Свет
Цените на струјата повторно се креваат во Бугарија
Бугарија повторно ги зголеми цените не електричната струја, овојпат за речиси 10 отсто, со што би требало да го намали огромниот долг на тамошниот енергетски сектор, што предизвика нов бран негодување на населението пред неделните предвремени парламентарни избори.
Цената на електричната енергија е чувствително прашање во Бугарија каде што сметките за потрошената струја едноставно го голтаат најголемиот дел од приходите на домаќинствата, особено во зимскиот период во грејната сезона. Оттаму, најновата одлука на техничката влада крена неколку стотици граѓани кои во средата се собраа пред седиштето на регулаторната комисија во Софија.
Бугарските регулатори предупредија дека зголемувањето на цената на струјата е неизбежно, имајќи го предвид неодамнешното соопштение на државната енергетска компанија НЕК дека акумулираниот долг изнесува 2,9 милијарди левови, односно 1,5 милијарди евра.
Со ова се повторува ситуацијата од почетокот на јули кога цените во просек беа зголемени за 2 отсто, при што тогаш регулаторот тога бараше до државната компанија да преговара со снабдувачите на струјата за да се изменат неповолните договори.
Имено, откако под притисок на Вашингтон, наводно за Бугарија енергетски да стане независна од Русија, термоцентралите беа продадени на американските компании „AES“ и „ContourGlobal“, а државната НЕК со тие договори беше принудена да ја откупува целата електрична енергија произведена од нив без разлика на потребите што влијае и врз цената.
Кон крајот на август министерот за енергетика во техничката влада, Васил Штонов, побара оставка од тогашниот челник на регулаторната комисија за енергетскиот сектор, поради лошите одлуки коишто според него придонеле за „многу лошата финансиска ситуација во секторот“. Во средата, пак, Штонов изјави дека со најновите зголемувања на цените на струјата во НЕК ќе се инјектираат повеќе до 200 милиони левово (100 милиони евра), за да се намали долгот.
Трите бугарски дистрибутера на електрична енергија се во странска сопственост, кои ги контролираат чешките ČEZ и Energo Pro, како и австриски EVN, порачаа во средата дека зголемувањето на цените претставува само мал чекор, додавајќи дек аи натаму остануваат нерешени многу регулаторни проблеми.
„Зголемувањето ќе им овозможи само на компаниите да ги намират минималните трошоци за одржување на мрежата и давање услуги кон клиентите, но нема да овозможи нејзина модернизација, ниту развој“, тврди менаџерката на EVN, Илина Стефанова.
Претходната влада на социјалистите ја намали двапати цената на електричната енергија за 14 месеци за да го спречи повторувањето на протестите кои доведоа до пад на владата на десниот центар – ГЕРБ, на Бојко Борисов, кој сега според анкетите има најголеми шанси за победа на неделните избори. Потоа владата поддржана до БСП во јули и самата поднесе оставка, поради критиките за нејзиниот третман на инфраструктурните проекти, па бугарските избирачи во недела ќе излезат да ги изберат своите претставници во Народното собрание, третпат во две години./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
РЕ-Ново
Жена лажирала дури 17 бремености во текот на 24 години, добила 100.000 евра
Италијанка завршила во затвор бидејќи лажирала дури 17 бремености во текот на 24 години за да добие речиси 100.000 евра породилни надоместоци.
Барбара Џоел (50) излажала дека родила пет деца и направила уште 12 спонтани абортуси, а за да успее измамата, носела перници под кошулата за да изгледа како да има труднички стомак, пренесува „Јутарњи лист“.
Го лажирала и начинот на кој оди за да изгледа како да носи дете, а со тоа акумулирала значителен број слободни денови од работа. Џоел ги отфрли сите обвинувања и продолжува да тврди дека нејзините пет деца навистина постојат и дека сите нејзини бремености, вклучително и спонтани абортуси, биле реални.
Џоел тврдеше дека го родила своето последно дете во декември, но полицајците рекоа дека ја набљудувале претходните девет месеци и дека целата бременост била лажна. Таа е обвинета и за кражба на изводи од матичната книга на родените и други документи од клиника во Рим, пренесува италијанскиот весник „Ил Матино“.
