата на сите четворица ослободени, а не се заборавија ниту обвинетите пред Хашкиот трибунал, Љубе Бошкоски и Јохан Тарчуловски. По извесно време, насобраната толпа си замина задоволна во славеничка атмосфера. Дел од нив отидоа во Истражниот затвор “Скопјееи, каде што требаше да бидат ослободени нивните херои.
Инаку, почетокот на денот помина во сосема поинаква атмосфера. Уште од осум часот наутро, големи полициски сили ја обезбедуваа зградата на судот. Стотици полицајци во униформа и во цивилка беа во зградата на судот и околу неа. Сето тоа надополнето со постојаните закани за поставени бомби во судот создаваше мачна атмосфера. Поради анонимките, двата суда решија своите обврски да ги префрлат за идната седмица. Влегувањето во судот беше проследено со куп контроли, што ги изреволтира приврзаниците на обвинетите, па малку недостигаше да дојде до инцидент. Салата беше преполна. Огромен број луѓе, вклучувајќи ги и новинарите, стоеја на крајот од салата. Се пееја патриотски песни и се повикуваше името Господово.
Во моментот кога во салата влегоа обвинетите, следуваше голем аплауз, проследен со скандирање “Слобода, слободааи. На ова, првообвинетиот Александар Цветков рече: †Народе македонски, сме ве бранеле и ќе ве бранимееи, што дополнително ја загреа атмосферата. Потоа, во салата влезе Кривичниот совет и додека се читаше пресудата, владееше апсолутна тишина. Тогаш судијката Попчевска ги прочита ослободителните пресуди.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Кадиров објави снимка: „Испраќам два вооружени сајбер камиони во војна во Украина“
Чеченскиот лидер, Рамзан Кадиров, објави ново видео на социјалните мрежи за кое тврди дека прикажува два сајбер камиони „Тесла“ за кои вели дека ги испратил во „зоната на специјалната воена операција“. Официјален Кремљ така ја нарекува војната во Украина што ја започна рускиот претседател Владимир Путин пред две и пол години.
Претходно на социјалните мрежи се пожали дека „Илон Маск од далечина оневозможил едно од неговите возила“. Кадиров рече дека „далечинското исклучување не влијаело“ на другите два камиони и дека тие „работат нормално“.
Kadyrov said he had sent "two more" Cybertruck "to the special military operation zone." Earlier, he complained that Elon Musk had "remotely disabled one vehicle."
Kadyrov said that the "remote shutdown did not affect" the other two pickup trucks and that they were "operating… https://t.co/g1eUciaEqA pic.twitter.com/85SizuUxwH
— Anton Gerashchenko (@Gerashchenko_en) September 20, 2024
Двата сајбер камиони прикажани на видеото се опремени со митралези, како и возилото што Кадиров го покажа во август.
Свет
Телата на сопственикот на суперјахтата и ќерката, со авион се вратени во нивната татковина
Телата на жртвите од трагедијата на суперјахтата, меѓу кои беа и сопственикот и милијардер Мајк Линч и неговата ќерка Хана, се вратени од Сицилија со приватен авион на нивните семејства.
Седум лица загинаа кога суперјахтата вредна 30 милиони евра, потона во август за само 16 минути откако беше погодена од невреме.
Меѓу загинатите се Џонатан Блумер и неговата сопруга Џудит, адвокатот од Њујорк, Крис Морвило и неговата сопруга Неда, како и готвачот Рекалдо Томас.
Тие сега се вратени во татковината со приватни авиони, а се очекува нивните погреби да се одржат во секоја од нивните матични земји во наредните денови, јавуваат италијанските медиуми.
Во последните денови на Сицилија беа извршени обдукции на жртвите, а прелиминарните резултати сугерираат дека сите освен една биле заробени под палубите кога починале.
Аутопсиите извршени на жртвите во болницата во Палермо на почетокот на овој месец открија дека жртвите немале вода во белите дробови, објавија италијанските медиуми, сугерирајќи дека можеби биле свесни додека јахтата тонела.
Додека нивните тела сега се вратени дома, лекарите во Палермо продолжуваат да истражуваат дали нивната смрт била предизвикана од давење или недостаток на кислород во кабината.
На јахтата имало вкупно 22 лица, а меѓу преживеаните е и Анџела Бакареш, сопругата на Мајк Линч и мајката на Хана.
Стивен Едвардс, кој беше капетан на суперјахтата пет години до 2020 година, посочи дека можеби преживеала бидејќи нејзината тенденција да се грижи за безбедноста на бродот ја навела да ја напушти својата кабина пред бродот да почне да тоне.
Едвардс изјави за дека Бакареш „секогаш сакала да знае што се случува и што прави екипажот“.
„Таа е секогаш првата личност што се качува на мостот ако нè слушне како се прикрадуваме таму. Тоа може да објасни зошто таа се спаси, а Мајк не“, рече тој.
Анџела по трагедијата наводно им кажала на лекарите дека бродот се навалил, разбудувајќи ја неа и нејзиниот сопруг.
Според „La Repubblica“, таа рече дека се качила за да види што се случува пред да настане хаос и скршено стакло низ целата јахта.
Едвардс, кој разговараше со поранешните колеги на јахтата таа вечер, рече дека потонувањето се случило само неколку минути откако јахтата почнала да се полни со вода, при што скршениот мебел на бродот им отежнувал на патниците да се искачат на безбедно.
„Оние кои останаа свиткани во кревет беа во најлоша ситуација“, рече тој и додаде дека некои од гостите станале да видат што се случува.
„Потоа невремето силно удри. Некои стигнаа до салонот и тие беа оние кои преживеаја, бидејќи нивниот пат надвор беше малку почист.
„Внатре во кабините, луѓето лежеа во своите кревети една минута, а следната веќе се беше поинаку“, рече Едвардс.
Свет
Противпожарно возило излета од патот поради скали, повредени осум пожарникари во Калифорнија
Осум пожарникари се повредени во тешка сообраќајна несреќа на автопат во Јужна Калифорнија во која учествувало противпожарно возило, соопштија денеска властите.
Шефот на противпожарната служба на округот Оринџ, Брајан Фенеси, изјави дека противпожарното возило се превртело на државната рута 241 во Калифорнија, северно од Портола Хилс, пренесува АП.
Возилото превезувало тим кој се враќал во станицата по 12-часовниот пожар во округот Оринџ.
Фенеси соопшти дека несреќата ја предизвикала скала која била на патот и возилото извртело за да ја избегне скалата, а потоа удрило во заштитната ограда и се превртело.
Најмалку еден пожарникар е пренесен со хеликоптер во болница, додека останатите се пренесени со брза помош.