Hitech
Новиот американски ‘стелтс' не е ‘невидлив' за кинеските и руските радари
Додека британското министерство за одбрана планира да купи 48 американски авиони од типот „F-35″ по цена од 169 милиони долари секој, експертите од областа на одбраната истакнуваат дека „невидливиот” не е таков за кинеските и руските радарски системи.
Руските противвоздушни системи со речиси стопроцентна веројатност го откриваат „F-35″. Но британските експерти уште повеќе ги загрижуваат новите кинески радари инсталирани на летала и разурнувачи кои можат да го идентификуваат точниот тип на авионот.
Според Елизабет Кинтана од Кралскиот институт за мировни студии, натамошното експлоатирање на „F-35″ во вооружените сили на Велика Британија во голема мера ќе зависи од целите за коишто ќе се користат овие летала. Според неа, тоа има смисла само доколку воздухопловот влезе во борбена акција пред да биде идентификуван од радарите.
Досега „F-35″ беа класифицирани како „многу малку видливи” ткн „стелтови”, што се постигнува благодарејќи на неговата форма и специјалниот слој чијашто формула е најстрого чуваната тајна. Имано, авионите изработени според „стелтс” технологијата имаат рамна површина и остри рабови, што овозможува да се измамат радарските системи и да се избегне идентификувањето.
Проблемите на „F-35″ започнаа откако на оваа серија летала почнал да се инсталира системот AESA (активна електризирана антенска решетка), која работи емитирајќи одделни радио бранови на различни фреквенции, пишува The Daily Mail.
Кина веднаш го вклучила во својот нов радарски систем распознавањето на AESA, па сега лесно го идентификува „F-35″ на растојание од 350 километри.
Сепак, и без оглед на тоа што овој тип авиони веќе не ја оправдува своја примарна намена, британските пилоти продолжуваат да се обучуваат на новите летала на полигон на Флорида.
На пробните летови, исто така, се покажало и дека при летање во лоши временски услови кај „F-35″ се забележува неправилна операција на софтверот. Притоа експертите ги загрижува податокот дека авионот би можел да експлодира доколку биде погоден од молња. И пилотите се пожалиле дека не се многу задоволни со квалитетот на нивните високотехнолошки шлемови./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Hitech
WhatsApp подготвува корисна промена
Повикувањето луѓе на WhatsApp ќе стане многу полесно.
WhatsApp развива нова функција која ќе ви овозможи да повикувате луѓе директно од апликацијата, без претходно да ги зачувате како контакти во вашиот телефон, објави веб-страницата WABetaInfo.
Како што е наведено, оваа функција е достапна за тестирање на оние кои ја имаат бета апликацијата за Android, верзија 2.24.9.28.
Најверојатно, додава WABetaInfo, интернет податоците ќе се користат за повикување на овој начин, што значи дека повиците ќе бидат поевтини отколку кога ќе повикате некого во странство користејќи го „традиционалниот“ метод.
Сè уште нема детали за тоа кога оваа функција би можела да биде достапна за корисниците ширум светот, но обично не треба многу време откога ќе се појави во бета верзија.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.
Hitech
Во Кина побарувачката за мобилни телефони на „Епл“ значително се намали, продажбата на „Хуавеј“ скокна за 70 отсто
Испораките на мобилни телефони на „Епл“ во Кина паднаа 19 отсто во првиот квартал, што ја одразува заканата за доминантната позиција на американскиот гигант во повисокиот сегмент по враќањето на „Хуавеј“ на пазарот, покажуваат податоците на пазарот. Уделот на „Епл“ на најголемиот пазар на паметни телефони во светот падна на 15,7 отсто во првиот квартал, од 19,7 отсто на почетокот на 2023 година. Ова го доведе американскиот гигант речиси на исто ниво со „Хуавеј“, чија продажба скокна 70 отсто, според истражувачката компанија Counterpoint.
„Виво“ ја презеде круната на „Епл“ како најголем продавач на паметни телефони во Кина. Американската компанија падна на третото место, зад „Хонор“, бренд на подостапни уреди. На четврто место е „Хуавеј“, чиј пазарен удел скокна од минатогодишните девет на 15,5 отсто.
„Враќањето на „Хуавеј“ на пазарот директно влијаеше на „Епл“ во премиум-сегментот. Треба да се додаде дека побарувачката за нови мобилни телефони на „Епл“ за замена на постарите модели беше малку придушена во споредба со претходните години“, рече аналитичарот на Counterpoint, Иван Лам, во соопштението за печатот.
Во меѓувреме, „Епл“ почна промотивни кампањи обидувајќи се да ги привлече потрошувачите со попусти, вклучувајќи субвенционирање одредени модели на „Ајфон“ до 1.300 јуани (168,29 евра).
Минатата недела „Хуавеј“ ѝ ја претстави на јавноста новата серија смартфони Pura 70. Во август минатата година, по долга пауза, ја лансираа серијата Mate 60, која некои аналитичари ја протолкуваа како триумф над американските санкции, врз основа на софистицирано домашно производство на чип.
Канадската истражувачка компанија TechInsights очекува Кинезите да купат повеќе од 50 милиони мобилни телефони оваа година, вклучително и 10 милиони од Huawei Pura 70. Тоа ќе го стави „Хуавеј“ на прво место, со пазарен удел од 19 отсто, што е повеќе од 12 отсто минатата година.
Во првиот квартал кинескиот пазар на паметни телефони порасна 1,5 отсто продолжувајќи го позитивниот тренд од крајот на 2023 година, според Counterpoint.