Со ваков вид измама се занимава од 2000 година и на тој начин обезбедила бенефиции од над 94.000 евра. Дејвид Пичинато, 55-годишниот партнер на Џоел, наводно ѝ кажал на полицијата сè, а за време на испрашувањето рекол дека „добро знаел“ дека таа никогаш не била бремена.
Се верува дека сведочел против Барбара за да добие помала казна, иако и самиот бил обвинет за помагање во нејзината измама.
„Направила лажни сертификати и ги донела“, наводно им рекол Пичинато на истражителите. „Тоа го знам од 2012 година, односно од почетокот на нашата врска. Џоел беше осудена на една година и шест месеци затвор, но не се појави на изрекувањето на пресудата. Нејзиниот адвокат наводно покажал две потврди, кои потврдуваат дека е болна.
Економија
Еврото го слави својот 25-ти роденден: Треба да се воведе во дигиталната ера
Неопходно е еврото да се внесе во дигиталната ера и да се изгради унија на пазарот на капитал и посилна банкарска унија, најавија европските лидери во пресрет на 25-годишнината на европската валута.
Еврото стапи на сила пред 25 години, на 1 јануари 1999 година, а денес е валута на дваесет земји со 350 милиони жители, од кои Хрватска стана последна членка на почетокот на оваа година.
Претседателот на Еврогрупата Пашал Донохое, претседателката на Европската централна банка (ЕЦБ) Кристин Лагард, претседателката на Европскиот парламент Роберта Мецола, претседателот на Европскиот совет Шарл Мишел и претседателката на Европската комисија Урсула фон дер Лајен ја одбележаа таа годишнина со заедничка напис објавен на веб-страницата на ЕЦБ.
„Заедничката валута го олесни животот“
Во написот објавен вчера, тие пишуваат дека заедничката валута ѝ даде на Европската унија „едноставност, стабилност и суверенитет“ и го олесни животот на европските граѓани кои сега можат лесно да ги споредуваат цените, трговијата и патувањето.
Со текот на годините, еврото се соочуваше со големи предизвици, вклучително и прашања за неговото опстанок, пишуваат европските лидери, нагласувајќи дека „секогаш ќе се најдат вистинските одговори“, како што е усогласениот систем на супервизија на банките по големата криза во 2008 година.
„Денес поддршката за заедничката валута меѓу граѓаните на еврозоната се приближува до рекордни нивоа“, посочија тие, предупредувајќи дека работата „не е завршена“ бидејќи Европа се соочува со нови предизвици со кои поединечни држави не можат да се справат сами.
Унијата се соочува со растечки геополитички тензии, првенствено руската „илегална војна“ против Украина, забрзана климатска криза и невидени предизвици за европската конкурентност од другите делови на светот.
Затоа, прашањата како одбраната, зелената и дигиталната транзиција ќе бидат клучни во иднина. Само за декарбонизација на економиите ќе бидат потребни 620 милијарди евра годишно до 2030 година, предупредија тие.
ЕУ мора да изгради вистинска унија на пазарите на капитал за да ги „мобилизира приватните финансии“, да ја зајакне банкарската унија и да ги реформира фискалните правила. Еврото треба да влезе во „дигиталната ера“ и мора да се подготват темелите за потенцијално „дигитално евро“ кое ќе биде комплементарно на готовината.
Лидерите предупредуваат дека „со неколку земји кои моментално се во процес на пристапување во ЕУ“, алијансата мора да го задржи капацитетот да „дејствува решително“.
„Проширувањето и продлабочувањето меѓусебно не се исклучуваат. Но, проширувањето може да бара промени во организацијата на ЕУ“, се заклучува во написот.
Свет
Убиени 41 член од исто семејство во Газа
Министерството за здравство во Појасот Газа соопшти дека 41 член на исто семејство загинале во израелското бомбардирање на нивната куќа во централниот дел на градот Газа.
Министерството објави список со имињата на 41 член на семејството Малка, од кои сите загинаа во нападот што се случи во зори во населбата Зајтун во Појасот Газа, пренесува AFP.
На ова следуваа реакциите на корисниците на социјалните мрежи на веста за смртта на толку голем број членови на исто семејство, кои споделија список со имињата на загинатите, како што наведоа.
Тие ги осудија злосторствата на окупацијата со која беа истребени цели семејства и избришани од матичната евиденција, наведуваат некои од нив во своите објави.