Спорт
Ерани пропушти четири меч топки
Во единствениот одигран меч од второто коло на ВТА турнирот во Њу Хевн, Сара Ерани имаше 5:4, свој сервис и 40:15 против втората носителка Саманта Стосур но загуби.
Во единствениот одигран меч од второто коло на ВТА турнирот во Њу Хевн, Сара Ерани имаше 5:4, свој сервис и 40:15 против втората носителка Саманта Стосур но загуби. Не ги доби двете врзани меч топки, и како и уште две за победа, па Австралијката израмни и го доби мечот во тај брек. Марија Кириленко со 6:1, 3:6, 6:1 ја елиминира во првото коло минатогодишната финалистка Елена Веснина, која пак мораше да игра три квалификациски меча за да се пласира на главниот турнир. Во преостанатите мечеви од првото коло на женскиот дел од турнирот постигнати следните резултати: Тимеа Башчински (Швц.) – Јанина Викмајер (Бел.) 6:3, 6:1, Олга Говорцова (Блр.) – Андреа Петковиќ (Гер.) 6:2, 6:2, Марион Бартоли (Фр.) – Алона Бондаренко (Укр.) 6:7, 7:6, 6:3, Флавиа Пенета (Ит.) – Алиса Клејбанова (Рус.) 6:4, 6:4 Анастасиа Родионова (Авс.) – Светлана Пиронкова (Буг.) 6:1, 7:5. На АТП турнирот во Њу Хевн се одиграа натпревари од второто коло: Королев (Каз.) – Берер (Гер.) 6:4, 7:5, Ханеску (Ром.) – Брандс (Гер.) 6:3, 6:4, Голубев (Каз.) – Гонзалес (Арг.) 6:3, 2:6, 6:2, Мајер (Гер.) – Хајек (Чех.) 6:3, 6:1, Истомин (Узб.) – Бекер (Гер.) 6:3, 6:1, Степанек (Чеш.) – Гонзалес (Чиле) 6:2, 6:4, Габашвили (Рус.) – Малис (Бел.) 4:2 предадена, Марченко (Укр.) – Бестер (Кан.) 6:3, 6:3, Чела (Арг.) – Јанг (САД) 5:7, 6:4, 6:0, Де Бакер (Хол.) – Кукушкин (Каз.) 6:1, 6:7, 6:4, Лацко (Свк.) – Белучи (Бра.) 6:4, 6:7, 6:0, Багдатис (Кип.) Андреев (Рус.) 6:2, 6:4, Робредо (Шп.) – Дент (САД) 5:7, 6:4, 6:4. .крај/ап/м.н.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Реал прв обезбеди пласман на Ф4 во Берлин
Кошаркарите на Реал Мадрид први се пласираа на фајнл-форот во Евролигата. Актуелните шампиони серијата против Басконија ја добија со 3:0.
Третиот натпревар од серијата се одигра во „Фернандо Буеса“, во Виторија, Реал победи со 102:98.
Најефикасен во тимот на Чус Матео Бои беше Гершон Јабуселе со 23 поени, седум скока и три асистенции. Се истакнаа и хрватскиот кошаркар Марио Хезоња со 16 поени, четири скока и две асистенции и една топка, односно Факундо Кампацо со 13 поени, четири скока, осум асистенции и Валтер Тавареш со 12 поени, 13 скокови и четири блокади.
Најистакнати во тимот на Басконија беа плејмејкерите Маркус Хауард (29 поени, по два скока и асистенции) и Коди Милер-Мекинтајр (17 поени, четири скока, 11 асистенции, две украдени топки). Двициврени беа и Никос Рогкавопулос со 18 поени, четири скока и Вања Маринковиќ со 17 поени и четири скока.
Завршниот турнир во Берлин ќе се одржи од 24. до 26.мај, актуелниот шампион во полуфиналната пресметка со победникот од серијата Барселона-Олимпијакос.
Спорт
(Видео) „Милионерите“ чекор поблиску до финалето – Филкруг му пресуди на ПСЖ
Борусија Дортмунд го совлада Пари Сен Жермен во првиот полуфинален натпревар од Лигата на шампионите. „Милионерите“ забележаа победа 1:0 на „Вестфален“. Херој на „жолтиот ѕид“ беше Никлас Филкруг.
Борусија во првото полувреме, беше подобра само сза тој еден гол, иако всушност до самиот крај на првиот дел од натпреварот ниту еден од тимовите немаше изгледни шанси.
Се играше 36. минута кога Шлотенберг од половината на парижаните ја испрати топката до Филкруг. Овој ја прими брилијантно, повлече напред, се избори со Лукас Ернандез и го совлада Донарума.
Борусија имаше две одлични шанси во самиот финиш на првото полувреме, но Донарума беше на висината на задачата и го спаси својот тим.
Во вториот дел и двете екипи го зголемија својот ритам. Пари Сен Жермен тргна крајно офанзивно во вториот дел од натпреварот.
Стативата од голот на Кобел се тресеше два пати за само десет секунди во 51. минута. Прво се обиде Мбапе, ја погоди стативата, топката се врати кај гостите, по што се обиде и Хакими, но овојпат се затресе статива.
Набргу потоа Борусија имаше шанса да ја зголеми предноста, но одличната аситенција на Санчо, Филкруг не успеа да ја претвори во гол. До крајот ПСЖ два пати опасно се закани преку Фабијан Руиз и еднаш преку Дембеле, а втор гол на домаќинот спречи Маркињос кој во последен момент го блокираше Бранд.
Реваншот е следниот вторник во Париз.
Спорт
Парма се врати во Серија А
Со нерешениот резултат 1:1, на стадиното „Свети Никола“ против Бари, Парма се врати во Серија А. Култниот италијански клуб, на две кола до крајот на сезоната во Серија Б има седум бода повеќе од третопласираната Венеција.
Историјата на Парма во последниве години беше сè само не сјајна. Клубот згасна, па повторно оживеа во 2015 година.
Во следните три години, Парма стана првиот клуб кој остварил промоција во повисок ранг во три последователни сезони и успеа да се врати во Серија А, каде што остана до сезоната 2020/21, Во таа сезона забележа само три победи и повторно испадна во понизок ранг.
Минатата година навивачите беа разочарани по плеј-офот, а сега Парма го обезбеди најмалку второ место и враќање во елитата.