Свет
Авионот на Качински можеби крие доверливи информации
Во Полска стравуваат дека во остатоците од авионот на претседателот Лех Качински, што во саботата се урна кај Смоленск, можеби се кријат податоци што се воена и државна тајна.
Во Полска стравуваат дека во остатоците од авионот на претседателот Лех Качински, што во саботата се урна кај Смоленск, можеби се кријат податоци што се воена и државна тајна.
Во авионот беа и началникот на Генералштабот на полската армија и командантите на авијацијата, копнените сили, морнарицата, специјалните сили и Варшавскиот гарнизон.
“Не знаеме што носеле во авионот и дали имало некои информации, што се доверливи“ – изјавил неименуван претставник на полската Агенција за државна безбедност.
Полските разузнавачки служби стравуваат дека како што е прекршено правилото дека толку високи претставници на една државна управа, не смеат да бидат во ист авион, можно е тие со себе да носеле преносни компјутери, но и “паметни телефони“ за шифрирани разговори.
Доколку ваквите податоци би дошле во несакани раце можат да бидат ризик и за некои доверливи податоци за НАТО.
Полските експерти ги вадат сите предмети од остатоците од авионот, а потоа без копирање ги предаваат на анализа во Варшава.
“Во авионот не би требало да се најдат носачи на информации со доверливи податоци. Тоа беше само пригодна посета и не планираа никакви официјални средби. Секој има безбедносна лозинка и знае како да постапува со доверливи информации.Никако не можат да се уфрлат во лаптопите и да се носат на пат“, изјави поранешниот шеф на Службата за обезбедување на полските претставници, генерал Мирослав Гавор.
Според претставниците на државното обезбедување, Русите без проблеми би можеле да дојдат до овие податоци, но се сомневаат дека тие би ја искористиле оваа трагедија за свои цели.
Во Полска многу се цени тоа што Русија максимално им излезе во пресрет на полските органи во истрагата и грижата за семејствата на жртвите, далеку над границите на меѓународните обичаи./крај/бета/см
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Јабланица прогласена тридневна жалост: Загинаа 15 лица, се трага по уште исчезнати
Градоначалникот на општина Јабланица Дамир Шабановиќ деновите од недела до вторник ги прогласи за Денови на жалост во врска со трагичната смрт на сограѓанин во природна катастрофа што го зафати подрачјето на Јабланица, пренесува Ал Џезира Балканс.
Деновите на жалост се одбележуваат со спуштање на знамињата на половина копје на зградите на општината и јавните установи основани од општина Јабланица.
Културни, забавни и слични програми нема да се одржуваат на јавни места, а физичките и правните лица кои вршат угостителска дејност, како и локалните медиуми ќе го приспособат своето работење.
Досега на подрачјето на Јабланица и Коњица се пронајдени телата на 15 лица, а по 10 до 15 исчезнати лица се уште се трага.
Регион
Дрвја и кал во БиХ, местата зафатени од поплавите се непрепознатливи
По поплавите што вчера ја зафатија БиХ, најтешка е состојбата во општина Јабланица, каде што најголем број урнати згради и објекти се под вода, а истото е и во Трусина и Бутуровиќ Поље, јави телевизијата БХТ1.
Новинарка на телевизијата, која известува од терен, изјави дека овие места се непрепознатливи.
-Можеме да видиме само дрвја и вода, кал, се’ лебди на површината на водата, можеме да видиме загрижени жители, изјави таа и додаде дека веќе се започнати хуманитарни акции за помош на загрозените.
Според последните неофицијални податоци само на територијата на Јабланица како исчезнати се водат 48 лица, додека официјалните податоци велат дека по поројните поплави и свлечиштата кај Јабланица, Кониќ, Крешево и Кисељак, потврдена е смртта на 19 лица, а дека по многу други уште се трага.
Населението во погодените подрачја има потреба од итна помош, а најитни се конзервираната храна и вода во шишиња.
Патната комуникација е отежната, а на места и целосно прекината.
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај.
Регион
Страшни детали од поплавите во Босна и Херцеговина, загина трудница, а брачен пар се најдени гушнати
Во страшните поплави кои зафатија делови од Босна и Херцеговина, една од жртвите е и 29-годишна трудница од Јабланица. Брачна двојка е пронајдена гушната во одроните во Доња Јабланица, а според првичните информации почина и уште еден брачен пар од овој крај. Најмалку 21 лице го загуби животот во поплавите во БиХ, од кои 16 се сметаат за исчезнати.
„Најмалку 16 лица од областа на северна Херцеговина во моментов се водат како исчезнати, откако беше потврдено дека исто толку луѓе загинале само на подрачјето на Јабланица“, изјави премиерот на Федерацијата на БиХ, Нермин Никшиќ.
Затрупани се многу куќи, а утринава пристигна и дополнителна механизација.
Во тек е состанок на кризниот штаб за координација на спасувачките активности, а по него треба да се дознаат подетални информации за состојбата на теренот.
Најтешка е состојбата во Долна Јабланица каде се сомнева дека каменолом ја предизвикал трагедијата во населбата која е целосно затрупана со отпад од гранит.с