Македонија
Разулавен поштар натепал пет лица кај Виница
Еден разулавен поштар без посериозна причина физички со тупаници и клоци се нафрлил врз група луѓе во виничкото село Истибања, при што повредил пет лица.
Еден разулавен поштар без посериозна причина физички со тупаници и клоци се нафрлил врз група луѓе во виничкото село Истибања, при што повредил пет лица.
Притоа подивениот поштар не гледал дали удира мажи или жени, а не му била ниту важна возраста, поради што најдебелиот крај го извлекла една жена на возраст од близу 60 години, која се здобила со пукнатина на носот.
Жената била згрижена во Медицинскиот центар Кочани, каде што по укажаната помош била пуштена на домашно лекување.
Овој несекојдневен инцидент се случил вчера наутро околу 10 часот во дворот на месната заедница Истибања.
Како што соопшти денеска МВР, Б.П.(1972) од с.Истибања, вработен како поштар во Македонски пошти, физички ги нападнал лицата: П.Т.(1971) од Штип, К.П.(1956) од с.Истибања, С.П.(1951) од с.Истибања, В.П.(1955) од Скопје и Г.С.(1971) од Виница, удирајќи ги со тупаници и клоци во пределот на телата и главите.
Во истрагата било констатирано дека јавниот ред и мир од страна на Б.П. бил нарушен заради влошување на неговата здравствена состојба, поради што е упатен на лекување во Неуропсихијатриска болница во Негорци. /крај/со/ап/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ
Каевски од голтар до милионер, фатен како прави милионски проневери како директор на Агенцијата за млади и спорт, велат од ВМРО-ДПМНЕ.
„Дарко Каевски како директор на Агенцијата за млади и спорт заобиколувајќи ги законските процедури извршил распределба на пари преку така наречените ваучери до клубови и федерации, кои одредена фирма ги реализирала под услов дел од парите да ги добие назад преку даночно ослободување“, дополнуваат од ВМРО-ДПМНЕ.
Според нив, Каевски е фатен на дело, и веќе на сите им е јасно зошто излегувал и ширел лаги и манипулации во јавноста.
„Тоа се кадрите на СДС, како Дарко Каевски, вмешани во криминал и корупција. Време е Македонија да се ослободи од криминалците како Каевски. Време е да ја вратиме Македонија на народот. Македонија повторно твоја“, завршуваат од ВМРО-ДПМНЕ.
Македонија
Нестабилно време со пороен дожд, грмежи и ветер
Времето ќе биде променливо облачно, од пладневните часови на повеќе места нестабилно со пороен дожд и грмежи, локално во форма на краткотрајно невреме со засилен ветер и услови за изолирана појава на град. Услови за пороен дожд ќе има во текот на ноќта, соопшти УХМР.
Минималната температура ќе биде во интервал од 6 до 12, а максималната ќе достигне од 18 до 25 Целзиусови степени.
Во Скопје ќе биде променливо облачно. Од пладневните часови во делови од котлината ќе биде нестабилно со пороен дожд, грмежи, засилен ветер и услови за изолирана појава на краткотрајно невреме. Минималната температура ќе се спушти до 12, а максималната ќе достигне до 23 степени.
Следува период на променливо облачно време со повремени локални врнежи од дожд. Утре, во ноќта кон петок и во петок на повеќе места ќе има развој на нестабилна облачност проследена со пороен дожд и грмежи, локално во форма на краткотрајно невреме со засилен ветер и услови за изолирана појава на град. Дневната температура од утре до сабота ќе биде во постепено опаѓање, а во недела ќе се покачи за 2 до 4 степени.
Скопје
Без струја дел од корисниците на Волково и Кучково
Дел од корисниците на Волково и Кучково во Општина Ѓорче Петров од 7 до 16 часот ќе немаат електрична енергија.
Како што информира Регионалниот центар за управување со кризи на Град Скопје, по добиеното известување од ЕВН, прекинот на струја е поради технички зафати во електродистрибутивната мрежа.